ملتان(سپیشل رپورٹر) گورنمنٹ کالج برائے خواتین کی طالبہ کو بس کے سرکاری ملازم ڈرائیوراور کنڈیکٹر نے تمام طالبات کو اتارکرگھر جانے کے لئے بس میں بیٹھی اکلوتی طالبہ (ب) کو اجتماعی زیادتی کا نشانہ بنا ڈالا۔ ظلم کا شکار طالبہ نے کالج جانا چھوڑدیا اورتعلیمی سلسلہ ختم کردیا۔ امعلوم خط پر ڈائریکٹر کالجز ملتان پروفیسر آفتاب خان خاکوانی نے انکوائری کا آغاز کیا۔ طالبہ کے گھر جا کر اسکے والدین سے ملکر معلومات لیں اور متاثرہ طالبہ سے بھی بات کرکے اسے تسلی دی کہ ملزمان کے خلاف سخت کارروائی ہوگی۔ دوران تحقیقات دونوں ملزمان جن میں ڈرائیور شہزاد احمد ولد وزیراحمد اور کنڈیکٹر مظہر نے اپنے جرم کااعتراف کرلیا مگر اس دوران ملتان کے علاقے قاسم پور کالونی کے چند اوباش نوجوان متاثرہ لڑکی کے والد کے گھر پہنچ گئے اور انہیں سنگین نتائج کی دھمکیاںدیں جس پر لڑکی کے والد نے کارروائی کے بجائے چپ سادھ لی،دوران تفتیش ملزمان نے اپنے جرم کا اقرار کرلیا تو کالج پرنسپل ان دونوں کو بچانے کے لئے سرگرم ہوگئی کیونکہ دونوں ملازم تو سرکاری تھے مگر پرنسپل نے ایک پرائیویٹ بس بھی لیکر سکول کے لئے چلا رکھی تھی جس کے فیول اور دیگر اخراجات میں گھپلے تھے جن کے ثبوت ڈرائیور شہزاد کے پاس تھے۔ ڈائریکٹر کالج ابھی انکوائری مکمل بھی نہ کرپائے تھے کہ سرکاری ڈرائیور شہزاد نے ایک وکیل کی معاونت اور سنیٹررانا محمودالحسن کی مداخلت سے تھانہ سیتل ماڑی میں ڈائریکٹرکالج آفتاب خاکوانی کے خلاف اغوا کا فرضی اور بے بنیاد مقدمہ درج کروا دیا۔ آئی جی پنجاب نے نوٹس لیا تو پولیس نے مقدمہ خارج کرنے کی کارروائی شروع کروا دی۔
طالبہ زیادتی

اسلام آباد (مانیٹرنگ ڈیسک) وزیراعظم عمران خان کے معاونِ خصوصی افتخار درانی نے کہا ہے کہ 24 دنوں میں ایپ کے ذریعے ایک لاکھ سے زائد عوامی شکایات موصول ہوئیں جن میں سے 84 ہزار سے ائد درخواستوں پر کام جاری ہے جبکہ 16 ہزار سے زائد کو حل کردیا گیا۔ اسلام آباد میں میڈیا کو بریفنگ دیتے ہوئے افتخار درانی کا کہنا تھاکہ 24 دنوں کے دوران شکایتی ایپ کے ذریعے عوام نے 1 لاکھ 10 ہزار سے زائد شکایات وزیراعظم ا?فس کو ارسال کیں جن میں سے 16ہزار 770 کو حل کردیا گیا جبکہ 84ہزار پر کام جاری ہے۔ ا±ن کا کہنا تھا کہ عوام نے چوبیس دنوں کے دوران وزیراعظم آفس ایپ کو 4 لاکھ 54 ہزار بار ڈاو¿ن لوڈ کیا جس کے ذریعے وہ مسلسل اپنی شکایات درج کروا رہے ہیں، اب تک 54 فیصد مردوں جبکہ 6 فیصد خواتین نے ایپ ڈاو¿ن لوڈ کی۔ ا±ن کا کہنا تھا کہ ’عوام کی بڑی تعداد نے بلدیاتی مسائل کے حوالے سے شکایات درج کروائیں جن کو تقریباً حل کر دیا گیا جبکہ انرجی سیکٹر کی 6ہزار 303 شکایات موصول ہوئیں‘۔ وزیراعظم کے معاونِ خصوصی کا کہنا تھا کہ 12 ہزار سے زائد شکایات تعلیم کے حوالے سے موصول ہوئیں جبکہ امن و امان، محکمہ صحت اور محکمہ لینڈ کی چار ہزار سے زائد شکایتی درخواستیں موصول ہوئیں۔ ا±ن کا کہنا تھا کہ ’کرپشن سے متعلق ابھی تک ایک بھی شکایات موصول نہیں ہوئی۔

