All posts by Daily Khabrain

اہم خبریں, پاکستان

منی لانڈرنگ کیس: آصف زرداری اور فریال تالپور کا جے آئی ٹی کو بیان ریکارڈ

کراچی(ویب ڈیسک) میگا منی لانڈرنگ کیس میں سابق صدر آصف علی زرداری اور ان کی ہمشیرہ فریال تالپور نے اپنا الگ الگ بیان ریکارڈ کرادیا۔ایف آئی اے کی جانب سے طلب کیے جانے پر پہلے فریال تالپور دفتر پہنچیں تو ان کی گاڑی کو ہی دفتر کی حدود میں جانے کی اجازت دی گئی۔ذرائع کے مطابق مشترکہ تحقیقاتی ٹیم (جے آئی ٹی) نے ایک گھنٹے تک فریال تالپور سے تفتیش کی جس کے بعد انہیں جانے کی اجازت دی گئی۔پیپلز پارٹی کے شریک چیئرمین اور سابق صدر ٓآصف علی زرداری دن دو بجے جے آئی ٹی کے سامنے پیش ہوئے اور ان سے تقریباً ایک گھنٹے 20 منٹ تک تفتیش جاری رہی۔یاد رہے کہ آصف زرداری اور فریال تالپور نے منی لانڈرنگ کیس میں عدالت سے عبوری ضمانت حاصل کر رکھی ہے اور دونوں 4 مرتبہ ایف آئی اے کے سامنے پیش ہوچکے ہیں۔گزشتہ سماعت پر ایڈیشنل ڈی جی ایف آئی اے نجف مرزا نے 35 منٹ تک دونوں سے پوچھ گچھ کی جس کے دوران مختلف سوالات پوچھے گئے تاہم آصف علی زرداری نے بعض سوالات کے جواب دینے سے گریز کیا۔واضح رہے کہ جعلی اکاو¿نٹس کیس میں آصف زرداری، فریال تالپور، اومنی گروپ کے مالک انور مجید، ان کے صاحبزادے عبدالغنی مجید اور نمر مجید کے علاوہ آصف زرداری کے قریبی دوست حسین لوائی سمیت دیگر نامزد ہیں۔

اہم خبریں, پاکستان

فلیگ شپ ریفرنس: نیب کی درخواست مسترد، عدالت نے نواز شریف کو سوالنامہ دے دیا

اسلام آباد(ویب ڈیسک)سابق وزیراعظم نواز شریف کے خلاف فلیگ شپ ریفرنس میں تفتیشی افسر پر جرح مکمل کرلی گئی جس کے بعد احتساب عدالت نے نیب کی درخواست مسترد کرتے ہوئے سوالنامہ نواز شریف کو دینے کا فیصلہ سنادیا۔احتساب عدالت کے جج ارشد ملک نے فلیگ شپ ریفرنس کی سماعت کی تو نامزد ملزم نواز شریف کے وکیل خواجہ حارث نے تفتیشی افسر پر جرح کی۔نیب نے فلیگ شپ ریفرنس میں نواز شریف کو تحریری سوالنامہ فراہم نہ کرنے اور پہلے دفاع کو حتمی دلائل دینے کی درخواست کی تھی تاہم عدالت نے نیب کی دونوں درخواستیں مسترد کردیں۔عدالت نے فلیگ شپ ریفرنس میں شواہد کی تکمیل کا بیان دینے کے لیے کل کی تاریخ مقرر کردی اور سابق وزیراعظم کو 62 سوالات دے دیے گئے۔احتساب عدالت میں کل العزیزیہ ریفرنس کی سماعت ہوگی اور نیب پراسیکیوٹر حتمی دلائل شروع کریں گے جب کہ فلیگ شپ ریفرنس کی سماعت بھی کل تک کے لیے ملتوی کردی گئی۔

انٹر نیشنل

ملک ریاض کے نواسے کی شادی ، تصاویر نے سوشل میڈیا پر دھوم مچا دی

لاہور (ویب ڈیسک ) بھارت کے علاوہ پاکستان میں بھی بڑی بڑی کاروباری شخصیات شادی کی تقریب کو یادگار بنانے کیلئے پیسہ پانی کی طرح بہاتی ہیں تاہم اب ملک ریاض کے نواسے کی شادی کی جاری تقاریب جاری ہیں جن کی تصاویر نے سوشل میڈیا پر دھوم مچا کر رکھ دی ہے۔ملک ریاض کے نواسے کی شادی کو سال کی سب سے بہترین شادی قرار دیاجارہاہے جس میں ممکنہ طور پر کروڑروں روپے کا خرچ آ سکتا ہے ، ملک ریاز کے نواسے کا نام ’ زوریز ‘ہے جو کہ ان کی سب سے بڑی بیٹی آسیہ عامر کا بیٹا ہے۔

یہ تصویر ملک ریاض کے نواسے کی شادی سے قبل ہونے والی تقاریب میں سے ایک تقریب ’ ڈوھلک ‘ کی ہے جس میں دلہن انتہائی شاندار اور خوبصورت سرخ رنگ کا جوڑا زیب تن کیے ہوئے ہے۔


یہ تصویر میوزیکل نائٹ کی ہے جس میں زوریز کی ہونے والی اہلیہ نے معروف ڈیزائنر’ سبایا ساچی ‘ کا ڈیزائن کردہ لہنگاپہنا۔


