اسلام آباد(نامہ نگار خصوصی)جے آئی ٹی کی جانب سے مریم نواز کو طلب کیے جانے پر لیگی رہنما حنیف عباسی آگ بگولہ ہو گئے جن کا کہنا ہے کہ اب حریفوں کی بہن بیٹیاں بھی عدالتوں میں پیش ہونگی ۔نجی ٹی وی کے مطابق حنیف عباسی نے مریم نواز کی جے آئی ٹی میں پیشی پر بات کرتے ہوئے کہا ہے کہ آنے والے وقت میں لوگوں کی بہنیں بھی عدالتوں میں پیش ہونگی ۔بہنیں جب پیش ہونگی تو بھائی باہر نکلیں گے اور یاد رکھیں آنے والے وقت میں لوگوں کی بہنیں بھی عدالتوں میں پیش ہونگی ۔حنیف عباسی نے کہا کہ ہم پر امن ہیں اور کارکنوں نے کوئی بھی فالتو نعرہ نہیں لگایا ، بہنیں عدالتوں میں پیش ہونگی تو بھائی اظہار یکجہتی کیلئے آئیں گے۔