اسلام آباد (مانیٹرنگ ڈیسک‘ نیوز ایجنسیاں) وزیراعظم عمران خان نے کہا ہے کہ غربت کے خاتمے کیلئے چین تجربات سے استفادہ کریں گے۔ چین نے 70 کروڑ افراد کو غربت کی سطح سے اوپر اٹھایا۔ غربت کے خاتمے سے متعلق اعلیٰ سطحی اجلاس سے خطاب کرتے ہوئے وزیراعظم عمران خان نے کہا کہ حکومت غربت کے خاتمے کیلئے پالیسیاں بنا رہی ہے۔ غربت کے خاتمے کیلئے ملائیشیا اور چین کے تجربات سے استفادہ کریں گے۔ انہوں نے کہا کہ چین نے 70 کروڑ افراد کو خط ربت سے اٹھا کر مڈل کلاس میں تبدیل کیا ہے وزیراعظم کا کہنا تھا کہ غربت کی لکیر سے نیچے زندگی بسر کرنیوالوں کی حالت بدلیں گے۔ غربت کے خاتمے کیلئے قومی پالیسی کا جلد اعلان کرونگا۔ اس موقع پر وزیراعظم نے غربت کے خاتمے کیلئے قومی پالیسی کے جلد اعلان کروں گا۔ اس موقع پر وزیرعظم نے غربت کے خاتمے کیلئے قومی پالیسی کے جلد نفاذ پر زور دیا اور متعلقہ اداروں کو قومی پالیسی تیار کرنے کی ہدایت کی۔ وفاقی حکومت نے سستے اور فوری انصاف کےلئے قانونی اصلاحات کا فیصلہ کیا ہے اور اس ضمن میں وزیر اعظم عمران خان کو بل کے مسودے پر بریفنگ بھی دے دی گئی ہے ۔جمعرات کو وزیراعظم عمران خان کی زیر صدارت لیگل ریفارمز کے حوالے سے اجلاس ہوا جس میں وزیر قانون بیرسٹر فروغ نسیم نے وزیراعظم کو قانونی اصلاحات کے حوالے سے تفصیلی بریفنگ دی، وزیر قانون نے کہا کہ اصلاحات کا مقصد موجودہ قوانین میں ترامیم اور نئے قوانین کا نفاذ ہے، جلد انصاف کی فراہمی کے لیے ٹیکنالوجی سلوشنز کو متعارف کرایا جا رہا ہے۔ نادار اور کمزور طبقوں کو ریاست قانونی معاونت فراہم کرے گی، خواتین کی وراثت سمیت حقوق کے تحفظ کے لیے خصوصی قوانین متعارف کرا رہے ہیں، انھوں نے بتایا کہ9 سال سے التوا کا شکار میوچل لیگل اسسٹنٹس بل پارلیمنٹ میں متعارف کرایا جائے گا۔وزیر قانون فروغ نسیم نے وزیر اعظم عمران خان کو بریفنگ دیتے ہوئے بتایا کہ ان ریفارمز کا مقصد انصاف میں آسانی کے لیے قوانین میں ترامیم اور نئے قوانین کا نفاذ ہے۔انہوں نے مزید بتایا کہ کم خرچ میں جلد انصاف کی فراہمی کے لیے ٹیکنالوجی کا حل متعارف کرایا جا رہا ہے، مقصد انصاف کی فراہمی میں عدالتوں کی معاونت کرنا ہے۔وزیر اعظم کو بریفنگ میں وزیر قانون نے مزید بتایا کہ کمزور طبقوں کو انصاف فراہمی کے لیے قوانین متعارف کرائے جا رہے ہیں ۔فروغ نسیم نے وزیراعظم عمران خان کو بریفنگ دیتے ہوئے یہ بھی بتایا کہ وراثت میں حق اور خواتین کے دیگر حقوق کا تحفظ یقینی بنانے کے قوانین متعارف کرائے جا رہے ہیں۔اس موقع پر وزیراعظم عمران خان کا کہنا تھا کہ شہریوں کے حقوق کا تحفظ اور سہل انصاف کی فراہمی ریاست کی ذمہ داری ہے، انصاف کی فراہمی کا عمل وسائل پر نہیں، ریاست کے احساس ذمہ داری اور رحم سے وابستہ ہے۔وزیراعظم نے کہا کہ آسان، سہل اور جلد انصاف کی فراہمی کو یقینی بنانا تحریک انصاف کے منشور کا بنیادی جزو ہے، کمزور طبقوں کو انصاف کی فراہمی کو یقینی بنانے کے لیے ہر ممکنہ کوشش کریں گے جب کہ خواتین، بچوں اور گھریلو ملازمین کے حقوق کے لیے اقدامات پر خصوصی توجہ دی جائے۔ وزیراعظم نے کرپٹ افسران اور ملازمین کی کڑی نگرانی یقینی بنانے اور کرپشن کی نشاندہی کرنے والے سرکاری ملازمین کو قانونی تحفظ فراہم کرنے کے لئے وسل بلوئر پروٹیکشن اینڈ ویجیلنس کمیشن تشکیل دینے کی منظوری دے دی۔ نئے کمیشن کے ذریعے کرپٹ افسران کی نشاندہی کرنے والے سرکاری ملازم کو نہ صرف تحفظ فراہم کیا جائے گا بلکہ انکو انعام سے بھی نوازا جائے گا۔جمعرات کو وزیراعظم ہاوس میں قانونی اصلاحات سے متعلق ٹاسک فورس کے اجلاس میں وزیراعظم کو بریفنگ دی گئی۔ وزیر قانون ڈاکٹر فروغ نسیم نے وزیراعظم کو بتایا کہ قوانین میں بہتری لا کر سرکاری ملازمین کے سروس معاملات میں انصاف کے حصول کے عمل کو بھی آسان بنایا جا رہا ہے۔ لیگل ریفارمز کا مقصد تحریک انصاف کے منشور کے تحت انصاف کے حصول کا عمل آسان، کم خرچ اور تیز بنانا ہے۔ وزیراعظم کو بتایا گیا کہ آسان، کم خرچ اور جلد انصاف کی فراہمی کے لیے ٹیکنالوجی سلو شنز کو متعارف کرایا جا رہا ہے تاکہ انصاف کی فراہمی میں عدالتوں کی معاونت کی جا سکے۔ ناداروں اور کمزور طبقوں کو انصاف کی فراہمی کے لیے ریاست کی جانب سے قانونی معاونت کی فراہمی کے لیے قوانین متعارف کرائے جا رہے ہیں۔ وراثت میں حق کے حصول سمیت خواتین کے دیگر حقوق کے تحفظ کو یقینی بنانے کے لیے بھی خصوصی قوانین متعارف کرائے جا رہے ہیں۔ بیرون ممالک سے دوطرفہ قانونی معاونت کے معاہدوں کو جلد از جلد پایہ تکمیل تک پہنچانے کی غرض سے میوچل لیگل اسسٹنس بل متعارف کرایا جائے گا۔ یہ بل گذشتہ نو سال سے التوا کا شکار رہا ہے۔ اس موقع پر پارلیمانی سیکرٹری ملائیکہ علی بخاری نے وزیر اعظم کو خواتین کے حقوق کے تحفظ کے سلسلے میں اٹھائے جانے والے جامع اور مفصل قانونی اقدامات پر بریفنگ دی۔ وفاقی حکومت نے بینظیر انکم سپورٹ پروگرام کے تحت مستحق افراد کو ملنے والے وظیفے کی رقم بڑھانے کا فیصلہ کیا ہے۔بینظیر انکم سپورٹ پروگرام کے تحت وفاقی حکومت کی جانب سے سہ ساڑھے 4 ہزار روپے کے قریب سہہ ماہی وظیفہ دیا جاتا ہے۔ذرائع کے مطابق بینظیر انکم سپورٹ پروگرام کی چیئر پرسن ڈاکٹر ثانیہ نشتر نے بی آئی ایس پی کے حوالے سے وزیراعظم عمران خان کو بریفنگ دی۔اجلاس میں حکومت نے بینظیر انکم سپورٹ پروگرام کے تحت سہ ماہی وظیفہ 5 ہزار سے زیادہ کرنے کا فیصلہ کیا۔ذرائع کا بتانا ہے کہ وزیراعظم عمران خان غربت مٹاو¿ اسکیم میں اعزازیہ یا وظیفہ بڑھانے کا اعلان کریں گے۔حکومت کے اس فیصلے سے 55 لاکھ مستحق افراد مستفید ہوں گے۔ذرائع کا کہنا ہے کہ ملکی معاشی صورتحال بہتر ہونے کے بعد بینظیر انکم سپورٹ پروگرام کے تحت مستحق افراد کو ملنے والا وظیفہ بتدریج مزید بڑھایا جائے گا۔ وزیراعظم عمران خان نے ملک بھر میں اسلامی بینکنگ نظام متعارف کروانے کی ہدایت جاری کردی۔ وزیراعظم عمران خان کی زیر صدارت ملکی معیشت سےمتعلق اہم اجلاس ہوا جس میں وزیرخزانہ اسد عمر، گورنر اسٹیٹ بینک، سیکریٹری خزانہ اور وزیراعظم کے معاونِ خصوصی اشفاق حسین سمیت اقتصادی ماہرین نے شرکت کی۔