کوئٹہ(ویب ڈیسک )بلوچستان کے شمال مغربی ضلع چاغی میں زمین کے تنازع پر دو گروہوں میں فائرنگ کے نتیجے میں 8 افراد ہلاک ہوگئے۔ضلعی انتظامیہ کے مطابق فائرنگ کا واقعہ چاغی کے سرحدی علاقے برابچہ میں پیش آیا جہاں دو گروہوں کے درمیان زمین کے تنازع پر مسلح تصادم ہوا جس کے نتیجے میں 8 افراد ہلاک اور ایک زخمی ہوا۔واقعے کے بعد لیویز اور فرنٹئیر کور کے اہلکار موقع پر پہنچ گئے اور علاقے کو گھیرے میں لے لیا۔ دونوں گروہوں کے درمیان فائرنگ کے تبادلے کے بعد اب بھی کشیدگی برقرار رہے جب کہ فورسز نے علاقے میں گشت شروع کردیا۔