یہ دراصل وہی لہنگا ہے جو کہ بالی ووڈ اداکارہ عالیہ بھٹ نے سونم کپور کی شادی میں زیب تن کیا تھا لیکن اس میں سب سے دلچسپ بات یہ ہے کہ زوریز کی ہونے والی اہلیہ نے بالکل عالیہ بھٹ جیسے زیورات بھی پہنے۔


دولہے راجہ کی دائیں جانب کھڑی خاتون ان کی والدہ ہیں جو کہ گولڈن اور بلیک رنگ کے لباس میں انتہائی خوبصورت دکھائی دے رہی ہیں۔


اس تصویر میں کالے رنگ کا لباس پہنے موجود لڑکی ملک ریاض کی سب سے بڑی نواسی ہے اور ان کا لباس انتہائی خوبصورت ہونے کے ساتھ ساتھ کافی مہنگا بھی معلوم ہوتا ہے۔


یہ دولہے زوریز کی ہمشیری ہیں جو کہ انتہائی سادہ کی شلوار قمیض میں ملبوس ہیں۔


یہ تصویر لاہور کے معروف حضوری باغی کی ہے جہاں شادی سے قبل سروں سے بھر پور قوالی کی محفل کا انعقاد کیا گیا۔

اہم خبریں, پاکستان

عمران خان نے تاریخ رقم کر دی ،کر تا ر پو ر راہداری کا سنگِ بنیاد رکھ دیا

نارووال(ویب ڈیسک )وزیراعظم عمران خان نے تاریخ رقم کرتے ہوئے ضلع نارووال کے علاقے کرتارپور میں قائم گردوارا دربار صاحب کو بھارت کے شہر گورداس پور میں قائم ڈیرہ بابا نانک سے منسلک کرنے والی راہداری کا سنگِ بنیاد رکھ دیا۔کرتار پور اور بھارت کے درمیان دریا ئے راوی کو پار کرنے کیلئے پل تعمیر کیا جائے گا جس کی لمبائی تقریبا 8 سو میٹر ہو گی۔کرتار پور راہداری کی سنگ بنیاد کی تقریب میں سکھ برادری کی بڑی تعداد نے شرکت کی جو کہ انتہائی مسرور نظر ا?ئے جبکہ اس موقع پر بنائی گئی ڈاکومینٹری بھی دکھائی گئی جس میں سکھ برادری سے تعلق رکھنے والے افراد نے اپنے خیالات کا اظہار کیا جبکہ اس میں وزیراعظم عمران خان کا عہدہ سنبھالنے سے قبل کا خطاب اور نوجوت سنگھ سدھو کی دورہ پاکستان کے دوران کی جانب سے والی پریس کانفرنس کے یاد گارجملوں کو بھی سنایا اور دکھایا گیا۔وزیراعظم عمران خان کرتار پور پہنچ گئے ہیں جہاں وہ کچھ ہی دیر میں راہداری کا سنگ بنیاد رکھیں گے جبکہ آرمی چیف جنرل قمر جاوید باجوہ ، شیخ رشید اور شاہ محمود قریشی سمیت اہم رہنما بھی ان کے ہمراہ ہیں۔ پاکستان کی جانب سے اس تقریب میں شرکت کیلئے بھارتی وزیر خارجہ سشما سوراج کو بھی مدعو کیا گیا تھا لیکن انہوں نے دعوت قبول کرنے سے انکار کر دیا تھا اور کہا تھا کہ وہ نہیں آسکیں گی۔

انٹر نیشنل, اہم خبریں

کرتارپور راہداری کا مطلب یہ نہیں کہ دوطرفہ مذاکرات شروع ہوجائیں گے، بھارتی وزیرخارجہ

