لاہور (نیااخبار رپورٹ) پاکستان پیپلزپارٹی کے سینئر وائس چیئرمین، سابق وزیراعظم یوسف رضا گیلانی کو ہسپتال سے فارغ کر دیا گیا۔ وہ فوڈ پوائزنگ کے بعد بلڈ پریشر کم ہونے کی وجہ سے سر میں چکر آنے پر گھر میں گر گئے تھے وہ دو دن ڈیفنس کے نجی ہسپتال میں رہے۔ جمعرات کی شب انہیں ڈسچارج کر دیا گیا اور وہ گھر منتقل ہوگئے۔ ڈاکٹروں نے ان کی گردن میں سرویکل کالر لگا دیا ہے۔ اور مکمل آرام کا مشورہ دیا ہے۔ تحریک انصاف کے وائس چیئرمین شاہ محمود قریشی، سپیکر پنجاب اسمبلی رانا محمد اقبال، مخدوم احمد محمود، قیوم جتوئی، راجہ پرویز اشرف، ہمایوں خان سمیت سیاسی رہنماﺅں نے ہسپتال جا کر یوسف رضا گیلانی کی خیریت دریافت کی اور گلدستے پیش کیے۔
