ناجائز منافع خوروں کیلئے شکنجہ تیار, وزیراعلیٰ نے احکامات جاری کردئیے

لاہور (اپنے سٹاف رپورٹر سے) وزیراعلیٰ پنجاب محمد شہبازشریف نے بعض سبزیوں کی قیمتوں میں اضافے کا نوٹس لیتے ہوئے لندن سے صوبائی کابینہ کمیٹی برائے پرائس کنٹرول کو ضروری ہدایات جاری کی ہیں۔وزیراعلی نے صوبائی کابینہ کمیٹی برائے پرائس کنٹرول کو ہدایت کی ہے کہ عوام کو مناسب قیمت پر سبزیوں کی فراہمی کے لئے فوری طور پر ضروری اقدامات اٹھائے جائیںاورقیمتوں کومناسب سطح پر لانے کیلئے ہرممکن اقدام کیاجائے اورمتعلقہ محکمے اورادارے قیمتوں میں استحکام کیلئے فعال اور متحرک کردار ادا کریں۔ وزیر اعلیٰ نے کہا کہ صوبہ بھرمیں پرائس کنٹرول مجسٹریٹس قیمتوں پر کڑی نظر رکھیں اور مصنوعی مہنگائی پیدا کرنے والوں کے خلاف بلاامتیاز کارروائی کی جائے۔ کابینہ کمیٹی برائے پرائس کنٹرول مارکیٹوں اور بازاروں کے خود دورے کرکے نرخوں کا جائزہ لے اورقیمتوں کے ساتھ ساتھ معیار پر کوئی سمجھوتہ نہ کیا جائے۔عوام کو کسی بھی صورت ناجائز منافع خوروں کے رحم و کرم پر نہیں چھوڑا جاسکتا۔ وزیر اعلیٰ پنجاب نے پیاف فاو¿نڈرز الائنس کولاہور چیمبر آف کامرس اینڈ انڈسٹریزکے انتخابات میں کامیابی پر مبارکباد دی ہے۔دزیر اعلی نے اپنے تہنیتی پیغام میں نومنتخب صدر طاہر جاوید ملک،سینئر نائب صدر خواجہ خاور رشید ،نائب صدر ذیشان خلیل اوردیگر عہدیداروں کے ساتھ فلاحت عمران کو وویمن چیمبر آف کامرس اینڈ انڈسٹریز لاہور ڈویژن کی صدر منتخب ہونے پر مبارکباد دی ہے۔ وزیر اعلیٰ پنجاب محمد شہباز شریف نے شہیدلیفٹیننٹ ارسلان عالم کو خراج عقیدت پیش کرتے ہوئے کہا ہے کہ وطن عزیز پر اپنا آج قربان کرنے والے پوری قوم کافخرہیں اورقوم شہیدلیفٹیننٹ ارسلان عالم جیسے بہادر سپوتوںکی عظیم قربانیوں کو کبھی فراموش نہیں کرسکتی۔شہید لیفٹیننٹ ارسلان عالم نے جوانمردی سے دہشت گردوں کا مقابلہ کرتے ہوئے جام شہادت نوش کیا۔شہیدلیفٹیننٹ ارسلان عالم نے وطن کے امن کےلئے اپنی قیمتی جان نچھاور کی۔ ہم سب کوپاکستان کی خاطر قربانےاں دےنے والے شہید ارسلان عالم جےسے جری سپوتوں پر ناز ہے ۔پاکستان کی مسلح افواج کے بہادر افسروں اورجوانوں نے ملک و قوم کے امن کیلئے اپنی قیمتی جانیں نچھاور کی ہیں -قوم پاک فوج کے بہادر سپوتوں کو سلام پیش کرتی ہے – وزیر اعلیٰ نے کہا کہ اقوام عالم میں پاکستان کی دہشت گردی کے خلاف جنگ میں لازوال قربانیوں کی کوئی مثال نہیںملتی۔پاک افواج ، پولیس اورہر طبقے نے بہادری ،دلیر ی اورجرات کے ساتھ قربانیوں کی تاریخ رقم کی ہے اور شہداءپوری قوم کے ہیر و ہیں اورپوری قوم شہداءکی ا نمٹ قربانیوں کو سلیوٹ کرتی ہے۔انہوں نے کہا کہ قوم دہشت گردی کے خاتمے کیلئے متحد ہے۔ وزیراعلیٰ پنجاب نے فیصل آباد کے علاقے میں مین ہول کی صفائی کے دوران دم گھٹنے کے باعث 3افرادکے جاںبحق ہونے پر افسوس کا اظہار کیا ہے۔وزیر اعلیٰ نے لواحقین سے دلی ہمدردی اور تعزیت کا اظہار کیا ہے۔