لاہور(پ ر) وزیراعلیٰ پنجاب محمد شہباز شریف اسلام آباد میں چین کے سفارت خانے گئے اور چین کے سفیر یاﺅ جنگ (Mr. Yao Jing) سے ملاقات کی۔ وزیراعلیٰ نے چین کے سفیر کو گلدستہ پیش کیا اور پاکستان میںتعیناتی پر چین کے سفیر یاﺅ جنگ کے لئے نیک تمناﺅں کا اظہار کیا۔ملاقات میں باہمی دلچسپی کے امور، دو طرفہ تعلقات کے فروغ، سی پیک کے منصوبوں اور مختلف شعبوں میں تعاون بڑھانے پر تبادلہ خیال بھی کیا گیا۔ چینی سفیریاﺅ جنگ نے وزیراعلیٰ پنجاب سے گفتگو کرتے ہوئے کہا کہ پاکستان اور چین کی دوستی اور دو طرفہ معاشی تعاون ہر گزرتے لمحے فروغ پا رہا ہے اورپاک چین دوستی کو فروغ دینے میں پنجاب کے وزیر اعلیٰ شہباز شریف کی کاوشیں لائق تحسین ہیں۔چینی سفیر نے کہا کہ وزیراعلیٰ شہبازشریف ویژنری لیڈر ہیں اور©” پنجاب سپیڈ “کا اعزاز شہباز شریف کی انتھک محنت اور غیر معمولی کارکردگی کا نتیجہ ہے اور”پنجاب سپیڈ“ ایک حقیقت بن چکی ہے ۔ ”پنجاب سپیڈ“ کے ذریعے بجلی کے منصوبوں کو مکمل کرکے توانائی بحران پر قابو پانے کا کریڈٹ ان کو جاتا ہے۔ چینی سفیر نے کہاکہ وزیر اعلی محمد شہباز شریف کی قیادت میں پنجاب حکومت کی کارکردگی عوامی امنگوں کے مطابق ہے اور پاک چین دوستی کے فروغ او رسی پیک کے منصوبوں پر عملدرآمد کے حوالے سے شہبازشریف نے انتھک محنت سے کام کیا ہے اوراس حوالے سے ان کا عزم او رخدمات نا قابل فراموش ہیں۔انہوں نے کہا کہ وزیراعلیٰ شہبازشریف کی قیادت میں پنجاب میں سی پیک کے منصوبوں کو انتہائی تیز رفتاری سے مکمل کیا جا رہاہے۔ انہوں نے کہا کہ پاکستان او رچین انتہائی با اعتماد دوست ہیں اور چائنہ پاکستان اکنامک کوریڈور دونوں ممالک کی قیادت کے ترقیاتی ویژن کا عکاس ہے اور سی پیک سے پاک چین تعلقات کو نئی جہت ملی ہے۔ چینی سفیر نے وزیر اعلی پنجاب کے عوامی خدمت کے جذبے کی تعریف کی اور کہاکہ حکومت جس انداز سے عوامی خدمت اور معاشی ترقی کے منصوبوں پر عمل پیرا ہے وہ قابل تحسین ہے اور دونوں ملک اسی جذبے کے ساتھ پیش رفت جاری رکھیں گے۔ وزیر اعلیٰ شہباز شریف نے اس موقع پر گفتگوکرتے ہوئے کہا کہ پاک چین دوستی دنیا میں امن ، محبت، تعاون اور والہانہ جذبوںکی روشن مثال ہے ۔سی پیک کے عظیم منصوبے نے معاشی و اقتصادی ترقی کی نئی تاریخ رقم کی ہے اورخطے کے دیگر ممالک بھی سی پیک سے مستفید ہو ں گے۔سی پیک سے پاکستان میں ترقی کی نئی راہیں کھلی ہیں۔وزیر اعلیٰ نے کہا کہ پاکستان میں سی پیک کے تحت منصوبوں کی تیز رفتار اور شفاف تکمیل کی کوئی دوسری مثال موجود نہیں۔چائنہ پاکستان اکنامک کوریڈورنے دونوں ملکوں کے تعلقات کو نئی بلندےوں تک پہنچاےا ہے ۔سی پیک ایک عظیم الشان منصوبہ ہے جس کے ثمرات سامنے آنا شروع ہو چکے ہیں۔وزیر اعلیٰ نے کہا کہ توانائی منصوبوں کی ریکارڈ مدت میں تکمیل سے پاکستان میں لوڈشیڈنگ کا خاتمہ ہوا ہے۔1320میگا واٹ کا ساہیوال کول پاور پلانٹ مقررہ مدت سے 6ماہ قبل مکمل کیا گیاہے۔انہوں نے کہاکہ چین کے صدر شی جن پنگ نے بیلٹ اور روڈ کا شاندار ویژن دیاہے ۔ پاکستان اور چین کے مابین برادارنہ دوستی کا سفر چھ دہائیوں پر مشتمل ہے اور اب دونوں ملکوں کی دوستی کی مثال اپنی مثال آپ ہے۔ پاکستان اور چین کی دوستی نئی منزلوں کو چھو رہی ہے ۔انہوںنے کہا کہ سیاسی اور سفارتی سطح پر بھی چین پاکستان کےساتھ چٹان کی طرح کھڑا رہاہے۔وزیر اعلیٰ نے کہا کہ مسلم لیگ (ن) کی حکومت کے دور میں پاکستان اور چین کےساتھ تعلقات مزید وسیع اور مضبوط ہوئے ہیں اور پاکستان اور چین باہمی احترام ، محبت اور پیار لازوال رشتے میں بندھے ہوئے ہیں۔ چین نے مشکل حالات میں پاکستان کا ہاتھ تھام کر سچے دوست کا ثبوت دیاہے۔ وزیر اعلیٰ پنجاب نے رضا کارانہ خدمات سر انجام دینے والے افراد اور تنظیموں کے عالمی دن کے موقع پراپنے پیغام مےں کہا ہے کہ انٹرنیشنل والنٹیئرز ڈے قدرتی آفات کے دوران انسانی جانیں بچانے کےلئے موثر،جامع اور مشترکہ کاوشےں بروئے کارلانے کے حوالے سے اےک پلےٹ فارم فراہم کرتا ہے۔انہوںنے کہاکہ مشکلات میں گھرے افراد کی مدد کیلئےرضا کارانہ خدمات سر انجام دینے والے افراد اور تنظیمیںمبارکباد کی مستحق ہیں کےونکہمشکلات میں گھرے افراد کی مددکرنا انسانیت کی اعلیٰ اقدار ہے اور کسی لالچ اور مفاد کے بغیر رضاکارانہ خدمات کا فریضہ سرانجام دینے والے دین اور دنیا دونوں کما تے ہیں۔وزےراعلیٰ نے کہا کہ رضاکارانہ خدمات سر انجام دینے والے قدرتی آفات میں اپنی جانوں کی پرواہ کئے بغیر انسانیت کی مدد کیلئے آگے بڑھتے ہیںاوررضاکار سچے جذبے کےساتھ کام کرتے ہیںجو کہ ایک نیک مقصد ہے ۔ انہوںنے کہاکہ والنٹیئرز ثقافت ، زبان اور جغرافیائی حدود سے ماورا ہو کر کام کرتے ہیں اور انسانیت کی خدمت کے جذبے سے سرشار رہتے ہیںاورےہی وجہ ہے کہ رضا کارانہ خدمات سرانجام دینے والی تنظیمیں،ادارے اور افراد کا کردار معاشرے کےلئے ایک مثالی حیثیت کا حامل ہوتاہے۔ وزیر اعلیٰ پنجاب نے اشتیاق احمد اسسٹنٹ کمپٹرولر، دفتر وزیر اعلیٰ پنجاب کی والدہ کے انتقال پر گہرے دکھ اور افسوس کا اظہارکیا ہے۔وفد سے گفتگو کرتے ہوئے وزیراعلیٰ پنجاب نے کہا ہے کہ ملک کو درپیش چیلنجز کا مقابلہ کرنے کےلئے پوری قوم کو متحد ہونا ہوگا۔ اتحاد کی قوت سے سماج دشمن عناصر کے مذموم عزائم کو خاک میں ملانا ہے۔ باہمی اختلافات کو بالائے طاق رکھتے ہوئے ملک کی ترقی اور خوشحالی کےلئے ملکرکام کرنا ہوگا۔ ملک کسی صورت انتشار کی سیاست کا متحمل نہیں ہوسکتا اور ہمےںاپنی صفوں میں اتحاد پیدا کر کے ملک کی ترقی کےلئے آگے بڑھنا ہے۔ انہوں نے کہا کہ عوام کی خدمت کو ہمیشہ عبادت کا درجہ دیا ہے اور گزشتہ ساڑھے چار برس سے صوبے کے عوام کی بے لوث خدمت کی ہے۔ شہبازشرےف نے کہا کہ صوبے کی تیز رفتار ترقی کےلئے ٹھوس حکمت عملی اپنائی ہے اورصوبے مےں شفافیت اور میرٹ کی پالیسی کو فروغ دیا گیاہے۔ انہوں نے کہا کہ ہر شعبہ میں میرٹ کی بالادستی کو یقینی بنایا ہے۔ کرپشن کےخلاف زیرو ٹالرنس پالیسی اپنائی گئی ہے اور صوبہ بھر میں ترقیاتی منصوبوں کی بر وقت اور معیاری تکمیل کو یقینی بنایا ہے۔ پسماندہ علاقوں کی ترقی ہماری ترجیحات میں شامل ہے۔ انہوں نے کہا کہ خادم پنجاب دیہی روڈز پروگرام دیہی علاقوں کی ترقی میں اہم سنگ میل کی حیثیت رکھتا ہے۔ ٹرانسپورٹ اور انفراسٹرکچر منصوبوں کو تیز رفتاری سے مکمل کیا ہے۔
