لاہور (نیا اخبار رپورٹ) مسلم لیگ (ن) کے ذرائع نے دعویٰ کیا ہے کہ پیپلز پارٹی کے شریک چیئرمین آصف علی زرداری اور (ن) لیگ کے سربراہ میاں نواز شریف کے مابین اہم ملاقات کیلئے پس پردہ رابطے جاری ہیں اور محکمنہ طور پر پیپلز پارٹی کو صدر پاکستان اور چیئرمین سینٹ میں سے ایک عہدہ کی پیشکش کی جا سکتی ہے۔ لیگی ذرائع کے مطابق مارچ 2018ءمیں چیئرمین سینٹ میاں رضا ربانی مدت پوری ہونے پر ریٹائرڈ ہو جائیں گے۔ امکان ہے کہ مارچ کے دوران ہی ناسازی طبع کا جواز پیش کر کے صدر مملکت ممنون حسین بھی اپنے عہدہ سے استعفیٰ دے سکتے ہیں اور اسی دوران مسلم لیگ (ن) اور پیپلز پارٹی کی اعلیٰ قیادت کے مابین اہم ملاقات ہو سکتی ہے۔ تجاویز پر غور جاری۔
