پوٹھوہار پریس کلب کی نو منتخب باڈی کے اعزاز میں پرتکلف عشائیہ

گوجرخان (بیورو رپورٹ) پوٹھوہار پریس کلب گوجرخان کی نو منتخب باڈی کے اعزاز میں سابق صدر ملک جاوید اقبال کی جانب سے تاج ریسٹورنٹ میں پرتکلف عشائیے کا اہتمام کیا گیا، جس میں صحافتی، علمی و ادبی حلقوں سے تعلق رکھنے  والی ممتاز شخصیات نے شرکت کی اور نو منتخب عہدیداران کو مبارکباد پیش کرتے ہوئے ان کے لیے نیک تمناں کا اظہار کیا۔ تقریب میں صدر پوٹھوہار پریس کلب راجہ محمد اقبال، جنرل سیکرٹری ملک اسد اقبال، سینئر نائب صدر راجہ فیصل، نائب صدور مرزا رفعت محمود اور ظفر اقبال بھٹی، فنانس سیکرٹری عامر قریشی، ایڈیشنل سیکرٹری کاشف نوشاہی، انفارمیشن سیکرٹری قدیر خان، مجلس عاملہ کے ارکان احمد نواز کھوکھر، طلعت محمود سیال، چوہدری محمود، مرزا ندیم، ملک سلیم، مرزا ظفر اور ہارون جٹ کے علاوہ سید ثاقب امام رضوی، معروف مصنف عبدالرف کیانی، لیگل ایڈوائزر محمد کلیم اللہ بھٹی ایڈووکیٹ، راجہ اسد محمود، خاور کیانی، خواجہ ظہیر، نصیر چشتی، ڈاکٹر روحان اور ملک راشد نے شرکت کی۔ اس موقع پر سید ثاقب امام رضوی اور معروف مصنف عبدالرف کیانی نے صدر راجہ محمد اقبال، جنرل سیکرٹری ملک اسد اقبال، دیگر نومنتخب عہدیداران اور لیگل ایڈوائزر محمد کلیم اللہ بھٹی کو مبارکباد پیش کرتے ہوئے امید ظاہر کی کہ نئی قیادت صحافتی اقدار کے فروغ اور صحافیوں کے حقوق کے تحفظ کے لیے اپنا مثر کردار ادا کرے گی۔سید ثاقب امام رضوی، عبدالرف کیانی، راجہ اسد محمود اور ڈاکٹر روحان نے اپنے خیالات کا اظہار کرتے ہوئے کہا کہ صحافت معاشرے کی اصلاح، عوامی مسائل کی نشاندہی اور مثبت شعور اجاگر کرنے کا اہم ذریعہ ہے۔ صحافیوں کو چاہیے کہ وہ دیانت داری، ذمہ داری اور باہمی احترام کو مقدم رکھتے ہوئے حقائق پر مبنی صحافت کو فروغ دیں۔معروف صحافی طلعت محمود سیال نے کہا کہ صحافتی برادری کا اتحاد، باہمی تعاون اور پیشہ ورانہ ہم آہنگی وقت کی اہم ضرورت ہے، جبکہ احمد نواز کھوکھر نے کہا کہ صحافی معاشرے کی آواز اور عوامی مسائل کے ترجمان ہیں، اس لیے انہیں ہمیشہ حقائق اور اصولوں کی پاسداری کرنی چاہیے۔تقریب کے اختتام پر صدر پوٹھوہار پریس کلب راجہ محمد اقبال اور جنرل سیکرٹری ملک اسد اقبال نے پرتکلف عشائیے کے اہتمام پر سابق صدر ملک جاوید اقبال کا خصوصی شکریہ ادا کیا۔ انہوں نے کہا کہ ایسی تقریبات صحافتی برادری کے درمیان محبت، خلوص، باہمی احترام اور اتحاد کو مضبوط بنانے میں اہم کردار ادا کرتی ہیے