اجلاس میں ملک کی اقتصادی صورت حال سے متعلق ایکشن پلان پر تبادلہ خیال کیا گیا۔گورنر اسٹیٹ بینک نے دورانِ اجلاس وزیراعظم کو بریفنگ دی کہ پاکستان بینکنگ سہولتوں سےسب سےکم استفادہ کرنے والاملک ہے کیونکہ صرف 16 فیصد آبادی بینکنگ سہولیات استعمال کررہی جن میں 11 فیصد خواتین بھی شامل ہیں۔ انہوں نے آگاہ کیا کہ عوام کی کثیر تعدادمذہبی رجحان کی وجہ سے بینکنگ نظام سے دور رہنے کو ترجیح دیتے ہیں۔ نیا پاکستان ہاو¿سنگ سکیم کا دائرہ کا گلگت بلتستان اور آزاد کشمیر بڑھانے کا فیصلہ وزیراعظم عمران خان نے پانچ سالہ اشتراکی اقتصادی پلان کی منظوری دیتے ہوئے کہا ہے کہ پلان سے چھوٹے اور درمیانے کاروبار، زراعت اور اسلامی بینکاری کو فروغ ملے گا۔ وزیراعظم عمران خان نے پانچ سالہ اشتراکی اقتصادی پلان کی منظوری دی۔ پلان میں نیشنل ویڑن، فریم ورک، ایکشن پلان اور ملک کی اشتراکی اقتصادی اہداف شامل ہیں۔

لاہور (خبر نگار) نیب نے آشیانہ سکینڈل میں سابق وزیراعلیٰ پنجاب شہبازشریف کیخلاف نیا ریفرنس تیارکرلیا جو 24 نومبر کو فائل کیے جانے کا امکان ہے۔ تفصیلات کے مطابق نیب نے شہباز شریف سمیت 4 افراد کیخلاف ریفرنس تیار
کرلیا جو 24نومبرکو فائل کیے جانے کاا مکان ہے، نیب لاہور کی ٹیم نے ریفرنس سے متعلق چئیرمین نیب کو بریفنگ دیدی۔ نیب ریفرنس کے متن میں کہا گیا ہے کہ شہباز شریف نے اختیارات کا غلط استعمال کر کے پرائیویٹ افراد کوفائدہ پہنچایا، شہبازشریف نے پی ایل ڈی سی بورڈآف ڈائریکٹر کی طاقت کا غلط استعمال کیا۔فواد حسن فواد سے ملی بھگت کرکے میرٹ پرآنیوالی کمپنی کا ٹھیکہ منسوخ کروایا، من پسند کمپنی کوغیرقانونی ٹھیکہ دے کر مالی فوائد حاصل کیے ہیں۔ذرائع کا کہنا ہے کہ شہبازشریف نے 21اکتوبر2014کوآشیانہ ہاوسنگ سکیم کاٹھیکہ پی ایل ڈی سی سے ایل ڈی اے کومنتقل کرنےکاحکم دیا۔ ان اقدامات سے پی ایل ڈی سی کےوجود کی نفی ہوتی نظر آئی اور حکومتی خزانے کوکروڑوں کانقصان ہوا۔شہباز شریف نے ایل ڈی اے کو ٹھیکہ منتقل کرنے کی غیرقانونی منظوری دلوائی۔ ٹھیکہ منتقل کرتے وقت احد چیمہ ڈی جی ایل ڈی اے تھے۔شہبازشریف نے ٹھیکہ منظور نظر میسرزبسم اللہ انجینئرنگ کودے دیا، میسرزبسم اللہ انجینئرنگ پیرا گون کی پراکسی کمپنی ہے۔

چلاس (مانیٹرنگ ڈیسک) پاکستان پیپلز پارٹی کے چیئرمین بلاول بھٹو زرداری کا کہنا ہے کہ اگر وزیر اعظم عمران خان نے پیٹرول کی قیمت اور مہنگائی پر یو ٹرن نہ لیا تو انہیں امپائر بھی نہیں بچاسکے گا۔ چلاس میں جلسے سے خطاب کے دوران بلاول بھٹو زرداری نے کہا کہ حکومت نے ملک کومہنگائی کی سونامی میں ڈبو دیا ہے، پاکستان میں عوام مسائل کا حل چاہتےہیں، عمران خان مہنگائی پر یو ٹرن لیں، پیٹرول پر یو ٹرن لیں، مہنگی بجلی پریوٹرن لیں، اگرایسا نہ ہوا تو امپائر بھی آپ کو نہیں بچا سکے گا۔ اس سے قبل گلگت میں پریس کانفرنس کے دوران چیئرمین پاکستان پیپلزپارٹی بلاول بھٹو زرداری کا کہنا تھا کہ ان کا گلگت بلتستان سے رشتہ 3 نسلوں سے قائم ہے۔ آج بھی یہاں پیپلز پارٹی کے جیالے موجود ہیں، پیپلز پارٹی نے یہاں کے عوام کی خدمت کی اور آئندہ بھی یہاں کے مسائل قومی سطح پر اجاگر کریں گے۔ بلاول بھٹو زرداری نے کہا کہ عمران خان کمزور اور عدم تحفظ کا شکار ہیں جب کہ خارجہ پالیسی کو غیر پیشہ ورانہ انداز سے چلانا انتہائی افسوسناک ہے۔ وزیراعظم بیرون ملک سیاسی مخالفین کے خلاف بیانات دیتے ہیں، عمران خان نے چوری کے ووٹوں اور غیر جمہوری طاقتوں سے مل کر حکومت بنائی جب کہ پیپلز پارٹی نے ضیاءالحق اور دیگر کا مقابلہ کیا اب اس کٹھ پتلی کا بھی مقابلہ کریں گے۔ بلاول بھٹو کا کہنا تھا کہ عمران خان سیاسی مخالفین کو دباو¿ میں لانا چاہتے ہیں تاکہ ان کی مخالفت نہ کی جاسکے، حکومت نے کرپشن کے خاتمے کیلئے کچھ نہیں کیا، جو کچھ ہورہا ہے وہ انتقامی سیاست ہے، اگر کرپشن کو ختم کرنا ہے تو بلا امتیاز احتساب کیا جائے۔ بلاول بھٹو زرداری نے کہا ہے کہ عمران خان سیاسی مخالفین کو انتقام کا نشانہ بناکر دبا ﺅ میں لانا چاہتے ہیں ، پی پی بہادر جماعت ہے ہم نے ضیا اور مشرف جیسے آمر کا مقابلہ کیا اب اس کٹھ پتلی کا بھی مقابلہ کریں گے،میں بھی دنیا کو بتا سکتا ہوں کہ انہیں کس طرح حکومت ملی، عمران خان نے چوری سے ووٹ لے کر حکومت بنائی ہے،عمران خان بہت غیر محفوظ لیڈر ہیں اور ان کی حکومت بہت کمزور ہے،نصاف کے ادارے تبدیل کرنے پڑیں گے، ہم اس جدوجہد کو لیڈ کرنے کے لیے تیار ہیں۔ بلاول بھٹو زرداری نے کہا کہ ملک کی معاشی صورتحال دن بدن خراب ہورہی ہے، مہنگائی بڑھ رہی ہے اور قیمتوں میں اضافہ ہورہا ہے، وفاقی حکومت غریب دشمن پالیسی بند کرے۔انہوں نے کہا کہ حکومت تجاوزات کے نام پر دکانیں توڑ رہی ہے، یہ غریب دشمن حکومت ہے، مشکل فیصلے کرنے سے پہلے غریب عوام کو بچانے کا سوچنا چاہیے۔پیپلزپارٹی کے چیئرمین نے وزیراعظم کو تنقید کا نشانہ بناتے ہوئے کہا کہ عمران خان کا غیر پیشہ ورانہ انداز سے خارجہ پالیسی چلانا افسوسناک ہے، عمران خان بیرون ملک سیاسی مخالفین کے خلاف باتیں کرتے ہیں، وزیراعظم بیرون ملک وفاق کی نمائندگی کریں۔ انہوں نے کہا کہ وزیراعظم ملک کی حمایت کیلئے جاتے ہیں لیکن ملکی سیاست پر بات کرتے ہیں، میں بھی دنیا کو بتا سکتا ہوں کہ انہیں کس طرح حکومت ملی، عمران خان نے چوری سے ووٹ لے کر حکومت بنائی ہے۔بلاول بھٹو زرداری نے مزید کہا کہ کرپشن کے خاتمے کے لیے ایک بھی اقدام نہیں اٹھایا گیا، یہ سلسلہ انتقامی سیاست کا ہے، عمران خان بہت غیر محفوظ لیڈر ہیں اور ان کی حکومت بہت کمزور ہے، وہ اپنے سیاسی مخالفین کو انتقام کا نشانہ بناکر دبا میں لانا چاہتے ہیں تاکہ ہم مخالفت نہ کریں لیکن پی پی بہادر جماعت ہے، ہم نے ضیا اور مشرف جیسے آمر کا مقابلہ کیا، اس کٹھ پتلی کا بھی مقابلہ کریں گے۔ چیئرمین پی پی کا کہنا تھا کہ اگر ہم نے سنجیدہ ہوکر کرپشن کو ختم کرنا ہے تو پھر ہمیں سب کا احتساب کرنا پڑے گا، ملک میں سب کے لیے ایک قانون لانا پڑے گا، جو بھی کرپشن کے خاتمے کے طریقہ کار ہوں گے وہ غیر سیاسی ہوں گے۔