اسلام آباد (مانیٹرنگ ڈیسک) موبائل صارفین ہو جائیں ہوشیار، اب صرف پی ٹی اے کے تصدیق شدہ موبائل ہی چل سکیں گے، یکم دسمبر سے قبل رجسٹرڈ نہ ہونے والے موبائل فون بلاک کر دیئے جائیں گے۔ پاکستان میں یکم دسمبر کے بعد وہی موبائل فون کام کرے گا جو باقاعدہ تصدیق شدہ اور رجسٹرڈ ہوگا۔ پی ٹی اے نے اس حوالے سے ہدایات جاری کر دی ہیں جس میں کہا گیا ہے کہ اپنے موبائل کا آئی ای ایم آئی نمبر 8484 پر بھیج کر رجسٹرڈ کروائیں۔ بیرون ملک سے لائے گئے موبائل فون کو بھی رجسٹرڈ کرا کے ہی استعمال کیا جا سکے گا۔ پی ٹی اے نے عوام کی سہولت کیلئے ایئرپورٹس پر رجسٹریشن کا انتظام کر دیا ہے۔ ماہرین کے مطابق موبائل فونز کی رجسٹریشن سے ناصرف انڈسٹری کو ریگولیٹ کرنے میں مدد ملے گی بلکہ اربوں روپے کا اضافی ریونیو بھی حاصل ہوگا۔

کراچی (مانیٹرنگ ڈیسک) اومنی گروپ کے چیف فنانشل افسر اسلم مسعود نے اعترافی بیان میں انکشاف کیا ہے کہ سابق صدر آصف علی زرداری نے 300ارب روپے کی منی لانڈرنگ کی ۔ان کا کہنا تھا کہ زرداری نے حوالہ اور ہنڈی کے ذریعے کا لا دھن سفید کیا۔اسلم مسعود نے بتا یا کہ آصف زرداری نے منی لانڈرنگ کرنے والے ایجنٹوں کا نیٹ ورک پھیلا رکھا تھااور ان کی سرپرستی میں لینڈ مافیا، بروکرز اور سرمایہ کاروں کے گٹھ جوڑ سے منی لانڈرنگ نیٹ ورک بنا۔نجی نیوز کے مطابق ایف آئی اے کو دئیے جانے والے اعترافی بیان میں اسلم مسعود نے منی لانڈرنگ ایجنٹس کے ناموں سے بھی پردہ اٹھایا۔ منی لانڈرنگ نیٹ ورک 600 کے لگ بھگ شخصیات پر مشتمل ہے۔ 137 شخصیات کا تعلق مختلف چیمبرز آف کامرس اینڈ انڈسٹریز سے ہے۔ حوالہ ایجنٹس کے ذریعہ کالا دھن سفید کرنے والوں میں 248 پراپرٹی ڈیلرز بھی شامل ہیں۔اسلم مسعود نے انکشاف کیا کہ 82 افراد کا تعلق سٹاک مارکیٹ سے ہے

لاہور(کامرس رپورٹر )ہال روڈ پرروزانہ سیکڑوں غیررجسٹرڈ سمارٹ موبائل فون فروخت ہونے سے حکومت کوماہانہ کروڑوں روپے کا نقصان ہورہا ہے مین ہال روڈبازار اورملحقہ مارکیٹوں میں دکانوں اورسیکڑوں کاﺅنٹرزپر سرِعام غیر رجسٹرڈ سمگل شدہ سمارٹ موبائل فونز فروخت ہورہے ہیں غیررجسٹرڈ موبائل فون جرائم میں استعمال ہونے سے قانون نافذکرنے والے ادارے بھی پریشان ہیںرات ہوتے ہی مافیاکے سمگل شدہ سمارٹ فونز،موبائل کٹوں کے ٹرک خالی کرکے گوداموں میں بھردیئے جاتے ہیں،جو دن چڑھتے ہی پورے پنجاب میں فروخت ہونے کےلئے روانہ کردیئے جاتے ہیں جس میں سے زیادہ ترمال ایک ہفتے سے پندرہ دن تک کے ادھار پر دیا جاتا ہے پنجاب میں لاہورکی ہال روڈ مارکیٹ غیر رجسٹرڈ موبائل کی پاکستان میں سب سے بڑی مارکیٹ ہے پی ٹی اے اور کسٹم خاموش تماشائی بنے ہوئے ہے 3جی اور 4جی سروسز کے آغاز ہونے سے موبائل امپورٹ میں خاطر خواہ اضافہ ہوا ہے جس سے موبائل گروتھ مارکیٹ نے2017/2018میں پاکستان میں 113ارب کے موبائل پاکستان میں امپورٹ ہوئے یاد رہے کہ 2016/2017میں 95ارب روپے کے موبائل پاکستان میں امپورٹ ہوئے حکومت نے 10ہزار روپے مالیت کے موبائل پر زیرو پرسنٹ ٹیکس جبکہ دس ہزار روپے مالیت کے موبائل سیٹ سے کر30ہزار روپے مالیت کے موبائل سیٹ پر 1ہزار روپے ٹیکس ،40ہزار روپے مالیت کے موبائل سیٹ سے 80ہزار روپے مالیت کے موبائل سیٹ پر 3ہزار روپے ٹیکس جبکہ 80ہزار روپے مالیت سے زاید موبائل پر 5ہزار روپے ٹیکس مقرر کیا ہوا ہے متعلقہ انتظامیہ کی مجرمانہ خاموشی و غفلت ملکی معیشت اور سالمیت کے لئے بہت بڑا خطرہ ہے خطرناک اور گھناﺅنے جرائم میں استعمال ہونے والے غیر رجسٹرڈ موبائل بھی ایسے ہی آسانی سے مارکیٹ سے خرید لئے جاتے ہیں جس بعد میں نا قابل ِ تلا فی نقصان اٹھانا پڑتا ہے ملک کی سلامتی سے زیادہ متعلقہ محکموں کے افسروں کورشوت سے اپنی جیبیں بھرنے سے غرض ہے ہال روڈ پر غیر رجسٹرڈ سمارٹ موبائل فونز فروخت کرنے والوں سے بڑے مجرم رشوت لے کر ناجائز کاروبار کرنے کی اجازت دینے والے متعلقہ محکموں کے افسر ہیں۔
ہال روڈ

