دبئی(نیوزایجنسیاں)لاہور قلندرز کے فاسٹ باو¿لر سہیل خان نے پاکستان سپر لیگ میں ایک مرتبہ پھر عمدہ کارکردگی پیش کرتے ہوئے اس مرتبہ اپنی ٹیم کو ٹائٹل جتوانے کا عزم ظاہر کیا ہے۔پی ایس ایل 2017 کیلئے کراچی کنگز نے سہیل خان کی خدمات حاصل کی تھیں جنہوں نے اعتماد پر پورا اترتے ہوئے ایونٹ کے سب سے کامیاب باو¿لر کا اعزاز اپنے نام کیا تھا لیکن ان کی عمدہ کارکردگی بھی کراچی کنگز کو ایونٹ جتوانے کیلئے ناکافی ثابت ہوئی تھی البتہ اس مرتبہ وہ اپنی نئی ٹیم لاہور قلندرز کو ٹائٹل جتوانے کا ارادہ رکھتے ہیں۔انہوں نے کہا کہ میں گزشتہ سال ایونٹ میں بہترین باو¿لر رہا تھا اور اس سال اپنی ٹیم کو ایونٹ جتوانے کی کوشش کروں گا۔سہیل خان نے ٹیم کی مینجمنٹ کو بھی سراہتے ہوئے دعویٰ کیا کہ کھلاڑیوں پر کارکردگی دکھانے کیلئے کوئی دباو¿ نہیں اور ٹیم میں اچھے ماحول کی بدولت ہم بہترین نتائج دے سکیں گے۔یاد رہے کہ گزشتہ سال ایونٹ میں مستقل اچھی کارکردگی کے باوجود کراچی کنگز کے کوچ مکی آرتھر فاسٹ باو¿لر سے نالاں نظر آئے اور ایک مرتبہ تو مکی آرتھر کی جانب سے سہیل خان کو ڈانٹنے کا منظر کیمرے کی آنکھ نے بھی قید کر لیا تھا۔