انہوں نے کہا کہ ملک کی بدقسمتی ہے جب بھی ہمیں بھٹو جیسے لیڈر ملے جو ملک کے مفاد میں سوچ سکتے ہیں اور محروم طبقات کے لیے کام کرتے ہیں تو غیر جمہوری قوتوں نے انہیں منظر سے ہٹادیا۔بلاول بھٹو زرداری نے کہا کہ پیپلزپارٹی جمہوری حقوق کی جدوجہد کے لیے تیار ہے، ہمارا میڈیا کی آزادی اور انسانی حقوق کے لیے کھڑا ہونا پڑے گا، انصاف کے ادارے تبدیل کرنے پڑیں گے، ہم اس جدوجہد کو لیڈ کرنے کے لیے تیار ہیں۔

کراچی (ویب ڈیسک )کلفٹن میں پولیس اور سیکیورٹی اہلکاروں نے چینی قونصل خانے پر حملے کو ناکام بناتے ہوئے 3 دہشتگردوں کو ہلاک کردیا ہے۔ کراچی کے علاقے کلفٹن بلاک 4 میں گاڑی میں سواردہشتگردوں نے چینی قونصل خانے میں گھسنے کی کوشش کی، جسے وہاں تعینات سیکیورٹی اہلکاروں نے ناکام بنادیا۔ قونصل خانے میں گھسنے کی کوشش ناکام ہوتا دیکھ کردہشترگدوں نے فائرنگ شروع کردی۔ جس کے بعد سیکیورٹی اہلکاروں اور دہشتگردوں کے درمیان فائرنگ کے تبادلے میں 3 دہشتگرد ہلاک جب کہ 2 پولیس اہلکاروں نے جام شہادت نوش کیا۔اس بلاگ کوبھی پڑھیں: بدلتے ”ورلڈ آرڈر“ میں پاکستان کا مقامدہشتگردوں میں ایک خودکش حملہ آور تھاڈی آئی جی کراچی جنوبی جاوید عالم اوڈھوکے مطابق حملہ کرنے والے دہشتگردوں کی تعداد 3 تھی، جن کے پاس دستی بم اور دیگر ہتھیار بھی تھے۔ ہلاک ہونے والے دہشتگردوں میں ایک نے خودکش جیکٹ پہنی ہوئی تھی۔
دھماکا خیزمواد سے بھری گاڑی برآمد
کراچی پولیس چیف امیرشیخ نے میڈیا کوبتایا کہ تین دہشت گردوں نے قونصل خانے میں داخل ہونے کی کوشش کی جنہیں ہلاک کردیا گیا ہے، حملہ آوروں نے ہمارے 2 پولیس اہلکاروں کوشہید کیا، جائے وقوعہ سے ایک مشکوک گاڑی بھی ملی ہے جس میں بارودی مواد موجود ہے، بم ڈسپوزل اسکواڈ نے دھماکا خیز مواد قبضے میں لے لیا ہے۔
چینی عملہ محفوظ ہے، آئی ایس پی آر
واقعے سے متعلق ڈی جی آئی ایس پی آرنے کہا ہے کہ دہشت گردوں کی چینی قونصل خانے میں داخلے کی کوشش ناکام بنادی گئی ہے، تینوں دہشت گرد مارے گئے ہیں، قونصل خانے کا چینی عملہ مکمل طورپرمحفوظ اورصورتحال قابومیں ہے۔
وزیراعلیٰ کا چینی قونصل جنرل کوفون
دوسری جانب وزیراعلیٰ سندھ مراد علی شاہ نے واقعے کا نوٹس لیتے ہوئے فوری طورپراے آئی جی کراچی سے رپورٹ طلب کرلی۔ ترجمان وزیراعلی ہاو¿س کے مطابق وزیراعلی نے چینی قونصل جنرل سے بات چیت کی اوران سے خیریت دریافت کی، چینی قونصل جنرل قونصل خانے میں خریت سے ہیں۔

