All posts by Daily Khabrain
کسی کے جیل جانے سے خوش نہیں ، لیکن نواز شریف بچتے نظر نہیں آرہے
لمز یونیورسٹی فلم کلب کے زیر اہتمام دو روزہ انٹرنیشنل فلم فسٹیول کے اختتامی روزصوبائی وزیر اطلاعات و ثقافت فیاض الحسن کا خطاب
لاہور(صدف نعیم سے)تقریب سے خطاب کرتے ہوئے صوبائی وزیر اطلاعات و ثقافت فیاض الحسن نے کہا کہ پاکستان میں فلم ڈرامہ کو جتنا فروغ دے سکیں ہم مدد کریں گے ۔3 ماہ میں 45 میٹینگز کر چکا ہوں جس میں سینیئر فنکار شامل تھے۔پاکستان میں فلم کے حالات بدقسمتی سے بہت خراب ہیں ۔کراچی میں لوگ فلم کے لیے اسپانسر کررہے ہیں ۔10 سالوں سے فلم انڈسٹری کا برا حال ہے ۔انڈین اور ہالی ووڈ کی فلموں سے سینیما گھر چل رہے ہیں ۔فلم فسٹیول سے آپ نے ہمیں سوچنے پر مجبور کردیا ۔گزشتہ 18 سالوں سے انڈیا پاکستان کو دہشت گرد ملک کے طور پر فلم کے ذریعے پیش کررہا ہے ۔10 سالوں سے تو ہر فلم میں پاکستان کی بدنامی کا کوئی سین شامل کیا جاتا تھا ۔لیکن پاکستانی سیاست میں لوٹ مار میرا شوق اور روک سکوں تو روک لو فلم نظر آرہی تھی۔پچھلے دس سالوں میں نواز شریف اور زرداری ہاتھوں میں ہاتھ ڈال کر فلم چلا رہے تھے ۔میں پنجاب کے ثقافت کے وزیر کے طور پر بہت بہتری لاﺅں گا ۔اگلے ماہ سے وائس آف پنجاب پروگرام لارہا ہوں۔سرکاری سطح پر فلم فسٹیول لارہے ہیں۔آل شریف کو بھی ٹھیک کریں گے اور فلم انڈسٹری کو بھی۔پاکستان کے تصور کو ہم فلم کے ذریعے بہتر کرسکتے ہیں ۔خادم اعلی کی قیادت میں جو ثقافت میں کرپشن جاری تھی اسے روک دیاہے۔
یوگنڈا کی جھیل میں کشتی ڈوبنے سے 30 افراد ہلاک، متعدد لاپتا
کمپالا(ویب ڈیسک) یوگنڈا کی وکٹوریا جھیل میں مسافر بردار کشتی الٹنے کے باعث 30 افراد ڈوب کر ہلاک ہوگئے جب کہ متعدد افراد تاحال لاپتا ہیں۔بین الاقوامی خبر رساں ادارے کے مطابق یوگنڈا کے دارالحکومت کمپالا کے نزدیک جھیل وکٹوریا میں 84 مسافروں کو لے کر جانے والی کشی الٹ گئی جس کے نتیجے میں 30 مسافر ڈوب کر ہلاک ہوگئے۔ریسکیو ادارے اور یوگنڈا بحریہ کی ٹیم نے امدادی کاموں کا آغاز کرتے ہوئے 27 افراد کو ڈوبنے سے بچالیا جب کہ 27 افراد تاحال لاپتا ہیں جن کی تلاش کا کام جاری ہے تاہم خراب موسم کے باعث امدادی ٹیم کو مشکلات کا سامنا ہے۔پولیس کا کہنا ہے کہ کشتی میں گنجائش سے زیادہ افراد سوار تھے جس کے باعث کشتی الٹ گئی تاہم خراب موسم بھی حادثے کی ایک وجہ ہوسکتی ہے، قبل ازیں موسم کی خرابی سے متعلق الرٹ جاری کیا گیا تھا۔واضح رہے کہ 70 ہزار اسکوائر کلومیٹر پر محیط وکٹوریا جھیل میں ناکافی سہولیات اور احتیاطی تدابیر کے فقدان کے باعث کشتی الٹنے کے واقعات عام ہیں، رواں برس ستمبر میں کشتی ڈوبنے کے باعث 100 سے زائد افراد ڈوب کر ہلاک ہو گئے تھے۔
کینسر کے مریض کا صحت یابی پر سرجن کو انوکھا خراج تحسین