گوجرانوالہ (بیورو رپورٹ) حوا کی بیٹی کب تک لٹتی رہے گی زمین پھٹی نہ آسمان گرا گھرسے دودھ لینے کیلئے جانیوالی دس سالہ بچی کو محلے کے دوکاندار درندہ صفت نے زیادتی کانشانہ بناڈالا چیخ وپکار کی آواز سن کراہل محلہ اکٹھے ہو گئے ملزم موقع کا فائدہ اٹھاتے ہوئے فرار۔ تفصیلات کے مطابق تھانہ گکھڑ کے علاقہ کارہائشی شریف کی بیٹی (ز) گھر سے دودھ لینے کیلئے محلے کی دوکان پر گئی دوکان کے مالک یعقوب نے بہلاپھسلاکر دوکان کے اندر لے گیا اور زبردستی زیادتی کانشانہ بناڈالا لڑکی کی چیخ وپکار پر اہل محلہ اکٹھے ہوگئے ملزم یعقوب موقع سے فرار ہوگیا محلے داروں نے اپنی مددآپ کے تحت بچی کو ہسپتال پہنچایا خون میں لت پت لڑکی کا میڈیکل چیک اپ کے بعد ڈاکٹروں نے زیادتی کی تصدیق کردی پولیس کے مطابق ملزم کیخلاف مقدمہ درج کرلیاگیا ہے وقوعہ کچھ یوں بچی دوکان دار سے دودھ لینے گئی دوکاندار نے لڑکی کیساتھ زبردستی ریپ کرڈالا ملزم موقع سے فرار ہوگیا گرفتاری کیلئے چھاپے مارے جارہے ہیں جلد ملزم گرفتار کرلیں گئے پولیس۔ وقوعہ کی خبرگھروالوں پر بجلی بن کر گری گھرمیں کہرام برپااہل محلہ کا وزیراعلی پنجاب سے نوٹس کا مطالبہ۔

لاہور (کورٹ رپورٹر)ہائیکورٹ نے مال روڈ ،ہال روڈ اور داتادربار کے ارد گرد تجاوزات کے خاتمے پر اسسٹنٹ کمشنر نے عمل درآمد رپورٹ جمع کرا دی۔عدالت نے حکم کی خلاف ورازی کرنے والوں کے خلاف مقدمہ درج کرنے کا حکم دے دیا۔جسٹس علی اکبر قریشی نے ایڈووکیٹ کمال حیدر ایڈوکیٹ کی درخواست پر سماعت کی ، رپورٹ کے مطابق عدالتی حکم پر عمل درآمد شروع کردیا گیا ہے،جمع کرائی گئی رپورٹ کے مطابق مال روڈ اور ہال روڈ سے تجاوزات کے مستقل خاتمے کے لیے کیمپ لگادئیے گئے ہیں، عدالت نے حکم دیا کہ دوبارہ تجاوزات کرنے والوں کے خلاف مقدمات درج کریں، عدالت نے استفسار کیاکہ شاہ عالم مارکیٹ کی کیا صورتحال ہے؟ جس پر اسسٹنٹ کمشنر نے جواب دیا کہ شاہ عالم مارکیٹ میں بھاری مشینری کے ساتھ آپریشن کیا جارہاہے، عدالت نے ڈی سی لاہور سے تفصیلی عملدرآمد رپورٹ طلب کرلی۔

