لاہور (خبر نگار) لیسکو سب ڈویژن رانا ٹاون میں لیسکو کا سابق ملازم دھڑلے سے بجلی چوری کروانے لگا۔ بجلی چوری کی متعدد ایف آئی ار ہونے کے باوجود متعلقہ ادارے گرفتار کرا نے میں ناکام بجلی چوری سے ماہانہ لاکھوں روپے کمانے لگا متعلقہ انتظامیہ بھی منتھلی لے کر خاموش اہل علاقہ کا لیسکو چیف سے نوٹس لینے کا مطالبہ۔ تفصیلات کے مطابق رانا ٹاون کے علاقے پاک پارک میں سابق لیسکو ملازم محمد زاہد اشرف وہاں کے کچھ مکینوں کو بجلی چوری کی کھلی چھوٹ دے رکھی ہے جن سے ماہانہ وصول کرتا ہے ان بجلی چوروں نے محمد زاہد اشرف کی اشیر باد پر مین لائینوں پر ڈایریکٹ کنڈے لگا کر بجلی چوری کرتے ہیں جبکہ متعلقہ سب ڈویژن کے افسران بھی اس کام سے باخوبی واقف ہیں جو اس اپنے سابق ملازم سے بھتہ وصول کرتے۔ ذرائع کا یہ بھی کہنا ہے بجلی چور زاہد اشرف کے خلاف تھانہ ہنجروال میں بجلی چوری کے دو مقدمات ایف آئی آر نمبر 745/14اور 1254/18درج ہیں جو کہ لیسکو ایس ڈی او نے کروائی ہیں لیکن اس کو نہ تو گرفتا ر کیا گیا ہے اور نہ ہی قانونی کاروائی کی گئی ہے بلکہ وہ اپنے اس دھندے میں مصروف ہے ذرائع کا یہ بھی کہنا ہے اس کو متعلقہ سب ڈویژن کے عملے اور متعلقہ تھانے کے عملے کی اشیر آباد حاصل ہیں گرمیوں میں یہ بجلی چور کنڈے لگانے والوں گھروں سے دس سے پندرہ ہزار روپے لیتا ہے اور سردیوں میں دو سے تین ہزار روپے لیتا ہے ۔جن کے میٹر نی لگے ہوں ان سے میٹر کے نام پر پیسے لے کر ڈائریکٹ کنڈے لگوا دیتا ہے جب تک میٹر نہیں لگتا تو بجلی چوری کراوئی جاتی ہے جو کہ قانون جرم ہے لیکن متعلقہ انتظامیہ اس معاملے میں بے حس دیکھائی دیتی ہے۔

لاہور(وائس آف ایشیا)لاہور کی سپیڈو بس میں سفر کے لیے عائد سپیڈو کارڈ کی شرط ختم کر دی گئی۔کارڈ نہ رکھنے والے مسافر اب نقد میں کرایہ ادا کریں گے۔تفصیلات کے مطابق لاہورمیں چلنے والی سپیڈو بس میں سفر کے لیے سپیڈو کارڈ کی شرط عائد کی گئی تھی۔بس سروس کو کامیاب کرنے کیلئے کارڈ سسٹم متعارف کروایا گیا تاہم یہی کارڈ سسٹم اس بس سسٹم کے خسارے کی وجہ بن گئی۔تاہم تازہ ترین خبر کے مطابق لاہور کی سپیڈو بس میں سفر کے لیے عائد سپیڈو کارڈ کی شرط ختم کر دی گئی۔دوسری جانب محکمہ ٹرانسپورٹ نے کرایوں میں اضافے کی تجاویزتیارکرلیں۔میٹرو بس کے کرایوں میں دس روپے اضافے کی تجویز زیر غور ہے۔پہلے دس کلو میٹر تک کرایہ 20روپے وصول کیا جائےگا۔دس کلومیٹرکےبعد کرائےمیں دس روپے اضافہ تجویزکیا گیا ہے۔ذرائع محکمہ ٹرانسپورٹ کا کہنا تھا کہ کرائے میں اضافے سے سبسڈی کی مد میں کمی آئے گی۔اسپیڈوبسوں میں اب مسافرکرایہ ادا کرکے سفر کرسکیں گے۔واضح ہو کہ ماضی میں بغیر کارڈ سفر کی اجازت نہیں تھی۔

