لاہور (مانیٹرنگ ڈیسک) ن لیگ کے 100 ممبران اسمبلی پارٹی چھوڑ کر تحریک انصاف میں جانے کو تیار، حکومت نے ادویات کی قیمتوں میں 30 فیصد اضافہ کیمنظوری دیدی۔ یہ انکشافات سینئر صحافی چودھری غلام حسین نے نجی ٹی وی سے گفتگو کرتے ہوئے کئے۔ انہوں نے کہا کہ لیگی قومی و صوبائی ممبران اسمبلی نے تحریک انصاف قائدین سے ملاقات کی اور پارٹی میں شمولیت کا عندیہ دیدیا۔ حکومت نے غریبوں پر ایک اور بم گرانے کی تیاری کر لی اور ادویات کی قیمتوں میں 30 فیصد اضافہ کی منظوری دیدی ہے۔ حکومت وجود میں آنے سے اب تک ادویات کی قیمتوں میں 250 فیصد تک اضافہ کر چکی ہے۔ ہسپتالوں میںپتھالوجی اور ریڈیالوجی شعبوں کی نجکاری کی تیاریاں کی جا رہی ہیں۔
