اوپن یونیورسٹی میں عالمی یومِ ذہنی صحت کے حوالے سے آگاہی سیمینار

اسلام آباد(پ ر)علامہ اقبال اوپن یونیورسٹی میں عالمی یومِ ذہنی صحت کے حوالے سے ایک آگاہی سیمینار منعقد کیا گیا جس کا مقصد ذہنی صحت کی اہمیت کو اجاگر کرنا، نفسیاتی مسائل کے بارے میں شعور بیدار کرنا اور معاشرے میں ذہنی صحت سے متعلق مثبت رویوں کو فروغ دینا تھا۔ سیمینار کے مقررین نے اس بات پر زور دیا کہ ذہنی صحت انسانی
زندگی کے معیار، تعلیمی کارکردگی، پیشہ ورانہ صلاحیتوں اور سماجی تعلقات پر گہرے اثرات مرتب کرتی ہے، اس لیے اس کی دیکھ بھال کو جسمانی صحت کی طرح اہمیت دینا ضروری ہے۔مقررین نے کہا کہ موجودہ دور میں تیز رفتار زندگی، تعلیمی و پیشہ ورانہ دبا، معاشی مشکلات اور سماجی توقعات کے باعث افراد کو مختلف نوعیت کے ذہنی دبا اور نفسیاتی مسائل کا سامنا کرنا پڑتا ہے۔سیمینار کی کلیدی مقررفانڈیشن یونیورسٹی کی پروفیسر اور ماہر نفسیات، ڈاکٹر سویرا منصور نے کہاکہ ذہنی صحت کے بارے میں آگاہی پیدا کرنا، مسائل کی بروقت نشاندہی کرنا اور ضرورت پڑنے پر مستند ماہرینِ نفسیات سے رجوع کرنا انتہائی اہم ہے۔ انہوں نے کہا کہ ذہنی صحت کے مسائل کو کمزوری یا شرمندگی کا سبب سمجھنے کے بجائے انہیں صحت کے دیگر مسائل کی طرح سنجیدگی سے لینا چاہیے تاکہ متاثرہ افراد کو بروقت مدد اور مناسب رہنمائی فراہم کی جا سکے۔ڈاکٹر سویرا منصور کا کہنا تھا کہ ذہنی صحت کا خیال رکھنے کے لیے متوازن طرزِ زندگی اپنانا، مناسب نیند لینا، صحت مند غذا استعمال کرنا، باقاعدگی سے جسمانی سرگرمیوں میں حصہ لینا اور اہلِ خانہ و دوستوں کے ساتھ مثبت سماجی روابط برقرار رکھنا مفید ثابت ہو سکتا ہے۔ شعبہ سائیکالوجی کی سینئر فیکلٹی ممبرز، ماریہ مصطفی ملک اور ڈاکٹر سعدیہ مشتاق نے تعلیمی اداروں میں طلبہ کی ذہنی صحت اور جذباتی بہبود پر خصوصی توجہ دینے کی ضرورت پر زور دیتے ہوئے کہا کہ طلبہ کو امتحانات، تعلیمی مقابلے، مستقبل کے انتخاب اور دیگر ذاتی و سماجی مسائل کے باعث ذہنی دبا کا سامنا کرنا پڑ سکتا ہے۔ انہوں نے مزید کہا کہ ذہنی صحت کے حوالے سے معاشرتی آگاہی میں اضافہ اور اس سے وابستہ غلط فہمیوں اور منفی رویوں کا خاتمہ وقت کی اہم ضرورت ہے۔ اس مقصد کے لیے تعلیمی اداروں میں آگاہی سیمینارز، تربیتی نشستوں اور مشاورتی سرگرمیوں کا انعقاد مثر کردار ادا کر سکتا ہے۔ ماریہ مصطفی ملک نے سیمینار کے انعقاد کی سرپرستی اور تعاون فراہم کرنے پر وائس چانسلر، پروفیسر ڈاکٹر ناصر محمود کا شکیہ بھی ادا کیا۔واضح رہے کہ علامہ اقبال اوپن یونیورسٹی طلبہ کی معیاری تعلیم کے ساتھ ان کی ذہنی و جذباتی بہبود اور متوازن شخصیت کی تعمیر کو بھی اپنی تعلیمی ترجیحات میں شامل رکھتی ہے۔