منڈی بہاوالدین (بیورو رپورٹ) آن لائن گیم پوکر کھیلتے کھیلتے امریکن کڑی منڈی بہاوالدین کے نوجوان کو دل دے بیٹھی، اسلام قبول کرکے بیاہ رچا لیا،گھرمیں خوشیوں کاسماں،تفصیلات کے مطابق آن لائن گیم کا جادو، انٹرنیٹ پر پوکر گیم کھیلتے ہوئے امریکن کڑی دل ہار گئی، اورپاکستان پہنچ کراس نے اسلام قبول کرکے منڈی بہاوالدین کے محلہ منشی کے رہائشی 26 سالہ تنویرکے ساتھ شادی رچا لی،اڑتیس سالہ امریکی خاتون جینی فرناننڈس کا نام اسلام قبول کرنے کے بعد زینب رکھا گیا، زینب کاکہناتھاکہ اسے پاکستان آکر بہت اچھا لگا، میرے شوہر کے گھر والوں نے دل سے خوش آمدید کہا، ہماری محبت کا سلسلہ پوکر گیم ایپ سے شروع ہوا،میں یہاںبار بار آتی رہوں گی، مجھے اپنی فیملی سے بہت محبت ہے نوجوان تنویرکاکہناتھاکہ اس نے گھر والوں کی مرضی سے شادی کی، اگر امریکہ کا ویزا ملا تو ٹھیک ہے ورنہ یہاں بھی خوش ہوں اوراس طرح انٹرنیٹ پر کھیلی گئی تاش کی بازی نے دو دلوں کو ایک کردیا مگر سرحدوں کے فاصلے اب بھی میاں بیوی کے درمیان حائل ہیں۔

لاہور(کامرس رپورٹر )ستر کڑوڑ روپے کے فراڈ میں ملوث ہائر ایجوکیشن کمیشن کی طرف سے پابندی لگنے والے تعلیمی ادارہ گلوبل انسٹی ٹیوٹ کی انتظامیہ مختلف کالجز کے تقریباََ4ہزاربچوں سے ایک لاکھ پچھتر ہزار روپے فی طالب علم 18ہزارروپے بمع ڈگری فیس وصول کر کے ان کو ایچ ای سی سے تصدیق شدہ ڈگری تاحال مہیا کرنے میں ناکام ،چار ہزار سے زائدبچوںکامستقبل داﺅ پر لگ گیا۔2015ءمیںبی بی اے اور بی کام آئی ٹی کرنے کے لئے طلبہ و طالبات نے گلوبل انسٹی ٹیوٹ سے الحاق و منسلک مختلف تعلیمی اداروں میںداخلہ لینے کے بعدتعلیمی سرگرمیاں جاری کیں جو اکتوبر2016 میں ہائر ایجوکیشن کمیشن کے گلوبل انسٹیٹیوٹ کو بین کئے جانے اورطلبہ وطالبات کی ڈگریاں ایچ ای سی سے تصدیق نہ ہونے کے بعد طلبہ و طالبات نے احتجاج کرنا شروع کر دیا اور تاحال ان کا کوئی پرسانِ حال نہیں۔گلوبل انسٹی ٹیوٹ میں احتجاج کے دوران نمائندہ خبریں سے بات کرتے ہوئے ایاز،عامر،حمزہ،ارسلان،سلمان،موسی،حماد،فاہد اور تابیر نے بتایا کہ انہوں نے پیک سولوشن میں 2015ءمیں بی بی اے اور بی کام آئی ٹی کرنے کے لئے داخلہ لیا اور تعلیمی سرگرمیوں کے تین ہی سمسٹر ہی ہوئے تھے کہ ہائر ایجو کیشن کمیشن نے گلوبل انسٹی ٹیوٹ کو فراڈ اور مس مینجمنٹ کی وجہ سے 2016میں بین کر دیا جس کے بعد سے کڑوڑوں روپے فیس کی مد جمع کروانے والے طلبہ وطالبات ان کے والدین اور مختلف کالجوںکی انتظامیہ نے گلوبل انسٹی ٹیوٹ کے ڈائریکٹر اسد سے رابطہ ، استفسار اور ڈگر ی کی ایچ ای سی سے تصدیق کا تقاضاشروع کر دیا جو تاحال حل نہ ہو سکاہے۔