لاہور (مانیٹرنگ ڈیسک) سابق بھارتی کرکٹر اور اپوزیشن جماعت کانگریس کے رہنما نوجوت سنگھ سدھو نے کرتارپور راہداری کھولنے کے فیصلے کو تہہ دل ے سراہتے ہوئے پاکستانی وزیراعظم عمران خان کا شکریہ ادا کیا ہے۔ سماجی رابطوں کی ویب سائٹ ٹویٹر پر جاری اپنے خصوصی پیغام میں نوجوت سنگھ سدھو نے عمران خان کا شکریہ ادا کرتے ہوئے لکھا کہ ہم آپ کے مثبت اقدام کو خوش آمدید کہتے ہیں، یہی ہمارے لیے سب کچھ ہے، آپ واقعی ایک گوہر ہو۔نوجوت سنگھ سدھو نے لکھا کہ عمران خان کی جانب سے کرتارپور راہداری کھولنے کا فیصلہ انسانیت کیلئے بہت بڑا اقدام ہے، اس فیصلے پر میں آپ کو سلام پیش کرتا ہوں۔ خیال رہے کہ کرتارپور سکھ برادری کے لیے مقدس ترین مقامات میں سے ایک ہے لیکن گزشتہ 71 سے دنیا میں بسنے والے تقریباً تین کروڑ سکھ اس کی زیارت سے محروم ہیں۔کرتارپور سکھ مذہب کے بانی گرو نانک کی جائے وفات ہے۔ گرونانک نے کرتارپور میں اپنی زندگی کے 18 برس گزارے جو کسی بھی جگہ ان کے قیام کا سب سے لمبا عرصہ ہے۔یاد رہے کہ نوجوت سنگھ سدھو نے وزیراعظم عمران خان کی تقریب حلف برداری میں شرکت کی تھی، اس موقع پر آرمی چیف جنرل قمر جاوید باجوہ نے انھیں سکھوں کے مذہبی مقام کرتارپور صاحب کا راستہ کھولنے کی خوشخبری سنائی تھی۔

اسلام آباد، نئی دہلی (اے این این‘آئی این پی) بھارت نے کرتارپور بارڈر کھولنے پرپاکستان کی تجویز کی توثیق کردی جبکہ پاکستان کی جانب سے مثبت اقدام کا خیر مقدم کیا گیا ہے ۔ تفصیلات کے مطابق وفاقی وزیراطلاعات فوادچوہدری نے سماجی رابطے کی ٹوئٹ میں کہا کہ کرتارپور بارڈر کھلنا دونوں ممالک کی امن پسند لابی کی فتح ہے، بھارتی کابینہ نے کرتارپوربارڈر پرپاکستان کی تجویز کی توثیق کردی، یہ درست سمت میں قدم ہے، توقع ہے ایسے اقدامات سے سرحد کی دونوں جانب متوازن آوازوں کی حوصلہ افزائی ہوگی۔اس سے قبل بھارت کے دفترخارجہ نے نئی دہلی میں پاکستانی ہائی کمیشن کو خط لکھ کر کرتارپور کوریڈور کھولنے پر شکریہ ادا کیا، سفارتی ذرائع کے مطابق بھارت کا کہنا تھا کرتارپورسے متعلق پاکستان کا موقف خوش آئند ہے۔دوسری جانب بھارت کی کابینہ نے کرتارپور بارڈر تک کوریڈورکی تعمیر کی منظوری دے دی ہے ، بھارتی میڈیا کے مطابق کوریڈور گورداسپور میں ڈیرہ بابا نانک سے بین الاقوامی بارڈرتک بنائی جائے گی۔ دوسری جانب وزیر خارجہ شاہ محمود قریشی نے بھی اس پیشرفت کی تصدیق کرتے ہوئے سماجی رابطے کی ویب سائٹ ٹوئٹر پر اپنے بیان میں شاہ محمود قریشی نے سکھ یاتریوں کو پاکستان آمد پر خوش آمدید کہا۔انہوں نے کہا کہ پاکستان بھارت کو کرتارپور کوریڈور کھولنے کے فیصلے سے پہلے ہی آگاہ کرچکا ہے، وزیراعظم عمران خان 28 نومبر کو کرتارپور کوریڈور کا سنگ بنیاد رکھیں گے۔ اس سے پہلے سردار رمیش سنگھ نے بابا گرونانک کے 550 ویں جنم دن کے موقع پر کرتارپور بارڈر کھولنے کے فیصلے پر حکومت پاکستان اور آرمی چیف جنرل قمر جاوید باجوہ کا شکریہ بھی ادا کیا تھا۔واضح رہے رواں سال اگست میں بھارت کے سابق کرکٹر نوجوت سنگھ سدھو نے عمران خان کی حلف برداری میں شرکت کی اور آرمی چیف جنرل جاوید باجوہ مختصر ملاقات کی تھی، ملاقات میں آرمی چیف نے نوجوت سنگھ سدھو سے گرمجوشی سے مصافحہ کیا، خیریت دریافت کی اور انہیں کرتارپور کوریڈور کھولنے کی خوشخبری سنائی تھی۔خیال رہے دربار کرتارپور ضلع نارووال میں ہے جبکہ اس کے دوسری جانب سرحد پار بھارتی تحصیل بٹالہ میں ڈیرہ بابا گرونانک ہے، پاکستان نہ پہنچنے والے سکھ یاتری دوربین سے دربار کرتا سنگھ کا نظارہ کرتے ہیں۔ اسلام آباد (آئی این پی) وزیرخارجہ شاہ محمود قریشی نے کہا ہے کہ باباگرونانک کی 550ویں سالگرہ پر کرتارپورہ راہداری کھولنے کا فیصلہ کیا، پاکستان بھارت کو کرتارپورہ راہداری کھولنے سے متعلق پہلے ہی آگاہ کر چکا ہے۔ جمعرات کو سماجی رابطوں کی ویب سائیٹ ٹوئیٹر پر اپنے پیغام میں وزیرخارجہ شاہ محمود قریشی نے کہا کہ پاکستان بھارت کو کرتارپورہ راہداری کھولنے سے متعلق پہلے ہی آگاہ کر چکا ہے، بابا گرونانک کی 550ویں سالگرہ پر کرتارپورہ راہداری کھولنے کا فیصلہ کیا، وزیراعظم عمران خان 28نومبر کو کرتارپورہ راہداری کھولنے کا سنگ بنیاد رکھیں گے، پاکستان اس موقع پر سکھ برادری کو شرکت کےلئے خوش آمدید کہتا ہے۔ وفاقی وزیر اطلاعات فواد چوہدری نے کہا ہے کہ بھارتی کابینہ نے کرتارپورہ سرحد کھولنے کی منظوری دے دی، کرتارپورہ سرحد کھولنا درست سمت کی جانب اہم قدم ہے،بھارت کو کرتارپورہ سرحد کھولنے کی تجویز پاکستان نے دی تھی۔ جمعرات کو سماجی رابطوں کی ویب سائٹ پر فواد چوہدری نے اپنے ٹوئیٹر پیغام میں کہا کہ بھارتی کابینہ نے کرتارپورہ سرحد کھولنے کی منظوری دے دی، بھارت کو کرتارپورہ سرحد کھولنے کی تجویز پاکستان نے دی تھی، بھارتی کابینہ کی توثیق دونوں ممالک کے امن پسندوں کی فتح ہے، کرتارپورہ سرحد کھولنا درست سمت کی جانب اہم قدم ہے، ایسے اقدامات سے دونوں اطراف کے امن پسندوں کی حوصلہ افزائی ہو گی۔ کابینہ کی میٹنگ کے بعد وزیر داخلہ راج ناتھ سنگھ نے میڈیا نمائندوں سے بات کرتے ہوئے کہا کہ راہداری منصوبہ 3 سے 4 کلو میٹر پر مشتمل ہے جس سے سکھ یاتری سال بھر باآسانی ننکانہ صاحب جاسکیں گے۔یاد رہے کہ ضلع نارووال میں واقع کرتار پور بھارتی سرحد سے متصل علاقہ ہے جہاں سکھ مذہب کے بانی بابا گرو نانک دیو جی نے اپنی زندگی کے آخری ایام گزارے اور یہیں گردوارے میں ان کی قبر بھی ہے۔سکھ یاتریوں کو کرتارپور تک پہنچنے کے لیے پہلے لاہور اور پھر تقریبا 130 کلو میٹر کا سفر طے کر کے نارووال پہنچنا پڑتا تھا جب کہ بھارتی حدود سے کرتارپور 3 سے 4 کلو میٹر دوری پر ہے۔تحریک انصاف کی حکومت نے کہا تھا کہ سکھ یاتریوں کے لیے سرحد کھولنے کے حوالے سے ایک نظام وضع کیا گیا ہے تاہم اس کا انحصار بھارت کے ردِعمل پر ہے۔پاکستان اور بھارت کی حدود میں راہداری کی تعمیر کے بعد سکھ یاتری براہ راست کرتارپور پہنچ سکیں گے۔کرتارپور کا سرحدی راستہ کھولنے سے متعلق بھارت میں اس وقت تنازع کھڑا ہوا جب بھارتی سابق کرکٹر، کامیڈین اور سیاستدان نوجوت سنگھ سدھو نے وزیراعظم عمران خان کی حلف برداری کی تقریب کے بعد واپس بھارت جا کر بیان دیا۔سدھو کا کہنا تھا کہ پاکستان فوج کے سربراہ نے انہیں گلے لگا کہ کہا کہ وہ امن چاہتے ہیں اور آئندہ برس بابا گرونانک کے جنم دن پر کرتارپور کی سرحد کھول دیں گے، جس پر بھارت میں ہندو انتہا پسندوں کی جانب سے سدھو کے خلاف شدید مظاہرے کیے گئے۔