لاہور (ویب ڈیسک) غیر ملکی حسینہ عدالت میں پیشیاں بگھت بگھت کر تھک گئی۔میڈیا رپورٹس میں بتایا گیا ہے کہ غیر ملکی ماڈل ٹریسا عدالت میں رو پڑیں۔ان کا کہنا ہے کہ میں تھک گئی ہوں روزنہ عدالت میں پیش ہوتی ہوں لیکن اس کیس میں کوئی پیش رفت نہیں کی جا رہی۔اس کیس کی کوئی کاروائی نہیں ہو رہی نہ جانے اس کا فیصلہ کب ہو گا۔کیس کی سماعت بغیر کسی کاروائی کے ملتوی کر دی گئی جب کہ غیر ملکی ماڈل ٹریسا کو روتے ہوئے بخشی خانے منتقل کر دیا گیا۔غیر ماڈل کیس میں کاروائی نہ ہونے پر رو پڑی تھی۔خیال رہے سیشن عدالت نے منشیات اسمگلنگ کیس میں کسٹم حکام کی جانب سے ایک اور ترمیمی چالان جمع کروائے جانے کے بعد ملزمہ کے خلاف مزید دلائل کے لئے سرکاری وکیل کو 23 نومبر کو طلب کیا تھا۔میڈیا رپورٹس کے مطابق بق ایڈیشنل سیشن جج علی رضا کی عدالت میں کیس کی سماعت ہوئی۔ کسٹم حکام کی جانب سے منشیات کیس میں ٹھوس شواہد سے متعلق ایک اور ترمیمی چالان عدالت میں جمع کروا دیا۔ ترمیمی چالان میں غیر ملکی ماڈل ٹریسا کی تمام تر معلومات عدالت میں پیش کی گئیں جس میں ماڈل ٹریسا کی موبائل کے واٹس اپ پر دبئی میں رہائش پذیر طارق نامی شخص سے ہونے والی تفصیلی گفتگو بھی شامل ہے۔عدالت نے ترمیمی چالان پر مزید کاروائی کے لیے سرکاری وکیل کو دلائل کے لیے جمعہ کو طلب کیا تھا۔ ماڈل ٹریسا کے خلاف مرکزی چالان میں ابتک تمام گواہان شہادت قلمبند کروا چکے ہیں۔ ملزمہ نے اپنے ابتدائی بیان میں موقف اختیار کیا تھا کہ وہ ماڈلنگ کے لیے پاکستان ا?ئی تھی منشیات کا اسے کوئی علم نہیں ہے۔ کسٹم حکام کے مطابق ملزمہ کو لاہور ائیرپورٹ سے ساڑھے ا?ٹھ کلو ہیروئن اسمگل کرنے کے الزام میں گرفتار کیا گیا تھا۔

لاہور(ویب ڈیسک) سابق بھارتی کرکٹر، سیاستدان اور کامیڈین نوجوت سنگھ سدھو نے کہا ہے کہ یقین تھا جو بات کان میں کہی گئی ، ضرور پوری ہوگی، پاک دھرتی سے مٹی لیکر جاو¿ں گا،کرتار پورکوریڈور نے تاریخ رقم کردی،سکھوں کیلئے اس سے بڑی کوئی خوشی نہیں۔ انہوں نے آج لاہور میں گورنر پنجاب چوہدری سرور کے ہمراہ پریس کانفرنس کرتے ہوئے کہا کہ پاکستان میں بہت عزت ملی۔کل کا دن بہت اہم ہے 12کروڑ سکھ عوام کا بھروسہ ہے۔سکھوں کیلئے اس سے بڑی کوئی خوشی نہیں۔دونوں ممالک کی عوام کو مبارکباد پیش کرتا ہوں۔انہوں نے کہا کہ کرتار پورکوریڈور نے تاریخ رقم کردی۔ پاک دھرتی سے مٹی لیکر جاو¿ں گا۔یقین تھا جو بات میرے کان میں کہی گئی ہے وہ ضرور پوری ہوگی۔ انہوں نے کہا کہ کچھ لوگ عمران خان اور گورنر پنجاب جیسے ہوتے ہیں جوتاریخ رقم کرتے ہیں۔سکھ برادری 70سالوں سے اس مسئلے کے حل کے انتظار میں تھی۔کرتار پور راہداری امن قائم کرنے کا ایک ذریعہ جبکہ تجارت میں اضافے کا باعث بھی بنے گی۔نوجوت سنگھ سدھو نے کہا کہ یہ سرکاروں اور وزیروں کے مسئلے ہیں ، میں کشمیر کی بات نہیں کروں گا۔بھائی چارے اور محبت سے مسائل کا حل ہوتا ہے۔ دوسری جانب نوجوت سنگھ سدھو نے واہگہ کے راستے پاکستان پہنچنے کے بعد میڈیا سے گفتگو کرتے ہوئے کہا کہ یہ موقع اپنے دامن میں خوشیاں ہی خوشیاں سمیٹے ہوئے آیا ہے۔وزیر اعظم عمران خان نے تین ماہ پہلے جو بیج بویا تھا اس سے نئی صبح اور امید کا پودا نکل آیا ہے۔ میں سارے ہندوستان ، وزیر اعظم پاکستان اور کردار ادا کرنے والے تمام افسران کا شکر گزار ہوں کہ 73سالوں کی امید کرتا ر پور کوریڈور کی صورت میں سامنے آئی ہے اور یہ مزید امیدیں لے کر آئی ہے جو امن و امان سے بھری ہوئی ہیں۔بابا گرو نانک کی نظر سے ساری نفرتیں ڈھیر ہو سکتی ہیں۔انہوںنے بھارتی حکومت کی جانب سے زیادہ خوشی کا اظہار نہ کرنے کے سوال کے جواب میں کہا کہ میں اس موقع پر ان باتوں میں نہیں پڑنا چاہتا لیکن یہ ضرور کہتا ہوں کہ مذہب کو سیاست کی عینک سے مت دیکھو۔ دنیا میں کوئی جگہ یا مذہب ہے جس میں کسی کو اپنے مذہب کا ماتھا ٹیکنے سے روکا جائے۔ کئی دہائیوں بعد ایک امیدپوری ہونے جارہی ہے اور کیوں رنگ میں بھنگ ڈالی جائے۔انہوںنے پاک بھارت کرکٹ میچز کے حوالے سے کہا کہ میں نوے فیصد لوگوں کی با ت کر رہا ہوں جو چاہتے ہیںکہ پاکستان اور بھارت میں فاصلے اور نفرتیں ختم ہوں۔ نصرت فتح علی خان، کپل دیو،عمران خان، وسیم اکرم تو جوڑنے والے ہیں ، فاصلے مٹانے اورپل بنانے والے ہیں اور ان کی دونوں ممالک میں عزت ہے۔ یہ اپنے فن سے جوڑتے ہیں ،میں عمران خان کا بچپن سے فین ہوں ، اسی طرح یہاح شاہ رخ خان اور سلمان خان کے فینز موجود ہیں۔انہوںنے بھارت میں ان پر کی جانے والی تنقید پر کہا کہ تنقید رنگ لے آئی ہے ، میں ذرہ ہوں ، میری کیا اوقات ہے ،میں بابا گرونانک کے پاﺅں کی دھول ہوں۔ انہوںنے کہا کہ کرتا ر پور کوریڈور امن کا راستہ ہے اور ابھی سب مرادیں پوری ہونی ہیں ، اس کے ذریعے بھائی چارے کی بنیاد رکھ دی گئی ہے اور یقینا حالات سدھریں گے اور باڈر کھلیں گے ، دونوں ممالک کے درمیان تال میل بڑھنا ہے۔

لاہور (ویب ڈیسک)وزیراعظم عمران خان اپنی حکومت کے ابتدائی 100 روز کے دوران 4 ملکوں کے دورے کرچکے ہیں۔وزیراعظم نے اپنے غیرملکی دوروں کا آغاز سعودی عرب سے کیا اور وہ دو مرتبہ سعودی عرب گئے جہاں انہوں نے سعودی قیادت سے ملاقات اور باہمی دلچسپی کے امور پر گفتگو کی۔وزیراعظم نے متحدہ عرب امارات کا بھی دورہ کیا جس کے بعد وہ چین کے 5 روزہ دورے پر بیجنگ پہنچے اور اپنی حکومت کے 100 روز میں انہوں نے ملائیشیا کا بھی دورہ کیا۔

لاہور (ویب ڈیسک)پنجاب پولیس کے سینئر سپرنٹنڈنٹ پولیس (ایس ایس پی) فیصل مختار نے انٹرنیشنل ایسوسی ایشن آف چیفس آف پولیس (آئی اے سی پی) کی جانب سے ترتیب دی گئی دنیا کے 40 بہترین پولیس افسران کی فہرست میں اپنی جگہ بنالی۔پولیس کی کارکردگی کا جائزہ لینے والے امریکی ادارے آئی اے سی پی کے تحت 40 سال یا ا±س سے کم عمر کے حامل دنیا کے 40 بہترین پولیس افسران کی ایک فہرست تیار کی گئی ہے۔اس فہرست میں وہ پولیس افسران شامل ہیں جو قانون کی پاسداری کرتے ہوئے بہادری، عزم و حوصلے اور سنجیدگی سے اپنی قوم کی حفاظت کی ذمہ داری اٹھا رہے ہیں۔