خضدار (ویب ڈیسک): ملک بھر میں 5 فروری کی مناسبت سے یوم یکجہتی کشمیر منایا جا رہا ہے۔ خضدار میں دو تلوار کے قریب دھماکہ ہوا۔ میڈیا رپورٹس کے مطابق پولیس نے بتایا کہ دھماکہ یوم یکجہتی کشمیر کی ریلی گزرنے کے بعد ہوا۔ ابتدائی اطلاعات کے مطابق دھماکے میں ایک شخص زخمی ہوا۔ دھماکے کی نوعیت سے متعلق مزید معلومات اکٹھی کی جا رہی ہیں۔ پولیس کا کہنا ہے کہ دھماکے میں کوئی جانی نقصان نہیں ہوا البتہ بم ڈسپوزل اسکواڈ کو اور ریسکیو حکام کو جائے وقوعہ کی جانب روانہ کر دیا گیا ہے۔