ارجنٹینا(ویب ڈیسک) کینسر سے صحت یابی کے بعد مریض نے اپنے سرجن اور اسپتال کو خراج تحسین پیش کرنے کے لیے منفرد طریقہ اپنا کر سب کے دل جیت لیے۔بین الاقوامی خبر رساں ادارے کے مطابق ارجنٹائن کا نوجوان شہری نینو سرگیئرو بڑی آنت کے کینسر میں مبتلا تھا۔ زندگی سے مایوس نوجوان کی ماہر آنکولوجوسٹ ڈاکٹر پال لاڈا نے ہمت بندھائی اور آپریشن کے لیے رضامند کیا۔ 42 سالہ سرجن کی سربراہی میں ڈاکٹرز کی ٹیم طویل آپریشن کے بعد کینسر کو آنت سے نکالنے میں کامیاب ہوگئی۔نوجوان کی کیمو تھراپی کا عمل ابھی آخری مراحل ہے اور وہ خود کو کافی صحت مند محسوس کر رہا ہے۔ پر عزم نوجوان نے ایک بار پھر زندگی ملنے کو سرجن کی مرہون منت قرار دیتے ہوئے اپنی پیٹھ پر سرجن اور اسپتال کا خاکہ بنوالیا۔ پیٹھ پر بنے ان ٹیٹوز کے ساتھ سرجن کی تصویر نے سوشل میڈیا پر مقبولیت حاصل کرلی۔نوجوان کا کہنا ہے کہ وہ اپنے سرجن کو انوکھا تحفہ دینا چاہتا تھا جو اب تک کسی مریض نے اپنے معالج کو نہ دیا ہو۔ کینسر تو میرے جسم سے ختم ہوگیا لیکن جس کی وجہ سے کینسر ختم ہوا وہ عظیم محسن اب ساری عمر میرے ہمراہ ٹیٹو کی شکل میں رہے گا۔
دبئی ٹیسٹ؛ پاکستان نے پہلی اننگز 418 رنز پر ڈیکلیئر کردی
دبئی(ویب ڈیسک) پاکستان نے نیوزی لینڈ کے خلاف دوسرے ٹیسٹ میں اپنی پہلی اننگز 5 وکٹ کے نقصان پر 418 رنز بنانے کے بعد ڈیکلیئر کردی۔ دبئی ٹیسٹ میں کے دوسرے روز پاکستان نے 4 وکٹ پر 207 رنز سے اپنی نامکمل اننگز شروع کی حارث سہیل اور بابراعظم نے ذمہ داری سے اسکور بورڈ کو آگے بڑھایا، اس دوران حارث سہیل نے ٹیسٹ کیریئر کی دوسری سنچری اسکور کی جب کہ بابر اعظم نے بھی کیریئر کی پہلی سنچری اسکور کی۔ حارث سہیل کیریئر کا بہترین اسکور 147 رنز بناکر آﺅٹ ہوئے جب کہ بابراعظم 127 اور سرفرازاحمد 30 رنز کے ساتھ ناٹ آﺅٹ واپس گئے۔اس سے قبل نیوزی لینڈ کے خلاف پاکستان نے ٹاس جیت کربیٹنگ کا فیصلہ کیا تاہم ایک بار پھر اوپننگ بلے باز زیادہ دیر وکٹ پر نہ رکے، امام الحق اور محمد حفیظ 9، 9 رنز بنا کر آﺅٹ ہوئے۔ بعدازاں اظہر علی اور حارث سہیل نے ذمہ دارانہ بیٹنگ کا مظاہرہ کرتے ہوئے نصف سنچریاں اسکور کیں البتہ اظہر علی 81 رنز کی اننگز کھیلنے کے بعد رن آﺅٹ ہوگئے جس کے بعد اسد شفیق وکٹ پر آئے تاہم وہ بھی صرف 12 رنز کے ہی مہمان ثابت ہوئے۔ پہلے دن کے اختتام پر حارث سہیل 81 اور بابر اعظم 14 رنز کے ساتھ وکٹ پر موجود تھے۔واضح رہے کہ پہلے ابوظہبی ٹیسٹ میں نیوزی لینڈ نے سنسنی خیز مقابلے میں پاکستان کو 4 رنز سے ہرا دیا تھا۔
کولن منرو اور کولن انگرام نے بھی پاکستان آنے کی ہامی بھرلی
لاہور(ویب ڈیسک)پی ایس ایل میں کراچی کنگز میں شامل کولن منرو اور کولن انگرام نے بھی پاکستان آنے کی ہامی بھرلی۔پاکستان سپر لیگ کا چوتھا ایڈیشن شروع ہونے جارہا ہے جس میں ڈیرن براﺅ اور سنیل نارائن سمیت متعدد کرکٹرز پاکستان آکر کھیلنے کی حامی بھرچکے ہیں اور اب کراچی کنگز کے کھلاڑی کولن منرو اور کولن انگرام بھی پاکستان میں کھیلنے پر رضامند ہوگئے ہیں۔کیوی کرکٹر کولن منرو اور جنوبی افریقہ کے کولن انگرام سپر لیگ کے چوتھے ایڈیشن میں پاکستان آنے کے لئے تیار ہیں، اس سے قبل ویسٹ انڈیز کے ڈیوائن براوو اور سنیل نارائن بھی پاکستان میں آنے کی حامی بھر چکے ہیں۔ دونوں کھلاڑیوں کا تعلق کوئٹہ گلیڈیٹرز کے ساتھ ہے۔واضح رہے پاکستان سپر لیگ کا چوتھا ایڈیشن 14 فروری سے شروع ہوگا، پی سی بی اس بار پلے آف میچز اور فائنل سمیت آٹھ مقابلے لاہور اور کراچی میں کرانے کا عندیہ دے چکا ہے۔