نئی دہلی(ویب ڈیسک ) بھارتی وزیر خارجہ سشما سوراج نے ایک طرف تو کرتارپور کوریڈور کے سنگ بنیاد رکھے جانے کو تاریخی دن قرار دیا، وہیں اپنی روایتی ہٹ دھرمی برقرار رکھتے ہوئے یہ بھی واضح کردیا کہ کرتار پور راہداری کا مطلب یہ نہیں کہ پاک بھارت دوطرفہ مذاکرات شروع ہوجائیں گے۔ سشما سوراج کا کہنا تھا کہ نہ ہم سارک میں جائیں گے اور نہ پاکستان سے مذاکرات کریں گے۔ان کا کہنا تھا کہ کرتارپور راہداری کے بھارتی حکومت کے دیرینہ مطالبے پر پاکستان نے اب مثبت ردعمل دیا ہے، تاہم کرتار پور بارڈر سے آمدو رفت کے لیے ویزا ہوگا یا نہیں، یہ ابھی طے ہونا باقی ہے۔سشما سوراج کا مزید کہنا تھا کہ ملکوں میں رابطے حکومت سے حکومت کے ہوتے ہیں انفرادی نہیں۔ساتھ ہی انہوں نے واضح کیا کہ بھارتی وزیر سرکاری نہیں ذاتی حیثیت میں کرتار پور راہداری کے سنگ بنیاد رکھنے کی تقریب میں شرکت کر رہے ہیں۔واضح رہے کہ وزیراعظم عمران خان آج نارووال کے قریب کرتارپور راہداری کا سنگ بنیاد رکھنے جارہے ہیں۔سنگ بنیاد کی تقریب میں شرکت کے لیے سابق بھارتی کرکٹر و aسیاستدان نوجوت سنگھ سدھو کی قیادت میں بھارتی وفد گزشتہ روز پاکستان پہنچا تھا۔دوسری جانب تقریب میں شرکت کرنے کے لیے ایک اور بھارتی وفد وزیر ہرسمرت کور اور ایچ ایس پوری کی سربراہی میں براستہ واہگہ آج لاہور پہنچا ہے۔کرتارپور کوریڈور ڈیزائن سے متعلق معلوماتی بورڈ کے مطابق کرتارپور کوریڈور فیز1 میں ساڑھے چار کلو میٹر سڑک تعمیر کی جائے گی جبکہ بارڈر ٹرمینل کمپلیکس بھی تعمیر ہوگا۔اس کے علاوہ کرتار پور کوریڈور میں دریائے راوی پر 800 میٹر پل، پارکنگ ایریا اور سیلاب سے بچاو¿ کے لیے فلڈ پروٹیکشن بند بھی تعمیر ہوگا۔دوسرے فیز میں ہوٹل اورگوردوارہ کرتار صاحب کی توسیع کی جائے گی۔لاہور سے تقریباً 120 کلومیٹر کی مسافت پر ضلع نارووال میں دریائے راوی کے کنارے ایک بستی ہے جسے کرتارپور کہا جاتا ہے۔ یہ وہ بستی ہے جسے بابا گرونانک نے 1521ء میں بسایا تھا، یہ گاو¿ں پاک بھارت سرحد سے صرف تین چار کلومیٹر کے فاصلے پر ہے۔نارووال شکرگڑھ روڈ سے کچے راستے پر اتریں تو گوردوارہ کرتار پور کا سفید گنبد نظر آنے لگتا ہے۔ یہ گوردوارہ مہاراجہ پٹیالہ بھوپندر سنگھ بہادر نے 1921 سے 1929کے درمیان تعمیر کروایا تھا۔ گرو نانک مہاراج نے اپنی زندگی کے آخری ایام یہیں بسر کیے اور ان کی سمادھی اور قبر بھی یہیں ہے۔گوردوارے کے انچارج سردار گوبند سنگھ کا کہنا ہے کہ یہ علاقہ پہلے جنگل تھا، 2000ء میں اس کی دوبارہ تعمیر و مرمت کی گئی تو سکھ یاتریوں کی آمد شروع ہوگئی، گوردوارے کے باغیچے میں واقع کنویں کو ‘سری کھوہ صاحب’ کہا جاتا ہے۔گوردوارے میں ایک لنگر خانہ بھی ہے جہاں یاتریوں کی خاطر تواضع کی جاتی ہے۔سکھ یاتریوں کو کرتارپور تک پہنچنے کے لیے پہلے لاہور اور پھر تقریباً 130 کلومیٹر کا سفر طے کرکے نارووال پہنچنا پڑتا تھا جب کہ بھارتی حدود سے کرتارپور 3 سے 4 کلو میٹر دوری پر ہے۔ہندوستان کی تقسیم کے وقت گوردوارہ دربار صاحب پاکستان کے حصے میں آیا، دونوں ممالک کے درمیان کشیدہ تعلقات کے باعث طویل عرصے تک یہ گوردوارہ بند رہا۔واضح رہے کہ بھارتی سیکیورٹی فورس نے سرحد پر ایک درشن استھل قائم کر رکھا ہے جہاں سے سکھ دوربین کی مدد سے دربار صاحب کا دیدار کرتے ہوئے اپنی عبادت کیا کرتے تھے، تاہم پہلی بار 1998 میں دونوں حکومتوں کے درمیان ایک معاہدہ ہوا جس کے تحت ہر سال سکھ یاتریوں کو کرتارپور کا ویزہ ملنا شروع ہوا۔

