اسلام آباد (ویب ڈیسک) مسلم لیگ (ن) کے رہنما کیپٹن (ر) صفدر کا کہنا ہے کہ اگر آج نواز شریف جھک گیا تو تا قیامت پاکستان آزاد نہیں ہوگا جب کہ نواز شریف کی خاطر تختہ دار پر لٹک جاو¿ں گا۔
اسلام آباد میں میڈیا سے بات کرتے ہوئے مسلم لیگ (ن) کے تاحیات قائد نوازشریف کے داماد اور مریم نواز کے شوہر کیپٹن (ر) صفدر کا کہنا تھا کہ نواز شریف کو پتہ ہی نہیں ان کا کیس کیا ہے، پاناما سازش میں بلایا اور 6 ہیروں کے سامنے پیش کیا، مری روڈ کے ایک کونے پر راجہ ٹرنک اسٹور والوں کا بیٹا واجد ضیائ جے آئی ٹی کا سربراہ بنا تاہم نواز شریف کی کشتی نہ پہلے بھنور میں تھی اور نہ اب ہے،ڈوبیں گے وہ جو کنارے پر کھڑے ہیں۔ انہوں نے کہا کہ ہم کربلا میں کھڑے ہیں آزمانے والوں آزما لو، اگر آج نواز شریف جھک گیا تو تا قیامت پاکستان آزاد نہیں ہوگا جب کہ نواز شریف کی خاطر تختہ دار پر لٹک جاو¿ں گا۔

اسلام آباد (آن لائن) بنی گالہ تعمیر ات کیس کی سماعت کے دوران چیف جسٹس نے ریمارکس دیئے کہ کیوں نہ رانا ثنااللہ کوبلالیں، پنجاب میں اصل وزیر راناثنااللہ ہے،مرکزاورصوبے میں حکومت انہی کی ہے، عدالت نے حکام کو ہدایت کی ہے کہ آئندہ سماعت تک تمام مسائل کاحل لے کرآئیں جن کوبلاناہے ان کے نام دے دیں مسائل کاحل نکالیں بصورت دیگرقانون اپناراستہ خود بنائے لے گا، بنیادی حقوق یامفادعامہ کے مقدمات میں التوانہیں دیں گے۔منگل کے روز بنی گالہ تعمیرات تجاوزات کیس کی سماعت چیف جسٹس میاں ثاقب نثار کی سربراہی میں تین رکنی بینچ نے کی سماعت کے دوران ایڈیشنل اٹارنی جنرل نے عدالت سے کہا کہ ڈاکٹر طارق فضل چوہدری سے رابطہ نہیں ہو سکا طارق فضل چوہدری بیرون ملک ہیں مزید وقت دے دیں جس پر چیف جسٹس نے کہا وقت ہی تو نہیں ہے ہم تو آج اس کیس کو نمٹانا چاہتے تھے آج تمام فریق بیٹھ جائیں اور مسائل کا حل نکالیں آج فریقین کو سن کر فیصلہ کر لیتے ہیں چیف جسٹس نے کہا کہ تین مسلے ہیں ایک ایشو بوٹینیکل گارڈن میں تجاوزات کا ہے دوسرا ایشو غیر قانونی تعمیرات کا ہے، جو تعمیرات ہو چکی ہیں، انکو ریگولر کریں یا جرمانہ کریں تیسرا ایشو راول ڈیم میں گندے پانی کا ہے اس کیس کو مزید لمبا نہیں کر سکتے چیئرمین سی ڈی اے نے عدالت کو بتایا کہ غیر قانونی تعمیرات کو ریگولر کرنے کے لیے وفاقی حکومت کو خط لکھیں گے، ریگولر کرنے سے قبل سیٹلائٹ سروے کرانا پڑے گا جس پر چیف جسٹس نے کہا کہ خط لکھنے سے بہتر ہے فائل لے کر خود وزارت چلے جائیں ہر چیز کا حل موجود ہے لیکن کام کرنے کا عزم ہونا چاہیے دوران سماعت سرکاری وکیل نے حد بندی کے معاملے پر چیف سیکرٹری پنجاب کو بلانے کا کہا تو چیف جسٹس نے کہا کہ کیوں نہ رانا ثنااللہ کوبلالیں، پنجاب میں اصل وزیر راناثنااللہ ہے مرکزاورصوبے میں حکومت انہی کی ہے آئندہ سماعت