گوجرخان ( بیورو رپورٹ)پاکستانی وفد کی صدرِ ماریشس سے ملاقات؛ فکری و ثقافتی روابط کے
فروغ پر اتفاق پورِٹ لوئس (ماریشس) یومِ اقبال کی تقریبات 2026 کے سلسلے میں ماریشس کا دورہ کرنے والے پاکستانی وفد نے اسٹیٹ ہاس میں صدرِ ماریشس عزت مآب دھرمبیر گوکھول سے خصوصی ملاقات کی۔وفد میں علامہ محمد اقبال کے پوتے ولید اقبال، پاکستانی ہائی کمشنر منصور کریمبکس فیصل زاہد ملک چیئرمین اور اوورسیز نیوز ڈپٹی ہائی کمشنر خدیجہ خالد خان، اعزازی قونصل شاہد سیٹھی، سہیل یاسین سلیمان اور ان کی بیگمات شامل تھیں۔ دور ماریشس کے دوران وفد کی میزبانی وائز گروپ کے چیئرمین طارق شریف بھٹی گرینڈ بے میں واقع اپنے معروف بلیو راول سپا اینڈ ریزورٹس میں کر رہے ہیں۔ملاقات میں ماریشس کی کثیر الثقافتی شناخت، اردو زبان کی اہمیت اور علامہ اقبال کے آفاقی پیغام کو انسانی وقار و خود شناسی کا مشترکہ ورثہ قرار دیا گیا۔ وفد کے سربراہ ولید اقبال 13 نومبر کو فرینڈز آف پاکستان اور اسلامک کلچرل سینٹر کے زیرِ اہتمام منعقدہ کانفرنس میں کلیدی خطاب بھی کریں گے۔ یہ دورہ دونوں ممالک کے سفارتی، ثقافتی اور تجارتی تعلقات کو مزید مستحکم کرنے میں اہم ثابت ہوگا۔