لاہور (کرائم رپورٹر) صوبائی دارالحکومت کے مختلف علاقوں میں ڈاکو¶ں اور چوروں نے متعدد وارداتوں میں شہریوں کو لاکھوں روپے مالیت کی نقدی، طلائی زیورات، موبائل فون، کاروں و موٹرسائیکلوں سمیت دیگر قیمتی اشیاءسے محروم کر دیا۔ ذرائع کے مطابق ڈیفنس سی کے علاقے میں ڈاکو¶ں نے گھر میں گھس کر فیاض کے اہلخانہ کو یرغمال بنا کر 5 لاکھ مالیت کی نقدی طلائی زیورات لوٹ لیے۔ سبزاہ زار میں 4 ڈاکو گھر میں گھس کر ندیم اور اس کی فیملی کو اسلحہ کے زور پر یرغمال بنا کر 6لاکھ 15 ہزار روپے لوٹ کر فرار ہوگئے۔ جبکہ گلبرگ کے علاقے میں موٹرسائیکل سوار ڈاکو¶ں نے شفاقت اور اس کی فیملی سے گن پوائنٹ پر 2لاکھ 75 ہزار روپے نقدی و طلائی زیورات۔ راوی روڈ کے علاقے میں ڈاکو¶ں نے مبشر اور فیملی سے گن پوائنٹ پر 4 لاکھ 55 ہزار روپے نقدی و طلائی زیورات۔ فیصل ٹاون میں ڈاکو¶ں نے محمود اور فیملی سے 2 لاکھ 50 ہزار روپے نقدی و طلائی زیورات۔ اچھرہ میں ڈاکو¶ں نے ناظم اور فیملی سے 1 لاکھ 70 ہزار روپے نقدی و طلائی زیورات لوٹ لیے جبکہ بادامی باغ کے علاقے میں ڈاکو گن پوائنٹ پر آصف سے 87 ہزاراور موبائل فون۔ شاہدرہ سے زین سے 33 ہزار نقدی اور موبائل فون۔ شیراکوٹ سے روف سے ڈاکو گن پوائنٹ پر 87 ہزار نقدی اور موبائل فون۔ کاہنہ سے ڈاکو گن پوائنٹ پر سراج سے 12 ہزار نقدی اور موبائل فون لوٹ کر فرار ہوگئے جبکہ ماڈل ٹاون اور اکبری گیٹ سے گاڑیاں ہنجروال۔ اقبال ٹاون اور شادمان سے موٹرسائیکلیں چوری کر لی گئیں۔

لاہور )مدثر نواب ) ہائیکورٹ کی ماتحت عدالتوں میں صفائی ستھرائی، فول پروف سکیورٹی اور سائلین سمیت وکلاءکے مسائل حل نہ ہوسکے۔گداگروں سمیت اشیاءبیچنے والوں کی بھرمار‘ کسی بھی حادثے کا سبب بن سکتی ہے۔ کینٹ کچہری، ماڈل ٹاو¿ن کچہری اور ضلع کچہری سمیت دیگر ضلعی عدالتیں مسائل کا گڑھ اور گندگی کے ڈھیر کے باعث کباڑ خانے کا منظر پیش کرنے لگی ہیں۔ ہائیکورٹ کی ماتحت عدالتوں میں پانی کی عدم دستیابی، ٹاو¿ٹ مافیا کا راج، سر عام رشوت وصولی اور ناقص سکیورٹی کے مسائل حل نہیں ہوسکے، لوئر عدالتوں میں لگے جگہ جگہ گندگی کے ڈھیر نے سائلین کی مشکلات کو مزید بڑھا دیا۔ لاہور کی حدود میں قائم تینوں کچہریوں میں کینٹ کچہری انتہائی زبوں حالی کا شکار دکھائی دیتی ہے، سردیوں کی آمدکے پیش نظر ٹوٹ پھوٹ کا شکار سرکاری فرنیچر کو استعال کیاجانے لگا۔ ملزمان سے ملاقات کیلئے آنے والے سائلین کیلئے تینوں کچہریاںجیل کا منظر پیش کررہی ہیں۔کینٹ کچہری میں نہ تو کوئی انتظار گاہ اور نہ ہی صاف پانی کا کوئی انتظام ہے، خبریں سے بات کرتے ہوئے وکلاءکمیونٹی کا کہنا ہے کہ ہائیکورٹ کی ماتحت عدالتوں میں سب سے بڑا مسئلہ سکیورٹی کا ہے، سیشن کورٹ میں ہونے والے پے در پے قتل ناقص سکیورٹی کا منہ بولتا ثبوت ہے۔ وکلاءکا کہنا تھاکہ ضلع کچہری سمیت دیگر عدالتوں میں اشیاءبیچنے والے اور گداگروں کی بھر مار ہے جو کسی بھی بڑے حادثے کا سبب بن سکتے ہیں۔ نام نہ لینے کی شرط پر ایک وکیل نے بتایا کہ سکیورٹی پر معمور پولیس اہلکاروں سمیت عدالتی عملہ رشوت وصول کرتا ہے اور رشوت نہ دینے کی صورت میں سائلین کو عدالت کے چکر لگوائے جاتے ہیں۔ وکلاءکمیونٹی نے خبریں کی وساطت سے چیف جسٹس پاکستان سے اپیل کی چیف جسٹس ماتحت عدالتوں کے مسائل پر نوٹس لیں اور وکلاءسمیت سائلین کے مسائل کو حل کرنے کا حکم دیں۔
ماتحت عدالتیں