مختلف تعلیمی اداروں کے طلبہ و طالبات ایاز،عامر،حمزہ،ارسلان،سلمان،موسی،حماد،فاہد اور تابیر نے خبریں کی وساطت اعلی حکام سے فوری نوٹس اور ایکشن لینے کی اپیل کی ہے اور کہا کہ 2016میںایچ ای سی کی جانب سے بین ہونے کے باوجود بھی گلوبل انسٹی کے ڈائریکٹر اسد نے طلبہ و طالبات کو دوسرے اداروں سے اپنے کیمپس میں شفٹ کروا کر بین ہونے کے بعد بھی دو دو سمسٹروں کی فیسیں اور پھر 18ہزار روپے ڈگری تصدیق کے وصول کر کے ہمارے ساتھ سخت زیادتی کی ہے ۔اکتوبر 2016میں ایچ ای سی کیجانب سے بین ہونے کے بعد جب طلبہ و طالبات نے گلوبل انسٹی ٹیوٹ کے چکر لگانا شروع کئے تو گلوبل انسٹی ٹیوٹ نے پابندی کے احکامات ہوا میں اڑاتے ہوئے طلبہ سے دو دو سمسٹروں کی مزید رقم اس وعدہ پے بٹورتے ہوئے ہضم کر لی کہ ایچ ای سی ڈگری تصدیق کروانا ہمارا کام ہے آپ بس باقی کے سمسٹروں کی فیسیں جمع کروائیں اور پیک سولوشن سے ہمارا تبادلہ گلوبل انسٹی ٹیوٹ کروا کر بقایا فیسیں وصول کر لیں جس سے ہمارے چار چار سال اور فیسیں ضائع ہوئے جا رہی ہیںاور مستقبل تاریک ہوتا نظر آرہا ہے۔ڈائریکٹر گلوبل انسٹی ٹیوٹ سے معاملہ کے بارے میں پوچھنے نمائندہ خبریں کو بتایا کہ ہم کوشش کر رہے ہیں اور کب تک معاملہ حل ہو جائے گا اس کے بارے میں ابھی کچھ نہیں کہہ سکتے ا ور ادارہ بین ہونے کے باوجود فیسیں وصول کرنے کے سوال پر اسد کا کہنا تھا کہ جب کوئی ہمارے ادارے کو بین کہتا ہے تو بہت دکھ ہوتا ہے ہمارا ادارہ منسوخ تو نہیں ہوا بس دو سال سے معطل ہوا ہوا ہے امید ہے کہ جلد ہم دوبارہ سے ایچ ای سی سے الحاق شدہ ہو جائیں گے۔انتظامیہ پیک سولوشن کی انتظامیہ سے موجودہ صورت حال کے بارے سوال کیا تو ڈائریکٹر مدثر نے نمائندہ خبریں سے فون پے بات کرتے ہوئے بتایا کہ گلوبل انسٹی ٹیوٹ کے ڈائریکٹر اسد نے معاملا ت سدھارنے اور ڈگریوں کی تصدیق کے لئے پانچ ماہ کا مزید وقت مانگا ہے اب دیکھیں کب تک یہ معاملہ حل ہوتا ہے۔

لاہور(نادر چوہدری)لاہور پولیس کی ناقص کارکردگی کے باعث صوبائی دارالحکومت میں بھی ممکنہ دہشتگردی کے بادل منڈلانے لگے ، باغبانپورہ کے علاقہ میں غیر قانونی طور پر مقیم افغان باشندے کی موجودگی کا انکشاف جبکہ دوسرا بھائی فیصل آباد میں مقیم ہے،افغان باشندہ الیکٹرونکس کے گودام میں آڑھ میں مشکوک سرگرمیاںجاری رکھے ہوئے ہے جبکہ اسکا بھائی فیصل آباد سے اسے سامان بھجواتا ہے ،15سے 20 افغانیوں کو بطور ملازم رکھنے کا بھی انکشاف جن کا متعلقہ تھانہ میں اندراج ہی نہیں ،افغان باشندے نے ایک ملتانی شہری کا نام استعمال کر تے ہوئے اسی کا نادرا سے کینسل شدہ شناختی کارڈ پاس رکھا ہوا ہے اور خود کو ملتانی شہری ظاہر کرتاہے ، حساس اداروں کی جانب سے مراسلہ جاری ۔ ذرائع کے مطابق ملک میں ایک مرتبہ پھر سے کراچی میں چائنیز کونصلیٹ پر حملے کی صورت میں تخریب کاری کی ہوا چلنے کے بعد لاہور پولیس کی جانب سے بظاہر تو سکیورٹی فول پروف کرنے کے دعوے کیئے جاتے ہیں لیکن حقیقت اس کے برعکس ہے ۔