انٹر نیشنل

لندن میں کن لوگوں کی جائیدادیں ہیں ؟ اہم معلومات مل گئیں

لندن (اے این این) چیف جسٹس آف پاکستان جسٹس ثاقب نثار کا کہنا ہے کہ احتساب سب کا بلاامتیاز اور منصفانہ ہونا چاہیے، اس کے بغیر کوئی راستہ نہیں۔ لندن میں پاکستانی ذرائع ابلاغ سے گفتگو ہوئے چیف جسٹس ثاقب نثار کا کہنا تھا کہ ‘عوام محنت کرکے ٹیکس دیتے ہیں، لوگوں کو پاکستان میں لوٹ کھسوٹ کی اجازت نہیں دے سکتے’۔چیف جسٹس کا کہنا تھا کہ ‘پیسہ باہر کیوں اور کیسے چلا گیا، اس میں کوتاہی کس کی ہے، جواب وہی دے سکتے ہیں’۔انہوں نے بتایا کہ ‘پیسہ واپس لانے کے لیے ہم نے بہت اقدامات اٹھائے ہیں اور ایف آئی اے، ایف بی آر، اسٹیٹ بینک اور فنانس ڈویژن اس معاملے کی تحقیقات کر رہے ہیں’۔جسٹس ثاقب نثار نے بتایا کہ ‘پاکستان سے باہر بھیجا گیا پیسہ واپس لانے کے لیے گورنر اسٹیٹ بینک کی سر براہی میں ٹیم بنا دی گئی ہے،جو اگلے ہفتے رپورٹ پیش کرےگی’۔چیف جسٹس نے کہا کہ ‘نیب قوانین میں بہتری کی گنجائش ہے اور اس کے لیے مقننہ کو اقدامات اٹھانے ہوں گے’۔ساتھ ہی انہوں نے کہا کہ ‘چیئرمین نیب کے ساتھ بھی رابطہ ہے اور انہیں زحمت بھی دیتے ہیں، انہیں بتاتے ہیں کہ یہ چیزیں شفاف تحقیقات سے ہٹ کر ہیں۔ جسٹس ثاقب نثار نے کہاہے کہ احتساب سب کا بلاامتیاز اور منصفانہ ہونا چاہیے، اس کے بغیر کوئی راستہ نہیں، نیب قوانین میں بہتری کی گنجائش ہے اور اس کے لیے مقننہ کو اقدامات اٹھانے ہوں گے، ہمیں سپریم کورٹ میں یہ نظر نہیں آتا کہ کون کس کی طرف ہے، ہمیں صرف قانون نظر آتا،قوم کو انصاف کی توقع رکھنی چاہیئے، احتساب کے معاملے پر بلاتفریق کارروائی ہوگی اور انصاف کے تمام تقاضے ملحوظ خاطر رکھے جائیں گے، فنڈز کے ساتھ ڈیم نہیں بنتے ہمیں حکمت عملی اپنانا ہوگی، چندے سے بڑی رقم جمع نہیں کر سکتے دیگر ذرائع بھی تلاش کرنا ہوں گے۔ لندن میں صحافیوں سے گفتگو کرتے ہوئے چیف جسٹس ثاقب نثار نے کہا کہ عوام محنت کرکے ٹیکس دیتے ہیں، لوگوں کو پاکستان میں لوٹ کھسوٹ کی اجازت نہیں دے سکتے ۔چیف جسٹس کا کہنا تھا کہ پیسہ باہر کیوں اور کیسے چلا گیا، اس میں کوتاہی کس کی ہے، جواب وہی دے سکتے ہیں ۔انہوں نے بتایا کہ پیسہ واپس لانے کے لیے ہم نے بہت اقدامات اٹھائے ہیں اور ایف آئی اے، ایف بی آر، اسٹیٹ بینک اور فنانس ڈویژن اس معاملے کی تحقیقات کر رہے ہیں ۔جسٹس ثاقب نثار نے بتایا کہ پاکستان سے باہر بھیجا گیا پیسہ واپس لانے کے لیے گورنر اسٹیٹ بینک کی سر براہی میں ٹیم بنا دی گئی ہے،جو اگلے ہفتے رپورٹ پیش کرےگی ۔چیف جسٹس نے کہا کہ نیب قوانین میں بہتری کی گنجائش ہے اور اس کے لیے مقننہ کو اقدامات اٹھانے ہوں گے۔ساتھ ہی انہوں نے کہا کہ، کوئی شکایت ملتی ہے تو چیئرمین نیب کے ساتھ بھی رابطہ ہے اور انہیں زحمت بھی دیتے ہیں، انہیں بتاتے ہیں کہ یہ چیزیں شفاف تحقیقات سے ہٹ کر ہیں ۔چیف جسٹس کے مطابق اگر مجھے کسی غیر منصفانہ اقدام کا پتہ چلتا ہے تو اس پر تبصرہ ضرور کرتا ہوں ۔انہوں نے بتایا کہ برطانیہ کے ساتھ جو پروٹوکول سائن ہوا ہے، اس کے تحت پاکستانیوں کی جائیدادوں سے متعلق بے انتہا معلومات ملی ہیں ۔ چیف جسٹس کا کہنا تھا کہ برطانیہ میں جائیداد رکھنے والے افراد اپنی وضاحت پیش نہیں کر رہے تھے، میں نے برطانیہ میں جائیداد رکھنے والے 15افراد کو منتخب کیا تھا، جن میں سے 7افراد پیش ہوگئے اور اس حوالے سے مزید تحقیق ہو رہی ہے۔جسٹس ثاقب نثار نے بلاامتیاز احتساب کی اہمیت پر زور دیتے ہوئے کہا کہ ہمیں سپریم کورٹ میں یہ نظر نہیں آتا کہ کون کس کی طرف ہے، ہمیں صرف قانون نظر آتا۔ چیف جسٹس نے مزید کہا کہ دیار غیر میں بسنے والے پاکستانیوں کو اصل میں وطن سے عشق ہے، برطانیہ میں مقیم پاکستانیوں نے ڈیم فنڈ میں دل کھول کر عطیات دیئے۔ انہوں نے کہا کہ پاکستان کو پانی کی کمی اور بڑھتی آبادی جیسے بڑے مسائل کا سامنا ہے جو سابق حکومتوں کی مجرمانہ غفلت ہے، پاکستان میں لیڈر شپ اور انصاف کا نظام بہتر بنانے کی ضرورت ہے۔ ان کا مزید کہنا تھا کہ ڈیم فنڈ کے پیسے کے استعمال اور خرچ پر نظر رکھنے کے لیے بینچ بنانے کا بھی سوچ رہے ہیں تاکہ یہ پیسے کسی اور مد میں بھی خرچ نہ کیے جاسکیں ۔چیف جسٹس نے ڈیم فنڈ ریزنگ کے تجربے کو بہترین قرار دیتے ہوئے کہا کہ مجھے پذیرائی ملی اور جو رقوم جوعطیات کی گئیں یہ بے مثال قدم ہے ۔اس موقع پر انہوں نے بیرون ملک مقیم پاکستانیوں کو بھی سراہا اور کہا کہ ڈیم فنڈ ریزنگ میں اوورسیز پاکستانیوں نے محبت کامظاہرہ کیا۔