اس فہرست میں پاکستان سے پنجاب پولیس کے 38 سالہ ایس ایس پی فیصل مختار کا بھی انتخاب کیا گیا، جو بطور ڈسٹرکٹ پولیس افسر (ڈی پی او) بھرتی ہوئے تھے اور پھر ترقی کرتے کرتے اس مقام تک پہنچے۔فیصل مختار اس سے قبل 2016 میں ہبرٹ ہمفرے فیلوشپ (Hubert Humphrey Fellowship) میں بطور اسکالر شریک ہونے کا اعزاز بھی حاصل کرچکے ہیں۔فیصل مختار نے پولیس فورس میں شامل ہونے کا فیصلہ ایک پولیس افسر سے ملاقات کرنے کے بعد کیا اور پھر دوسروں کی مدد کرنے کے جذبے کے ساتھ پولیس فورس کو بہتر بنانے کا سلسلہ جاری رکھا۔ایس ایس پی فیصل مختارکے مطابق انہوں نے پنجاب پولیس کے افسران کے درمیان استحکام اور فلاح و بہبود کے منصوبوں پر زور دیا تاکہ دوران ڈیوٹی تناو¿ کو کم کیا جاسکے اور دماغی صحت بہتر کی جاسکے۔انہوں نے ڈپارٹمنٹ میں ‘عزت سب کے لیے’ (Respect For All) پالیسی کے ساتھ کئی نئی پالیسیز کا بھی آغاز کیا، ساتھ ہی انہوں نے کمیونٹی اور پولیس کے درمیان اعتماد کے رشتے کو مزید مضبوط بنانے کے لیے مختلف پروگرامز بھی شروع کیے۔علاوہ ازیں انہوں نے خواتین پولیس افسران کو با اختیار بنایا اور ان کے عہدوں میں بھی اضافہ کیا۔دنیا کے 40 بہترین پولیس افسران کی خدمات کو سراہنے کے لیے آئی اے سی پی کی کانفرنس امریکا کے شہر اورنالڈو میں منعقد کی گئی تھی، جس میں دنیا بھر کے قانون نافذ کرنے والے اداروں کے افسران نے شرکت کی۔

اسلام آباد(ویب ڈیسک)وفاقی وزیر مذہبی امور نورالحق قادری کا کہنا ہے کہ ریاست مدینہ میں سود نہیں ہوگا اور ہم پہلے بلاسود بینکاری کو فروغ دیں گے جس کے بعد سود کے خاتمے کی طرف بڑھیں گے۔اسلامی نظریاتی کونسل کے اجلاس کے بعد میڈیا سے بات کرتے ہوئے وزیر مذہبی امور نے کہا کہ ریاست مدینہ کے لئے کونسل کی سفارشات چاہییں، آج کے اجلاس میں سود کے مسئلے پر غور ہوا اور سود کے خاتمے کے لیے پہلے مرحلے میں بلاسود بینکاری کی حوصلہ افزائی کی جائے گی۔نورالحق قادری نے کہا کہ وزیراعظم اورحکومت کی خواہش ہے کہ اسلامی نظریاتی کونسل سےبھرپورفائدہ اٹھایا جائے، اس ادارے کو ماضی کی طرح غیرفعال ہونے سے بچائیں گے اور حکومت اسلامی نظریاتی کونسل کی تجاویز سے بھرپور فائدہ اٹھائے گی۔وزیر مذہبی امور کا کہنا تھا کہ اسلامی نظریاتی کونسل اہم آئینی ادارہ ہے، وزیراعظم عمران خان کونسل کے چیئرمین اور ممبران سے ملاقات کریں گے، ہماری حکومت کونسل سے رہنمائی چاہے گی اور قابل عمل سفارشات پر فوری عمل کرنا چاہتے ہیں۔اس موقع پر چیئرمین اسلامی نظریاتی کونسل ڈاکٹر قبلہ ایاز نے کہا کہ کونسل اجلاس میں وزراءکی شرکت حکومت کی سنجیدگی کا مظہر ہے، نجی سود کے خاتمے کے لیے قانون سازی کا مرحلہ مکمل ہو گیا اور اب قتل کے فتوے دینے والوں کے خلاف سزا بڑھانے کی کوشش کریں گے۔ چیئرمین اسلامی نظریاتی کونسل کا کہنا تھا کہ اسلامی نظریاتی کونسل کے مشاورتی ادارے کے طور پر فعال ہونے سے ملک میں مذہبی منافرت اور افرا تفری دور ہوگی۔