ویمنز ٹی ٹوئٹنی ورلڈکپ کا تاج آسٹریلیا کے سرپر سج گیا
نارتھ ساﺅنڈ(ویب ڈیسک)ویمنز ٹی ٹوئنٹی ورلڈکپ کے فائنل میچ میں آسٹریلیا نے انگلینڈ کو شکست دیدی۔میگا ایونٹ کے فائنل میں انگلینڈ کی ویمنز ٹیم نے آسٹریلین ٹیم کو جیت کیلئے 106 رنز کا ہدف دیا تھا جو آسٹریلیا کی ویمنز ٹیم نے آسانی سے پورا کرکے ٹرافی اپنے نام کرلی.آسٹریلوی اسپنر ایشلے گارڈنر نے 3 کھلاڑیوں کو پویلین کی راہ دکھائی جب کہ جورجیا وہام، میگن نے 2،2 وکٹیں حاصل کیں۔
سرفراز پر بے جا تنقید مناسب نہیں، کوچ کا بھی احتساب ہونا چاہیے، معین خان
کراچی(ویب ڈیسک) سابق ٹیسٹ کپتان و سابق ہیڈکوچ معین خان نے کہا ہے کہ کپتان سرفراز احمد پر بے جا تنقید مناسب نہیں، کوچ مکی آرتھر کا بھی احتساب ہونا چاہیے۔میڈیاسے بات چیت کرتے ہوئے معین خان نے کہا کہ وکٹ کیپرکوبیٹنگ میں موقع کم ملتا ہے، نیوزی لینڈ کے خلاف ناکامی کے ذمہ دارکپتان نہیں بیٹسمین تھے، اصل میں پاکستان ٹیم کوچ چلا رہا ہے، پاکستان ٹیم کے کوچ مکی آرتھر کا بھی احتساب ہونا چاہیے، کپتان کا قومی ٹیم کے سلیکشن میں زیادہ دخل نہیں،کھلاڑیوں کی سلیکشن پر مکی آرتھر کی رائے کوفوقیت دی جاتی ہے۔علاوہ ازیں معین خان کا کہنا تھا کہ آئی سی سی میں بھارتی لابی مضبوط ہے، پاکستان سے سیریز کے معاملے پر بھارتی حکومت کی بی سی سی آئی میں مداخلت بڑھ جاتی ہے۔
یورپی یونین برطانیہ کے درمیان بریگزٹ پر معاہدہ ہوگیا
برسلز(ویب ڈیسک) یورپی یونین میں شامل تمام ممالک نے برطانیہ کی وزیراعظم تھریسامے کے ’بریگزٹ پلان‘ کی منظوری دے دی۔بین الاقوامی خبر رساں ادارے کے مطابق یورپی یونین اور برطانیہ کے درمیان بریگزٹ ڈیل پر اتفاق ہو گیا ہے۔ یورپی یونین کے باقی ماندہ 27 رہنماﺅں نے ایک خصوصی تقریب میں بریگزٹ ڈیل پر دستخط کردیئے ہیں۔برسلز میں ہونے والی خصوصی تقریب میں یورپی یونین اور برطانوی وزیراعظم کے درمیان بریگزٹ ڈیل طے پا گئی ہے جس کے آدھے گھنٹے بعد ہی یورپیئن کونسل کے صدر ڈونلڈ ٹسک نے اپنی ٹوئٹ میں لکھا کہ ’ یورپی یونین سے برطانیہ کے انخلاءاور مستقبل میں فریقین کے درمیان سیاسی اور خارجہ تعلقات پر معاملات طے پا گئے ہیں۔یورپی یونین کے رہنماﺅں کی بریگزٹ ڈیل کی منظوری کو برطانوی وزیراعظم کی بڑی کامیابی سمجھا جا رہا ہے، تاہم اصل امتحان اس ڈیل کو برطانوی پارلیمنٹ سے منظور کروانا ہے۔ وزیراعظم تھریسامے کو اس ڈیل پر اپنے رفقا، وزرا اور سیاسی حلیفوں کی مخالفت کا سامنا رہا ہے۔برطانوی عوام نے جون 2016 میں ہونے والے ریفرنڈم میں یورپی یونین سے علیحدگی کا فیصلہ کیا تھا تاہم عمل درآمد میں حائل کٹھن مراحل کو طے کرنے میں ابھی مزید وقت لگے گا۔ ممکن ہے برطانیہ کا یورپی یونین سے 44 سالہ رفاقت کا خاتمہ 2019 میں مکمل ہو جائے گا۔