اہم خبریں, پاکستان

عوام کیلئے خوشخبری

اسلام آباد (مانیٹرنگ ڈیسک) حکومت نے سردیوں میں گیس لوڈشیڈنگ نہ کرنے کا فیصلہ کر لیا۔ قلت ایل این جی درآمد کر کے پوری کی جائے گی۔ ای سی سی نے گیس لوڈ مینجمنٹ پلان کی منظوری دے دی، پاور سیکٹر کے لئے اسلامک فناسنگ کی سہولت دینے، گردشی قرضہ میں کمی کیلئے 200 ارب روپے کے بانڈز جاری کرنے کا فیصلہ کیا گیا۔ ذرائع کے مطابق ای سی سی نے موسم سرما کیلئے گیس لوڈمینجمنٹ پلان کی منظوری دیدی، جس کے تحت گیس کی کمی آر ایل این جی کے ذریعے پوری کی جائے تا کہ گیس کی لوڈشیڈنگ نہ کرنی پڑے۔ اجلاس میں پاور پاک مینجمنٹ کمپنی کے قیام کا پلان بھی منظور کر لیا، کمپنی کی گارنٹی حکومت پاکستان دے گی، پاور سیکٹر کے گردشی قرضہ میں کمی کیلئے 200 ارب روپے کے اسلامی بانڈز جاری کئے جائیں گے۔وفاقی حکومت نے تندوروں کے لیے گیس کی پرانی قیمت بحال کرنے کا فیصلہ کر لیا۔ وزیر خزانہ اسد عمر کی زیر صدارت اقتصادی رابطہ کمیٹی (ای سی سی) کے اجلاس میں گیس کی قیمتوں میں حالیہ اضافہ کا اطلاق روٹی کے تندوروں پر نہ کرنے کا فیصلہ کیا گیا، جس کے بعد نا بائی گیس کے بل پرانے نرخ کے حساب سے ادا کریں گے۔ کمیٹی نے یہ فیصلہ گیس کی قیمت میں اضافے سے تندور کی روٹی اورنان کی قیمتوں میں اضافے کے خدشے کے پیش نظر کیا۔

ایل این جی درآمد

اہم خبریں, پاکستان

سدھو کیجانب سے 12 کروڑ سکھوں کا شکریہ ، عمران خان کو بھر پور خراج تحسین

لاہور (این این آئی) سابق بھارتی کرکٹر و ریاستی وزیر نوجوت سنگھ سدھو نے کہا ہے کہ عمران خان نے تین ماہ قبل جو بیج بویا اس سے نئی صبح اور امید کا پودا نکل آیا ہے ،کرتار پور کوریڈور امن کا راستہ ہے اور سات دہائیوں سے زیادہ کی امید کرتا پور کوریڈور کی صورت میں سامنے آئی ہے، مذہب کو سیاست کی عینک سے نہ دیکھا جائے اور دنیا میں کسی بھی جگہ کسی مذہب میں ماتھا ٹیکنے سے روکا نہیںجاتا۔ ان خیالات کا اظہار انہوں نے کرتار پور کوریڈور کے سنگ بنیاد رکھنے کی تقریب میں شرکت کےلئے واہگہ کے راستے پاکستان پہنچنے کے بعد میڈیا سے گفتگو کرتے ہوئے کیا ۔ اس موقع پر نوجوت سنگھ سدھو نے میڈیا کو اپنے اشعار بھی سنائے۔ انہوںنے کہا کہ یہ موقع اپنے دامن میں خوشیاں ہی خوشیاں سمیٹے ہوئے آیا ہے۔ وزیر اعظم عمران خان نے تین ماہ پہلے جو بیج بویا تھا اس سے نئی صبح اور امید کا پودا نکل آیا ہے۔ میں سارے ہندوستان، وزیر اعظم پاکستان اور کردار ادا کرنے والے تمام افسران کا شکر گزار ہوں کہ 73سالوں کی امید کرتار پور کوریڈور کی صورت میں سامنے آئی ہے اور یہ مزید امیدیں لے کر آئی ہے جو امن و امان سے بھری ہوئی ہیں۔ بابا گرو نانک کی نظر سے ساری نفرتیں ڈھیر ہو سکتی ہیں۔ انہوں نے بھارتی حکومت کی جانب سے زیادہ خوشی کا اظہار نہ کرنے کے سوال کے جواب میں کہا کہ میں اس موقع پر ان باتوں میں نہیں پڑنا چاہتا لیکن یہ ضرور کہتا ہوں کہ مذہب کو سیاست کی عینک سے مت دیکھو۔ دنیا میں کوئی جگہ یا مذہب ہے جس میں کسی کو اپنے مذہب کا ماتھا ٹیکنے سے روکا جائے؟ کئی دہائیوں بعد ایک امید پوری ہونے جارہی ہے اور کیوں رنگ میں بھنگ ڈالی جائے۔ انہوں نے پاک بھارت کرکٹ میچز کے حوالے سے کہا کہ میں نوے فیصد لوگوں کی با ت کر رہا ہوں جو چاہتے ہیںکہ پاکستان اور بھارت میں فاصلے اور نفرتیں ختم ہوں۔ نصرت فتح علی خان، کپل دیو، عمران خان، وسیم اکرم تو جوڑنے والے ہیں، فاصلے مٹانے اور پل بنانے والے ہیں اور ان کی دونوں ممالک میں عزت ہے۔ یہ اپنے فن سے جوڑتے ہیں، میں عمران خان کا بچپن سے فین ہوں، اسی طرح یہاں شاہ رخ خان اور سلمان خان کے فینز موجود ہیں۔ انہوںنے بھارت میں ان پر کی جانے والی تنقید پر کہا کہ تنقید رنگ لے آئی ہے، میں ذرہ ہوں، میری کیا اوقات ہے، میں بابا گرونانک کے پاﺅں کی دھول ہوں۔ انہوںنے کہا کہ کرتار پور کوریڈور امن کا راستہ ہے اور ابھی سب مرادیں پوری ہونی ہیں، اس کے ذریعے بھائی چارے کی بنیاد رکھ دی گئی ہے اور یقینا حالات سدھریں گے اور بارڈر کھلیں گے، دونوں ممالک کے درمیان تال میل بڑھنا ہے ۔
نوجوت سنگھ سدھو

