ٹیکسلا بار کے انتخابات، صدارتی امیدوار ملک اجمل شہزاد کی انتخابی مہم عروج پر

واہ کینٹ( نمائندہ خبریں ) ٹیکسلا بار ایسوسی ایشن کے سالانہ انتخابات 12 دسمبر 2026 کو منعقد ہوں گے جن کے قریب آتے ہی انتخابی سرگرمیاں اپنے عروج پر پہنچ گئی ہیں بار کی صدارتی نشست کے لئے بار کی ممتاز شخصیت اور معروف قانون دان ملک اجمل شہزاد ایڈووکیٹ ایک انتہائی مضبوط اور توانا امیدوار کے طور پر میدان میں اتر باقی صفحہ 6بقیہ نمبر 25 چکے ہیں سابق جنرل سیکرٹری بار ایسوسی ایشن ٹیکسلا ملک اجمل شہزاد نے ہمیشہ وکلا برادری کے حقوق فلاح و بہبود اور بار کے وقار کی بلندی کے لئے عملی کوششیں کی ہیں جن کے اعتراف میں انہیں وکلا کے اکثریتی طبقات کی جانب سے غیر معمولی حمایت حاصل ہو رہی ہے خصوصا بار کے بزرگ وکلا، خواتین وکلا (لیڈیز لائرز) اور نوجوان وکلا (ینگ لائرز) کی جانب سے ان کی انتخابی مہم کو زبردست پذیرائی مل رہی ہے ٹیکسلا بار کی تاریخ میں ملک اجمل شہزاد کی قانونی خدمات پیشہ ورانہ دیانت اور وکلا کی سرپرستی کو ہمیشہ سنہری حروف سے یاد رکھا جائے گا انتخابات کے سلسلے میں ٹیکسلا بار کے سابق صدور اور سینئر وکلا نے اپنے خیالات کا اظہار کرتے ہوئے ملک اجمل شہزاد کی غیر مشروط حمایت کا اعلان کیا ہے سابق صدر ملک عرفان سینئر ایڈووکیٹ نے کہا کہ ملک اجمل شہزاد ایڈووکیٹ ایک نڈر، دیانت دار اور باصلاحیت قانون دان ہیں انہوں نے ہمیشہ وکلا کے حقوق کے تحفظ کیلئے عملی اقدامات کیے ہیں ان کی صدارت میں ٹیکسلا بار مزید ترقی اور اتحاد کی منزلیں طے کرے گی اور پوری وکلا برادری ان کے شانہ بشانہ کھڑی ہے میر ناصر بلال سابق صدر سینئر وکیل نے کہا کہ ملک اجمل شہزاد کا صدارتی میدان میں آنا اس بات کا غماز ہے کہ بار کی قیادت اب ایسے ہاتھوں میں جانے والی ہے جو سب کو ساتھ لے کر چلنے کی صلاحیت رکھتے ہیں ان کی شرافت پیشہ ورانہ دیانت اور سینئرز و جونیئرز کے ساتھ تعاون کا جذبہ بے مثال ہے ملک خالد شہزاد سابق صدر و سینئر وکیل نے کہا کہ موجودہ انتخابات میں ملک اجمل شہزاد کی پوزیشن انتہائی مضبوط ہے نوجوان وکلا اور خواتین وکلا کی طرف سے انہیں جو والہانہ حمایت مل رہی ہے وہ اس بات کی دلیل ہے کہ 12 دسمبر کو کامیابی ان کا مقدر بنے گی وہ بار کے مسائل کو حل کرنے کی بھرپور صلاحیت رکھتے ہیںچوہدری خالد محبوب سینئر وکیل نے کہا کہ ملک اجمل شہزاد کی خدمات سے پوری بار واقف ہے انہوں نے ہمیشہ بار کے وقار کو مقدم رکھا ہے ان کی اعتدال پسند سوچ اور قائدانہ صلاحیتیں اس بات کا تقاضا کرتی ہیں کہ ہم سب مل کر ان کا ساتھ دیں تاکہ بار کی فلاح و بہبود کے ادھورے کام پایہ تکمیل کو پہنچ سکیں دیگر معزز وکلا کا کہنا ہے کہ موصوف کی سابقہ خدمات اور ان کی شفقت و اعتدال پسندی کی بدولت انہیں وکلا کا مکمل اعتماد اور حوصلہ حاصل ہے اور انتخابات میں ان کی شاندار کامیابی کے روشن امکانات موجود ہیں