لاہور(ویب ڈیسک )سپریم کورٹ لاہور رجسٹری میں ریڈ کریسنٹ میڈیکل کالج سے متعلق کیس کی سماعت کے دوران ایف آئی اے نے رپورٹ عدالت میں جمع کرادی،جس میں ریڈ کریسنٹ میڈیکل کالج کوغیرمعیاری قراردیاگیا ہے۔دوران سماعت میڈیکل کالج انتظامیہ نے کہا کہ 6 ماہ میں کالج اصل حالت بحال کردیں گے۔اس پر چیف جسٹس آف پاکستان نے ریمارکس دیتے ہوئے کہا کہ 6ماہ تک میں خودبھی ہوں یانہیں؟،انہوں نے کہا کہ ہم نے ملک میں عطائی نہیں ڈاکٹربنانے ہیں،سپریم کورٹ نے 3 ماہ میں میڈیکل کالج کی حالت زاربہتربنانے کاحکم دے دیااور انتظامیہ سے 3 ماہ میں رپورٹ طلب کر لی۔چیف جسٹس ثاقب نثار نے ریمارکس دیتے ہوئے کہا کہ ہیلی کاپٹرکااستعمال صرف وزیراعلیٰ نہیں کرسکتے،سرگودھامیں کالج کی انسپکشن کیلئے ہیلی کاپٹرکابندوبست کریں۔چیف جسٹس پاکستان نے کہا کہ آج تووہ بھی نہیں جوہیلی کاپٹرپرسیرکرتے تھے۔

لاہور(ویب ڈیسک) پاکستان میں سیاسی ہلچل جاری ہے اور کوئی سیاستدان عدالتوں کے چکر کاٹ رہا ہے تو کوئی ملک سے باہر بیٹھا ہے لیکن ایسے میں سابق وزیراعظم نواز شریف کے داماد کی دوسری شادی کی خبر نے تہلکہ مچا دیا ہے اور ہر کوئی حیران پریشان رہ گیا ہے۔معروف سینئر صحافی مبشر لقمان نے نجی ٹی وی کے پروگرام میں گفتگو کرتے ہوئے دعویٰ کیا کہ نواز شریف کے داماد کی دوسری شادی کی خبریں سامنے آنے والی ہیں اور یہ داماد مریم نواز شریف کے شوہر کیپٹن (ر) صفدر نہیں بلکہ دوسری صاحبزادی کے شوہر اور اسحاق ڈار کے بیٹے ہیں۔مبشر لقمان نے کہا کہ ” ارشد شریف نے جس پریس کانفرنس کا خدشہ ظاہر کیا ہے وہ اگر ہو گئی تو پورے شریف خاندان کو لے کر ڈوبے گی۔ اور بہت سی ایس چیزیں جس میں اسحاق ڈار کے اپنے بیٹے سے متعلق بھی بہت خبریں ہیں جن میں ان کی دوسری شادی سے متعلق اور دیگر چیزوں سے متعلق خبریں بھی شامل ہیں۔ اور یہ وہی بیٹا ہے جو نواز شریف کا داماد بھی ہے، میں اس بیٹے کی بات کر رہا ہوں۔“

لاہور (ویب ڈیسک) چیف جسٹس آف پاکستان جسٹس میاں ثاقب نثار نے پنجاب کی انتظامیہ کو فوری طور پر ان کے دورہ سرگودھا کیلئے ہیلی کاپٹر کا بندوبست کرنے کا حکم دے دیا۔ریڈ کریسنٹ میڈیکل کالج سے متعلق کیس کی سماعت سپریم کورٹ رجسٹری لاہور میں ہوئی۔ چیف جسٹس میاں ثاقب نثار نے کیس کی سماعت کے دوران ہیلی کاپٹر کا بندوبست کرنے کا حکم دے دیا۔ انہوں نے اپنے ریمارکس میں کہا کہ ہیلی کاپٹر کا استعمال صرف وزیر اعلیٰ نہیں کرسکتے سرگودھا میں کالج کی انسپیکشن کیلئے ہیلی کاپٹر کا بندوبست کریں آج تو وہ بھی نہیں ہیں جو ہیلی کاپٹر پر سیر کرتے تھے۔

راولپنڈی(ویب ڈیسک )بینظیر بھٹو ایئر پورٹ پرتلاشی کے دوران مسافر سے 5 کلو آئس ہیروئن برآمد کر لی گئی ، ملزم کو حراست میں لے کر تفتیش شروع کردی گئی۔اے ایس ایف حکام کے مطابق ملزم آفتاب کا تعلق گجرات سے ہے جو نجی ایئر لائنز کی پرواز سے مسقط جانا چاہتا تھا،اے ایس ایف نے شک پڑنے پر مسافر کے سامان کی تلاشی لی تو بیگ کے خفیہ خانوں سے 5 کلو آئس ہیروئن برآمد ہوئی جس پر اے ایس ایف حکام نے ملزم کو حراست میں لے کر تفتیش شروع کردی۔

کراچی (ویب ڈیسک)حال ہی میں ڈالر کی قیمت میں انتہائی حیران کن اضافہ دیکھنے میں آیا جس کے بعد اب سونے کی قیمت نے بھی آسمان کو چھو لیاہے اور ساڑھے تین سال کی بلند ترین سطح پر پہنچ گئی ہے۔
تفصیلات کے مطابق ڈالر کے بعد اب سونا بھی آسمان پر پہنچ گیاہے جس کے بعد فی تولہ قیمت میں 700 روپے اضافہ دیکھنے میں آیاہے اور قیمت 58ہزار 200 روپے پر پہنچ گئی ہے جبکہ 10 گرام سونے کی قیمت میں 600 روپے اضافہ ہواہے جس کے بعد 10 گرام سونا فی تولہ 49 ہزار 885 روپے ہو گئی ہے۔