لاہور (ویب ڈیسک)ہائیکورٹ نے پاکستان الیکٹرانک میڈیا اینڈ ریگولیٹری اتھارٹی (پیمرا) کے چیئرمین ابصار عالم کی تعیناتی کالعدم قرار دے دی۔شہری منیر احمد نے ایڈووکیٹ اظہر صدیق کی وساطت سے ابصار عالم کی بطور چئیرمین پیمرا تقرری کو چیلنج کرتے ہوئے لاہور ہائیکورٹ میں درخواست دائر کی تھی۔مذکورہ درخواست پر سماعت کے بعد لاہور ہائیکورٹ کے جسٹس شاہد کریم نے چیئرمین پیمرا ابصار عالم کی تعیناتی کے خلاف فیصلہ محفوظ کیا تھا، جو آج سنایا گیا۔سینئر صحافی ابصار عالم کو 22 اکتوبر 2015 کو چیئرمین پیمرا کے عہدے پر تعینات کیا گیا تھا۔
