لاہور (آن لائن) پاکستان پیپلز پارٹی کے شریک چیئرمین آصف علی زرداری گزشتہ روز لاہور پہنچ گئے، پارٹی کے شریک چیئرمین ایئر پورٹ سے بلاول ہاﺅس گئے، آصف علی زرداری کے دورہ لاہور کے حوالے سے پارٹی ذرائع کا کہنا ہے کہ وہ آج بلاول ہاﺅس میں قیام کے دوران پارٹی کے مختلف رہنماﺅں سے ملاقات کریں گے جبکہ پاکستان پیپلز پارٹی وسطی پنجاب کے صدر قمر الزمان کائرہ سمیت پیپلز پارٹی لاہور کے صدر حاجی عزیز الرحمن چن اور پارٹی کے دیگر رہنما یوم کشمیر کے موقعہ پر بیرون موچی دروازہ کی تاریخی جلسہ گاہ میںکل ہونے والے جلسے کے انعقاد کے انتظامات کا جائزہ لیں گے اور پارٹی رہنماﺅں کے ساتھ مشاورت کریں گے جبکہ پیپلز پارٹی لاہور اور پنجاب کے رہنما آصف علی زرداری کو موچی دروازہ جلسہ کے انتظامات کے حوالے سے بریفنگ دیں گے۔