حساس اداروں کی جانب سے 15نومبر کو جاری ہونے والے مراسلے نمبر 31093/SB/LR/PSO میں بتایا گیا ہے کہ تھانہ باغبانپورہ کے علاقہ پلی دینداراںراجباہ روڈ پر عبدالوہاب ولد عبد المنان نامی افغانی باشندے نے ایک لیکٹرونکس اشیاءکا گودام بنا رکھا ہے جو کہ اپنا نام محمد سرفراز ولد محمد امیر بتاتا ہے اور اسکے پاس اسی نام کا ایک شناختی کارڈ بھی ہے جس کا نمبر 36102-3089457-7 ہے جبکہ اس شناختی کارڈ پر مکان نمبر 270گلی نمبر2حرم گیٹ ملتان کا پتہ درج ہے جبکہ نادرا کی جانب سے یہ شناختی کارڈ کافی دیر پہلے کینسل کر دیا گیا ہے جو یہ افغانی شہری عبدالوہاب ولد عبد المنان استعمال کر رہا ہے ۔اس افغانی شہری نے متعلقہ تھانہ میں کرایہ داری کا اندراج بھی کسی حاجی خان محمد ولد حاکم سکنہ سلامت پورہ کے نام سے کروا رکھا ہے ۔جبکہ اس کے گودام میں 15سے 20افغانی باشندے بھی بطور ورکر رکھے ہوئے ہیں جن کا متعلقہ تھانے میں کسی قسم کا کوئی بھی ریکارڈ نہیں ہے۔ ذرائع کا مزید کہنا ہے کہ مذکورہ افغانی باشندے کا ایک سگا بھائی عزت خان ولد عبدالمنان فیصل آباد میں مقیم ہے جو فیصل آباد سے ہی بذریعہ کنٹینر سامان لاہور اپنے بھائی کو باغبانپورہ گودام میں بھجواتا ہے ۔مراسلے میں حساس اداروں کی جانب سے واضح طور پر لکھا ہوا ہے کہ عبدالوہاب ولد عبدالمنان ایک افغان باشندہ ہے جس کے افغان کارڈ پر پاکستان میں رہائش کیلئے کے پی کے (پشاور) میں رہائش اختیار کر نے تک کی اجازت دی گئی ہے جس کا مطلب ہے کہ یہ باشندہ صرف پشاور میں ہی اپنی رہائشی اختیار کر سکتا ہے اورملک کے دیگر حصوں تک بغیر اجازت نہیں آجا سکتالیکن مذکورہ افغانی باشندے نے قوانین کی خلاف ورزی کرتے ہوئے نہ صرف لاہور میںرہائش اختیار کی بلکہ الیکٹرونکس پروڈکٹس کی امپورٹ اور فروخت کا کاروبار بھی کررہا ہے اور دیگر افغانی شہریوں کو اپنے ساتھ رکھا ہوا ہے ۔ایک الگ نام کا پاکستانی شناختی کارڈ اپنے پاس رکھ کر شناخت دریافت کرنے پریہ کارڈ دکھا کر کہتا ہے کہ یہ میرا قومی شناختی کارڈ ہے مذکورہ کا یہ امر انتہائی تشویشناک ہے اوراسکا اپنے افغانی شناختی کارڈ کے علاوہ پاکستانی کینسل شدہ پاکستانی شناختی کارڈ رکھ اپنی شناخت چھپانا کئی سوالات کو جنم دیتا ہے جبکہ اسکے گودام میں کام کر نے والے مزید 15سے 20افغانی باشندے جن کا متعلقہ تھانے میں نہ اندراج کروایا گیا اور نہ ہی متعلقہ تھانہ ان کے متعلق کچھ جانتا ہے ۔مذکورہ افغانی باشندے اور اسکے ساتھ دیگر افغانی ساتھیوں کا ڈیٹاملکی سلامتی کے اداروں کے ساتھ شیئر کر نا اور ان تمام افغانیوں کو فوری طور پرلاہور سے پشاور ( افغانی کیمپ) بھجوانا انتہائی ضروری ہے کیونکہ یہ کسی بھی بڑی دہشتگرد کاروائی کا بھی باعث بن سکتے ہیں ۔