مقبوضہ جموں وکشمیر ، مزید 2کشمیریوں کی جائیدادیں ضبط

سرینگر (این این آئی) بھارت کے غیر قانونی زیر قبضہ جموںکشمیر میں بھارتی انتظامیہ کی طرف سے
کشمیریوں کے گھروں ، زمینوں اور دیگر املاک کی مختلف حیلے بہانوں سے ضبطی کا سلسلہ مسلسل تیز ہوگیا ہے، انتظامیہ نے تازہ کارروائی کے دوران ضلع اسلام آباد میں دو کشمیریوں کے گھر ضبط کر لیے۔کشمیر میڈیا سروس کے مطابق بھارتی پولیس نے نئی دلی کے مسلط کر دہ لیفٹیننٹ منوج سہنا کے احکامات پر ضلع کے علاقے شیشی پورہ میں عبدالرشید بٹ کا قریباً ایک کروڑ روپے مالیت کا دو منزلہ گھر جبکہ اسی ضلع کے علاقے اشمقام میں محمد یوسف نامی شہری کا تقریبا ڈیڑھ کروڑ روپے مالیت کا بھی دو منزلہ مکان ضبط کر لیا۔ پولیس نے گھروں کی ضبطی کا جواز فراہم کرنے کیلئے ان کے مالکان پر منشیات فروشی میں ملوث ہونے کا الزام عائد کیا ہے۔ کشمیریوں کو گھروں، زمینوں، دکانوں اور دیگر منقولہ اور غیر منقولہ جائیدادوں سے محروم کرنے کا مقصد انہیں اپنے ہی وطن میں اجنبی بنانا اور ضبط شدہ جائیدادیں غیر کشمیری بھارتی ہندوئوںکو دیگر کو علاقے میں آبادی کے تناسب کو آگے بڑھانا ہے۔