سری نگر(ویب ڈیسک) پاکستان سے والہانہ محبت کا اظہار کرنے والے 4 کشمیری کرکٹرز کو قابض بھارتی پولیس نے گرفتار کرلیا۔مقبوضہ کشمیر کے ضلع باندی پورا کے گاؤں ایرن میں ایک میچ سے قبل پاکستان کا قومی ترانہ بجایا گیا جس پر تمام کھلاڑی احتراماً کھڑے رہے جس کی ویڈیو سوشل میڈیا پر وائرل ہوگئی۔پولیس کی جانب سے ویڈیو وائرل ہونے کے بعد 4 کھلاڑیوں کو گرفتار کرلیا گیا جن پر میچ کا اہتمام کرانے، پاکستان کا قومی پرچم بجاتے ہوئے ویڈیو بنا کر اسے سوشل میڈیا پر ڈالنے کا الزام ہے۔اپریل 2017 میں بھی اسی قسم کی ایک ویڈیو وائرل ہوئی تھی جس میں مقامی کرکٹرز میچ سے قبل نہ صرف قومی ترانے کے احترام میں کھڑے ہوئے بلکہ پاکستان کرکٹ ٹیم کی وردی پہنے انہوں نے سبز ہلالی پرچم کو سلامی بھی دی۔
