اسلام آباد (آئی این پی) وزیر مملکت اطلاعات مریم اورنگزیب نے کہا کہ مریم نواز نے جے آئی ٹی پیشی کے موقع پر کوئی سرکاری پروٹوکول نہیں لیا، عمران خان نے تو اپنی بیٹی کوہی قبول نہیں کیا وہ بیٹوں کی عزت کیا جانیں ،عمران خان کس حیثیت میں صوبائی حکومت کاہیلی کاپٹر اور ریسٹ ہاﺅس استعمال کرتے ہیں، یہودیوں اور ہندوﺅں کی غیر ملکی فنڈنگ کاان کے پاس کوئی جواب نہیں اس لیے عدالتوں سے مفرور ہیں، بدھ کو مریم نواز کی جے آئی ٹی کے موقع پر مریم اورنگزیب نے عمران خان کے ٹویٹ کے ردعمل میںکہاکہ عمران خان بیٹیوں کی عزت کرنے والے اسی طرح بیٹیوں کے ساتھ آتے ہیں۔عمران خان جیسے لوگ جو بیٹیوں کو قبول ہی نہیں کرتے وہ صرف بیان ہی دے سکتے ہیں۔ عمران خان قوم کو جواب دیں کس حیثیت سے وزیراعلیٰ ہاﺅس میں لڈو پر سانپ سیڑھی کھیلتے ہیں۔ سانپ کون ہے عوام جانتی ہے۔ سانپ کو اقتدار کی سڑھی لڈو کھیل کرہی مل سکتی ہے۔ انہوں نے کہا کہ عمران خان قوم کو جواب دیں کہ صوبے کا سرکاری ہیلی کاپٹر کس حیثیت سے استعمال کرتے ہیں۔ عمران خان جوان دیں کہ عدالتوں سے کیوں مفرور ہیں۔ یہودیوں اور ہندوﺅں کی غیرملکی فنڈنگ کہاں سے آئی ۔ عمران خان جھوٹ بولنے سے باز نہیں آئے مریم نواز کسی سرکاری پروٹوکول میں جے آئی ٹی نہیں آئیں سب گھر والوں کی پرائیوٹ گاڑی تھیں۔
