لاہور (مانیٹرنگ ڈیسک) سابق ٹیسٹ کرکٹر اکرم رضا نے کہا ہے کہ انڈر 19 ایشیا کپ میں پاکستان کافی دباﺅ میں تھا لیکن ایک اچھی پارٹنرشپ سے پاکستان نے بہتر سکور کر لیا۔ چینل ۵ کے پروگرام ”گگلی“ میں گفتگو کرتے ہوئے انہوں نے کہا خوش قسمتی سے پاکستان بارش کے باعث میچ جیت گیا۔ میچ جیت کے ثابت ہو گیا پاکستان میں آنے والے پلیئرز بھی کم نہیں ہیں۔ اب دیکھیں فائنل میچ میں پاکستان کس طرح کیسی پرفارمنس دیتا ہے۔ آنے والے دنوں میں ان میں سے کوئی کھلاڑی پاکستان کے لیے کھیلتا نظر آئے گا اور مزید ٹیلنٹ ابھر کر سامنے آئے گا۔ حفیظ اب اپنے کیریئر کے آخری مراحل میں ہے۔ سپورٹس جرنلسٹ اشرف چودھری نے کہا محمد حفیظ آل راﺅنڈر ہیں ان پر ایک سال پابندی بھی رہی اور اس دوران کھلاڑی کی کمی بحرحال ضرور محسوس ہوتی ہے جب تک وہ اپنا باﺅلنگ ایکشن درست نہیں کرتے وہ باﺅلنگ کرا سکتے لیکن ٹیم کے ساتھ بطور اوپنر وہ کھیل سکتے ہیں۔ اصل کرکٹ ٹیسٹ کرکٹ ہے ٹی 20 کرکٹ میں تو آپ نے ماردھاڑ ہی کرنا ہوتی ہے۔
