دبئی(ویب ڈیسک) پاکستان اور نیوزی لینڈ کے درمیان دوسرے ٹیسٹ میچ کے پہلے روز قومی ٹیم نے 4 وکٹوں کے نقصان پر 207 رنز بنالیے۔دبئی میں کھیلے جارہے ٹیسٹ میچ میں پاکستان نے نیوزی لینڈ کے خلاف دوسرے ٹیسٹ میچ میں ٹاس جیت کر پہلے بیٹنگ کا فیصلہ کیا، دونوں ٹیموں میں کوئی تبدیلی نہیں کی گئی۔پاکستان کی جانب سے اوپنر بلے باز محمد حفیظ اور امام الحق ٹیم کو اچھا آغاز فراہم نہ کرسکے اور 18 کے مجموعے پر محمد حفیظ گرانڈ ہوم کی گیند پر 9 رنز بناکر ا?و¿ٹ ہوگئے۔جب کہ 25 کے مجموعی اسکور پر گرانڈ ہوم نے ہی امام الحق کو بھی 9 رنز پر پویلین بھیج دیا۔قومی ٹیم کی دو وکٹیں گرنے کے بعد اظہر علی اور حارث سہیل نے محتاط انداز اپناتے ہوئے بیٹنگ کی اور دونوں بلے بازوں سے اچھی کارکردگی کا مظاہرہ کرتے ہوئے 126 رنز کی پارٹنر شپ بنائی۔پاکستان کی تیسری وکٹ 151 کے مجموعی اسکور پر گری جب اظہر علی 81 رنز بناکر رن ا?و¿ٹ ہوئے۔چوتھی وکٹ اسد شفیق کی گری جو 12 رنز بناکر پٹیل کا اعجاز پٹیل کا شکار ہوئے۔ قومی ٹیم نے اظہر علی اور حارث سہیل کی شاندار کارکردگی کی بدولت پہلے روز کھیل کے اختتام پر 4 وکٹوں کے نقصان پر 207 رنز بنالیے ہیں، حارث سہیل 81 اور بابر اعظم 14 رنز کے ساتھ وکٹ پر موجود ہیں اور دوسرے روز کھیل کا آغاز کریں گے۔کیویز کی جانب سے گرینڈ ہوم نے 2 اور اعجاز پٹیل نے ایک کھلاڑی کو آو¿ٹ کیا۔ واضح رہے کہ 3 ٹیسٹ میچوں کی سیریز میں کیویز کو ایک صفر کی برتری حاصل ہے۔

دبئی (ویب ڈیسک)قومی ٹیم کے تجربہ کار بلے باز اظہر علی کا کہنا ہے کہ اگر دبئی ٹیسٹ کی پہلی اننگز میں پاکستانی ٹیم 300 سے زیادہ رنز کر لیتی ہے تو اس سے نیوزی لینڈ پر دباو¿ بڑھے گا۔اکیاسی رنز بنا کر ٹم ساو¿تھی کی تھرو پر رن آو¿ٹ ہونے والے اظہر علی نے پریس کانفرنس میں سوالوں کے جواب دیتے ہوئے کہا کہ رن آو¿ٹ ہونے پر افسوس ہوا لیکن یہ سب کھیل کا حصہ ہے۔ڈریسنگ روم میں حارث سہیل سے ناراضگی کا اظہار کرنے سے متعلق سوال پر اظہر علی کا کہنا تھا کہ نہیں، جو ہو گیا، اس پر کیا غصہ دکھانا، لیکن ایسا ہونا نہیں چاہیے تھا۔انہوں نے کہا کہ حارث کو بھی اس کا اندازہ ہے کہ میں درست بھاگا تھا۔سست انداز میں بیٹنگ کے سوال پر سابق ٹیسٹ کپتان نے کہا دبئی کی پچ پر پہلے ہی دن گیند اسپن ہو رہا تھا، پھر نیوزی لینڈ کے بولرز نے اچھی لائن اور لینتھ کے ساتھ بولنگ کی لیکن انہوں نے اس بات کو تسلیم کیا کہ کم از کم پہلے دن 24 رنز اور بنتے تو اچھا ہوتا۔اظہر علی نے کہا کہ پہلی اننگز میں 300 سے زیادہ رنز سے اوپر جتنے بھی رنز بنیں گے، نیوزی لینڈ کی ٹیم پر دباو¿ بڑھانے کا سبب بنیں گے۔

کراچی (ویب ڈیسک)پاکستان کرکٹ ٹیم کے کپتان سرفرازاحمد کی کپتانی کے حوالے سے کرکٹ حلقوں میں ایک بار پھر بحث چھڑ گئی ہے۔ایشین ڈان بریڈ مین کے نام سے مشہور سابق ٹیسٹ کرکٹر ظہیر عباس کا کہنا ہے کہ سرفراز احمد سے کپتانی تو ہو رہی ہے لیکن وہ پرفارمنس نہیں دے پا رہے اس لیے سرفراز کو ایک فارمیٹ کی کپتانی خود ہی چھوڑ دینی چاہیے۔دوسری جانب سابق وکٹ کیپر و کپتان معین خان سرفراز احمد کی حمایت میں سامنے ا? گئے ہیں اور ان کا کہنا ہے کہ بیٹنگ لائن کی ناکامی کے ذمہ دار بیٹسمین ہیں سرفراز نہیں، ٹیم کی ہر شکست پر سرفراز کی کپتانی پر سوال ا±ٹھانا مناسب نہیں ہے۔انہوں نے ہیڈ کوچ مکی آرتھر کے احتساب کا مطالبہ کرتے ہوئے کہا کہ ٹیم کوچ چلا رہا ہے اور سرفراز سلیکشن میں زیادہ دخل نہیں دیتے۔یاد رہے کہ گزشتہ دنوں پاکستان کرکٹ بورڈ کی کرکٹ کمیٹی کے سربراہ محسن خان نے کہا تھا کہ ٹیسٹ ٹیم کی کپتانی سرفراز احمد کے لیے بوجھ ہے، انہیں اس ذمہ داری سے الگ کر دینا چاہیے۔کمیٹی کے سربراہ کا بیان عین اس وقت سامنے آیا جب قومی ٹیم آسٹریلیا کو شکست دینے کے بعد نیوزی لینڈ کے خلاف سیریز کیلئے تیاری کر رہی تھی جس پر پی سی بی نے محسن خان کے بیان کو غیر ضروری اور نامناسب قرار دیا تھا۔