الیکٹرک واٹر کولر سے کرنٹ لگنے سے نوجوان بے ہوش ریسکیو 1122 کی بروقت کارروائی

تلہ گنگ (نمائندہ خبریں)الیکٹرک واٹر کولر سے کرنٹ لگنے کے باعث ایک شخص بے ہوش ہو گیا، ریسکیو 1122 کی بروقت کارروائی سے متاثرہ شخص ہوش میں آ گیا۔ واقعہ ہائی وے آفس کے قریب 44پیش آیا۔ 32 سالہ ماجد ولد الطاف ایک دکان پر کام کرتا تھا، پانی پینے کے لیے الیکٹرک واٹر کولر کے پاس گیا، کولر کو ہاتھ لگاتے ہی اسے شدید کرنٹ لگا جس کے باعث وہ موقع پر ہی بے ہوش ہو کر گر پڑا۔اطلاع ملتے ہی ریسکیو 1122 کی ٹیم فوری طور پر موقع پر پہنچ گئی۔ ریسکیو ٹیم نے متاثرہ شخص کا موقع پر طبی معائنہ کیا اور اسے ابتدائی طبی امداد فراہم کی۔بروقت طبی امداد ملنے سے متاثرہ شخص کو ہوش آ گیا، جسے مزید علاج و معائنے کے لیے سٹی ہسپتال تلہ گنگ منتقل کر دیا گیا ہے۔