تک تمام مسائل کاحل لے کرآئیں جن کوبلاناہے ان کے نام دے دیں مسائل کاحل نکالیں بصورت دیگرقانون اپناراستہ خود بنائے گابنیادی حقوق یامفادعامہ کے مقدمات میں التوانہیں دیں گے عدالت نے راول ڈیم پرسرکاری اراضی لیز پرلینے والوں کونوٹس جاری کردئیے چیف جسٹس نے کہا کہ اصل ایشو راول ڈیم کو گندگی سے بچاناہے مہربانی کرکے جھیل میں گنداپانی روکنے کاپلان دیاجائے جس پر چئیرمین سی ڈی اے نے صفائی پیش کرتے ہوئے کہا کہ راول ڈیم کوآلودہ پانی سے بچانے کے لیے مقامی مکین گھروں میں سیپٹک ٹینک بنائیں گے جس پر جسٹس عمر عطابندیال نے کہا سیپٹک ٹینک بنانا عارضی حل ہے بعد ازاں عدالت نے ایڈیشنل اٹارنی جنرل کی درخواست پر کیس کی سماعت منگل تک ملتوی کردی۔

قصور(بیورورپورٹ)قصورکے نواحی گاﺅں کوٹ عمر میں 15سالہ محنت کش لڑکے کو مالکان نے پھانسی دیکر ہلاک کر دیا اور اس کی موت کو خودکشی ثابت کرنے کے لیے مقتول حیدر علی کی نعش حویلی کی چھت کے ساتھ لٹکا دی بتایا گیا ہے کہ محمد بوٹا کا پندرہ سالہ بیٹا حیدر علی کوٹ عمرے محمد یوسف کے پاس ملازم تھا اور محمد یوسف کے مویشیوںکو چارہ وغیرہ ڈالنے کے علاوہ دیگر چھوٹے موٹے کام کرتا تھا جبکہ انتہائی غریب خاندان سے تعلق رکھنے والے حیدر علی نے بااثر زمیندار محمد یوسف سے پندرہ ہزار روپیہ ایڈوانس لے رکھا تھا تاہم چند روز قبل محمد یوسف کے تشدد اور رویے سے مسلسل تنگ حیدر علی کام چھوڑ کر واپس اپنے گاﺅں چلا گیا تو کچھ دن بعد ہی محمد یوسف دیگر ساتھیوں کے ہمراہ محمد یوسف کو اپنی گاڑی میں ڈال کر واپس اپنے مویشی فارم پر لے آیا جہاں پر گزشتہ روز ملزما ن نے حیدر علی کو پھر تشددکانشانہ بنایا جس سے حیدر علی کی موت واقعہ ہوگئی تو ملزمان نے اسے خودکشی کا رنگ دینے کے لیے نعش کے گلے میں پھندہ ڈال کر اسے حویلی کے ایک کمرے کی چھت کے ساتھ لٹکا دیا پولیس ترجمان سے جب اس سلسلہ میں رابطہ کیا گیا تو اس نے کہا کہ ابھی مدعی فریق کی طرف سے مقدمہ کے اندراج کے لیے درخواست نہیں دی گئی جیسے ہی درخواست آئے گی اس کے مطابق مقدمہ درج کرلیا جائے گا۔

اسلام آباد (مانیٹرنگ ڈیسک) ن لیگ حکومت نے عام انتخابات کی تیاریاں شروع کردیں۔ نئے مالی سال کے بجٹ میں سرکاری ملازمین کو زیادہ ریلیف دینے کا
فیصلہ کیاگیاہے۔ تنخواہ اور پینشن میں 20 فیصد تک اضافے کی تجویزدی گئی ہے۔ سرکاری ملازمین نے 50 فیصد اضافے کا مطالبہ کردیا۔ مسلم لیگ نون کی حکومت اپنا چھٹا اور آخری بجٹ آئندہ ماہ پارلیمنٹ میں پیش کرے گی۔ حکومت نے عام انتخابات کے پیش نظر وفاقی سرکاری ملازمین اور ریٹائرڈ ملازمین کو تنخواہ اور پینشن میں زیادہ ریلیف دینے کا فیصلہ کیا ہے۔ حکام وزارت خزانہ کے مطابق نئے بجٹ میں سرکاری ملازمین کو تنخواہ اور پینشن میں 20 فیصد تک اضافہ دیا جا سکتا ہے۔ حتمی فیصلہ وزیراعظم شاہد خاقان عباسی کریں گے۔موجودہ حکومت نے گزشتہ پانچ سال تنخواہوں میں صرف دس دس فیصد اضافہ کیا گیا۔ نئے بجٹ میں سالانہ 6 سے 8 لاکھ روپے آمدنی والوں کو ٹیکس استثنی دینے کی تجویز بھی زیرغور ہے۔ اس وقت سالانہ چار لاکھ روپے تک آمدن والے ٹیکس سے مستثنی ہیں۔دوسری جانب سرکاری ملازمین نے تنخواہوں میں 50 فیصد تک اضافے کا مطالبہ کیا ہے۔ اں کا یہ بھی کہنا ہے کہ میڈیکل اورہاس رینٹ الانس بھی بڑھایا جائے

لاہور (کر ائم رپورٹر) مال روڈ پر لیڈی ہیلتھ ورکرز کا دھرنا دوسرے روز میں داخل، دوران احتجاج جہلم سے احتجاج میں شرکت کیلئے آئی 45سالہ لیڈی ہیلتھ ورکر بیہوش ہونے کے بعد جاں بحق، لاش ضروری کارروائی کے بعد ورثاءکے حوالے کر دی گئی، اہم ترین شاہراہ دھرنے کے باعث بند ہونے سے تعلیمی، کاروباری اور امدادی معاملات بری طرح متاثر۔ بتایا گیا ہے کہ چیئرنگ کراس مال روڈ پر جاری لیڈی ہیلتھ ورکرز کا اپنے مطالبات کے حق میں جاری احتجاج دوسرے روز میں داخل ہوگیا ہے جبکہ دوران احتجاج جہلم کی رہائشی45سالہ فرزانہ گرمی اور حبس سے بے ہوش ہوگئی جسے فوری طبی امداد کیلئے مقامی ہسپتال منتقل کیا گیا جہاں وہ جانبر نہ ہوسکی تاہم متوفیہ کی لاش ضروری کارروائی کے بعد ورثاءکے سپرد کر دی گئی جسے لے کر وہ آبائی علاقے کو روانہ ہوگئے۔ افسوسناک واقعہ کے بعد بھی لیڈی ہیلتھ ورکرز کا جوش و جذبہ کم اور حوصلے پست نہ ہوسکے اور ساتھی کارکن کی موت کے بعد بھی انھوں نے دھرنا جاری رکھا۔ دھر نے کے دوران لاہور ہائیکورٹ کے ایک وکیل نے دھرنے پر بیٹھی لیڈی ہیلتھ ورکرز پر موٹر سائیکل چڑھا دی جس کے نتیجے میں ایک خاتون شدید زخمی ہوگئی جسے طبی امداد کیلئے مقامی ہسپتال منتقل کر دیا گیا۔ دوسری جانب شہر کی اہم ترین شاہراہ اور چوراہا بندہونے کے باعث شہر میں بدترین ٹریفک جام رہا اور طلبائ، ریسکیو 1122کی ایمبولینسز اور آگ بجھانے والی گاڑیاں اور پولیس سمیت ہر کوئی ٹریفک جام میں پھنسا رہا۔ مال روڈ پر ٹریفک بلاک ہونے کی وجہ سے کینال روڈ اور فیروز پور روڈ پر ٹریفک کا دباﺅ بھر گیا جس کی وجہ سے گاڑیوں کی لمبی قطاریں لگ گئیں۔ تعلیمی اداروں میں چھٹی کے اوقات کے باعث ٹریفک کی صورتحال مزید ابتر ہو گئی جس سے مسافروں کو منزلوں پر پہنچے کے لئے گھنٹوں انتظار کرنا پڑا ٹریفک پولیس ٹریفک سسٹم کنٹرول کرنے میں بری طرح ناکام نظر آئی۔ راستے بند ہونے سے بہت سے شہری سیخ پا نظر آئے اور احتجاجی خواتین سے بحث و تکرار کا سلسلہ بھی جاری رہا۔ اس موقع پرہیلتھ ورکرز کا کہنا تھا کہ سروس سٹرکچر، واجبات کی ادائیگی سمیت دیگر مطالبات پر حکومت عرصہ دراز سے ٹال مٹول سے کام لے رہی ہے۔ لیڈی ہیلتھ ورکرز نے مطالبات پورے نہ ہونے پر وزرا کا اسمبلی میں داخلہ بند کرنے کی بھی دھمکی دےدی۔