اہم خبریں, پاکستان

لاہور میں ماڈل زرعی مارکیٹ بنے گی ، ہر وعدہ پورا کرینگے : وزیراعظم

اسلام آباد، نارووال، شکر گڑھ (نمائندگان خبریں) وزیراعظم عمران خان آج کرتارپور میں پاک بھارت کوریڈور منصوبہ کا سنگ بنیاد رکھیں گے، تقریب میں شرکت کیلئے سکھ یاتریوں، صحافیوں اور مہمانوں کی بڑی تعداد پہنچ گئی، کرتار پور بارڈر کے اطراف سکیورٹی کے سخت انتظامات ہیں، مختلف مقامات پر سی سی ٹی وی کیمرے بھی لگا دیئے گئے۔واہگہ بارڈر کے ذریعے 15 بھارتی صحافی لاہور پہنچے جہاں انہیں خوش آمدید کہا گیا، سکھ یاتریوں کی بھی بڑی تعداد تقریب میں شرکت کیلئے نارووال پہنچ گئی۔ سکھ یاتریوں نے گرودوارہ بابا گورونانک پر حاضری دی اور دعائیہ تقریب میں شرکت بھی کی۔کرتار پور بارڈر کے اطراف سکیورٹی کے سخت انتظامات ہیں، داخلی اور خارجی راستوں پر پولیس کی بھاری نفری تعینات ہے، جگہ جگہ سی سی ٹی وی کیمرے بھی لگا دیئے گئے ہیں جس سے تقریب کی مانیٹرنگ کی جائے گی، تقریب میں غیر ملکی مندوبین، وفاقی و صوبائی وزرا بھی شرکت کریں گے۔ پاکستان نے بھارتی وزیر خارجہ سشما سوراج، وزیراعلی بھارتی پنجاب کیپٹن امریندر سنگھ اور نوجوت سنگھ سدھو کو سنگ بنیاد تقریب میں شرکت کی دعوت دی تھی، بھارتی وزیر خارجہ نے مصروفیات کی بنیاد پر معذرت کی جبکہ وزیراعلی امریندر سنگھ نے پاکستان پر الزامات کی بارش کر دی تاہم نوجوت سنگھ سدھو پاکستان پہنچ چکے ہیں۔حکومت پاکستان کے منصوبے کے تحت کرتار پور میں بارڈر ٹرمینل کی تعمیر ہو گی، دریائے راوی پر پل بنے گا۔ منصوبہ بابا گرو نانک کے 550 ویں جنم دن کے موقع پر آئندہ سال پایہ تکمیل کو پہنچے گا۔ سرحد کے دونوں طرف راہداری مکمل ہونے کے بعد سکھ زائرین کو بارڈر سے گوردوارے تک ویزے کے بغیر سپیشل پرمٹ پر رسائی دی جائے گی۔یہ راہداری ضلع نارروال کے علاقے کرتارپور میں موجود گوردوارہ دربار صاحب کو بھارت کے ضلع گرداسپور میں ڈیرہ بابا نانک سے منسلک کرے گی۔ پاکستان بھارتی سرحد سے کرتار پور میں گوردوارہ دربار صاحب تک راہداری تعمیر کرے گا جبکہ بھارتی پنجاب کے ضلع گورداسپور میں ڈیرہ بابا نانک سے سرحد تک راہداری کا دوسرا حصہ بھارت تعمیر کرے گا ۔راہداری سے سکھ یاتریوں کو پاکستان میں اپنے مقدس مقامات کی یاترا کی سہولت ملے گی۔بھارت کی وزیر خوراک ہرسمرت کور بادل، ہاﺅسنگ کے وزیر ہردیپ ایس پوری، بھارتی پنجاب کے مقامی حکومتوں اور سیاحت کے وزیر سابق کرکٹر نووجوت سنگھ سدھو پر مشتمل بھارتی وفد اور بھارتی صحافی تقریب میں شرکت کریں گے۔ دربار کے ساتھ ایک کھلی جگہ پر ذرائع کے مطابق 20فٹ چوڑا اور 60فٹ لمبا سٹیج تیار کیا جارہا ہے ذرائع کے مطابق تقریبا چار ہزار افراد کے بیٹھنے کےلئے شامیانے لگائے جارہے ہیں اور دربار کرتار پور کے قریب چار ہیلی پیڈ بھی بنائے گئے ،بھارت کی جانب سے کاریڈور کا مثبت جواب ملنے پر اس منصوبے پر عملا کام شروع کر دیا گیا ہے ،اسی حوالے سے دربار صاحب کرتار پور میں اس وقت جشن سماں ہے ،سکھوں یاتریوں کو کاریڈور کے افتتاح کی خبرکی بہت خوش ہیں،کمشنر گوجرانوالہ اسد اللہ ،آرپی او گوجرانوالہ طارق عباس قریشی ،رینجر ونگ کمارنڈر کرنل عدیل یوسف نے کاریڈور کھلنے کی خوشی میں سکھ یاتریوں میں مٹھائی تقسیم کی،منصوبے پر ہیوی مشینری کے ذریعے کام اپنے کاریڈور منصوبہ پر کام جاری ہے دربار صاحب کرتار پور میںباباجی گرونانک دیوجی کے549ویں جنم دن کی تقریبات کا سلسلہ بھی جاری ہے اور اطلاع کے مطابق آج بھارت سے آئے سکھ زائرین بھی اپنی مذہبی رسومات کے سلسلہ میں آنے کی اطلاعات ہیں دربار سے بھارت کی طرف ڈیرہ بابا گرو نانک تک تقریبا4.4کلومیٹر سڑک کی تعمیر کی جائے گی ، پولیس ذرائع کے مطابق آج وزیر اعظم کی آمد پر انتہائی فول پروف سیکورٹی پلان مرتب دیا گیا ہے ذرائع کے مطابق گردوارہ دربار صاحب کرتار پور میں 4ایس ایس پی۔14ڈی ایس پیز اور 22انسپکٹرز سمیت 1308 پولیس اہلکار اپنی ڈیوٹی دیں گے جبکہ اس کے علاوہ ریسکیو 1122،سول ڈیفنس بم ڈسپوزل سیکواڈ،محکمہ ہیلتھ کے علاوہ خفیہ ادارے علاقہ کی مانٹرنگ کرنے میں مصروف ہیں ،افتتاحی تقریب کی سی سی ٹی وی کیمرے بھی نصب کرنے کی اطلاعات ہیں۔اسلام آباد (صباح نیوز‘آئی این پی) وزیراعظم عمران خان نے یقین دلایا ہے کہ حکومت کی سمت درست ہے اور ہم عوام سے کیے گئے وعدے ضرور پورے کریں گے۔