نیویارک (این این آئی )اقوامِ متحدہ کی سلامتی کونسل نے دنیا کے مختلف خطوں میں بڑھتے ہوئے شدید غذائی بحران، قحط کے خطرات سے نمٹنے کے لیے ایک جامع، ہنگامی قرارداد متفقہ طور پر منظور کر لی ہے۔ غیر ملکی خبر رساں ادارے کے مطابق نیویارک میں منعقدہ خصوصی اجلاس میں سلامتی کونسل کے تمام پندرہ رکن ممالک نے اس قرارداد کے حق میں ووٹ دیا جس کے تحت عالمی تنازعات کے دوران خوراک کو بطور جنگی ہتھیار استعمال کرنے پر مکمل پابندی عائد کر دی گئی ہے۔ قرارداد میں کہا گیا کہ تمام رکن ممالک جنگ زدہ، موسمیاتی آفات سے متاثرہ غریب ممالک تک گندم، چاول، دیگر ضروری غذائی اجناس کی ترسیل میں حائل تمام رکاوٹیں فوری طور پر ختم کریں گے۔ اقوامِ متحدہ کے سیکرٹری جنرل کا کہنا تھا کہ دنیا بھر میں کروڑوں انسان شدید بھوک کا شکار ہیں، اس قرارداد پر سختی سے عملدرآمد کر کے لاکھوں قیمتی انسانی جانوں کو بچایا جا سکتا ہے۔