منگل کووزیر اعظم کی زیر صدارت حکومت کے 100روز مکمل ہونے سے متعلق اہم اجلاس ہوا جس میں مشیر خاص شہزاد ارباب، معاون خصوصی نعیم الحق، سیکریٹری اعظم خان، وزیر اطلاعات و نشریات فواد چوہدری اور سینیٹرفیصل جاوید شریک ہوئے۔عمران خان نے کہا کہ ہماری حکومت کی سمت درست ہے، اہداف حاصل کریں گے، ہماری اصلاحات کے ثمرات جلد عوام تک پہنچیں گے اور ملک کی معیشت کو جلد پاﺅں پر کھڑا کر دیں گے۔اجلاس میں حکومت کی 100روزہ کارکردگی اور اہداف کی تکمیل کا جائزہ لیا گیا اور وزیراعظم کو سادگی و کفایت شعاری مہم اور نیا پاکستان ہاﺅسنگ منصوبے پر پیش رفت سے متعلق بریف کیا گیا۔اسلام آباد میں ہونے والے اجلاس میں ادارہ جات اصلاحات اقر ٹاسک فورسز کی کارکردگی کا بھی جائزہ لیا گیا۔وزیراعظم کی زیرصدارت ہونے والے اجلاس میں 100روزہ پلان کی تقریب کی تیاریوں پر بھی تبادلہ خیال کیا گیا۔اجلاس میں مواصلات، قانون و انصاف، موسمیاتی تبدیلی، ہاوسنگ، ریلویز، نجکاری اور محکمہ اطلاعات کی کارکردگی کا جائزہ بھی لیا گیا۔وفاقی کابینہ کا اجلاس بھی جمعرات 29نومبر کو طلب کر لیا گیا ہے جس میں 100روزہ پلان پر عملدرآمد کا مکمل جائزہ لیا جائے گا اور کابینہ ارکان کی کارکردگی کا بھی جائزہ لیا جائے گا جبکہ کابینہ اپنے گزشتہ اجلاسوں کے فیصلوں پر عملدرآمد کا بھی جائزہ لے گی۔کابینہ اجلاس وزیر اعظم عمران خان کی زیر صدارت ہوگا جس میں ملک کی سیاسی اور اقتصادی صورتحال پر غور کیا جائے گا جب کہ وزیر خزانہ اسد عمر ملک کی معاشی صورتحال پر کابینہ کو بریفنگ دیں گے۔کابینہ اجلاس میں مختلف ممالک کے ساتھ معاہدوں اور مفاہمتی یاد داشتوں کی منظوری کے علاوہ مختلف اداروں میں تقرریوں کی بھی منظوری دی جائے گی۔ وزیراعظم عمران خان نے کہا ہے کہ حکومت تمام سرمایہ کاروں کو یکساں مواقع فراہم کر رہی ہے، وزیراعظم سے ترکی کی مشروب ساز کمپنی کے وفد نے ملاقات کی۔ منگل کو وزیراعظم عمران خان سے ترکی کی مشروب ساز کمپنی کے وفد نے ملاقات کی۔ وفد سے گفتگو کرتے ہوئے کہا ہے کہ کمپنیپاکستان میں 500 ملین ڈالر کی سرمایہ کاری کر چکی ہے کمپنی آئندہ 2 سے 3 سال کے دوران مزید 200 ملین ڈالر کی سرمایہ کاری کرے گی۔ 200 ملین سرمایہ کاری سے روزگار کے مواقع پیدا ہوں گے۔ سرمایہ کاری سے محصولات اور ٹیکسز کی مد میں حکومت کو آمدن ہو گی۔ وزیراعظم عمران خان نے وفد کو سرمایہ کاری کیلئے ہر ممکن تعاون کی یقین دہانی کراتتے ہوئے کہا کہ حکومت تمام سرمایہ کاروں کو یکساں مواقع فراہم کر رہی ہے۔وزیراعظم عمران خان نے اپنی حکومت کے 100 روز مکمل ہونے سے متعلق 100 روزہ پلان پر اہم اجلاس آج طلب کرلیا۔ ذرائع کے مطابق اجلاس میں پارٹی رہنما‘ وفاقی وزرائ‘ مشیر اور معاونین خصوصی شریک ہوں گے اور وزارتوں اور ڈویژنز کی جانب سے سو روزہ پلان پر رپورٹس پیش کی جائیں گی۔ اسلام آباد میں وزیراعظم عمران خان کی زیرصدارت حکومت کی 100 روزہ کارکردگی کا جائزہ اجلاس ہوا۔ اجلاس میں وزیراعظم کو حکومت کے 100 روزہ پلان پر بریفنگ دی گئی۔ وزیراعظم کو سادگی و کفایت شعاری مہم پر بھی بریف کیا گیا۔ جبکہ نیا پاکستان ہاو¿سنگ منصوبے پر پیشرفت، ادارہ جات اصلاحات اور ٹاسک فورسز کی کارکردگی کا بھی جائزہ لیا گیا۔ اجلاس میں 100 روزہ پلان کی تقریب کی تیاریوں پر بھی تبادلہ خیال کیا گیا۔ اس موقع پر وزیر اعظم عمران خان نے کہا کہ ہماری حکومت کی سمت درست ہے، اہداف حاصل کریں گے اور قوم سے کیے گئے وعدوں کو پورا کیا جائے گا۔ انہوں نے مزید کہا کہ ہماری اصلاحات کے ثمرات جلد عوام تک پہنچیں گے۔ ملک کی معیشت کو جلد پاو¿ں پر کھڑا کر دیں گے۔ وزیراعظم عمران خان نے لاہور میں ماڈل زرعی مارکیٹ بنانے کی منظوری دیدی۔ زرعی مارکیٹ کسانوں کو سہولتیں فراہم کرنے کیلئے کام کرے گی۔ نجی ٹی وی کے مطابق وزیر اعظم عمران خان کی زیر صدارت لائیو سٹاک اور زراعت سے متعلق اعلیٰ سطح کا اجلاس ہوا جس میں ان دونوں شعبوں کو درپیش مسائل حل کرنے کی ہدایت دی گئی۔ زرعی شعبے کو درپیش چیلنجز سے نمٹنے کیلئے جامع پلان بنانے کا فیصلہ کیا گیا۔ لاہور میں ماڈل زرعی مارکیٹ کے قیام کے بعد اس طرح کی زرعی مارکٹیں کا دائرہ کار ملک بھر میں پھیلایا جائے گا۔

اہم خبریں, پاکستان

پیرا گون سکینڈل ، مرکزی ملزم ندیم ضیاء5 کمپنیوں کا مالک ، اہلیہ کس مشہور سیاسی شخصیت کی بھانجی ہیں ، تہلکہ خیز انکشافات

لاہور (مانیٹرنگ ڈیسک) پیراگون سکینڈل کے مرکزی کرداروں میں ایک ملزم ندیم ضیا اربوں روپے مالیت کی 5 کمپنیوں کے مالک نکلے، ندیم ضیا کی اہلیہ خواجہ سعد رفیق کی بھانجی ہے۔ نجی ٹی وی کے مطابق خواجہ سعد رفیق اور ندیم ضیاءکا گٹھ جوڑ سامنے آگیا۔ ندیم ضیا پیراگون ایکسچینج لمیٹڈ، پیراگون ہولڈنگ کمپنی کے مالک نکلے ہیں۔ بسم اللہ انجیئرنگ کمپنی کا پتہ ندیم ضیا کے آبائی گھر کا ہے، اس کمپنی نے آشیانہ اقبال پراجیکٹ کا ٹھیکہ حاصل کیا تھا نیب ذرائعے کے مطابق ملزم اسرار سعید اور عارف مجید بٹ نے ندیم ضیا کیخلاف اعترافی بیان میں یہ تمام انکشافات کیے۔