اسلام آباد(این این آئی)نیب نے آل پاکستان مسلم لیگ کے سربراہ ¾سابق صدر پرویز مشرف کے خلاف آمدن سے زائد اثاثوں کی تحقیقات شروع کردیں۔ میڈیا رپورٹ کے مطابق شکایت کنندہ انعام الرحیم نے سابق صدر پرویز مشرف کے خلاف آمدن سے زائد اثاثوں اور بدعنوانی کا الزام لگاکر نیب سے تحقیقات کی درخواست کی تھی تاہم نیب نے ابتدا میں یہ درخواست مسترد کردی تھی۔نجی ٹی وی کے مطابق اسلام آباد ہائیکورٹ کی جانب سے نیب کو سابق صدر کےخلاف کارروائی کا اختیار دیا گیا جس کے بعد شکایت کنندہ نے نیب کو ایک بار پھر خط لکھا جس پر تحقیقات کا آغاز کردیا گیا ہے۔ذرائع کے مطابق شکایت کنندہ نے کہا کہ پرویز مشرف نے اپنی آمدن سے زائد اثاثے بنائے اور ایف بی آر کے مطابق انکم ٹیکس بھی ادا نہیں کیا۔ذرائع کے مطابق نیب نے شکایت کنندہ سے سابق صدر کے خلاف شواہد مانگ لیے ہیں جن کی بنا پر کارروائی عمل میں لائی جائےگی۔

لاہور (این این آئی) وزیر اعظم شاہد خاقان عباسی اور سابق وزیر اعظم محمد نواز شریف کے درمیان جاتی امراءرائے ونڈ میں ملاقات ہوئی ، وزیر ریلویز خواجہ سعد رفیق اور سینیٹر رانا مقبول نے بھی نواز شریف سے ملاقات کی ۔نواز شریف اور شاہد خاقان عباسی کے درمیان ہونے والی ملاقات میں ملک کی مجموعی صورتحال اور خصوصاًآئندہ مالی سال کے بجٹ کے حوالے سے تفصیلی تبادلہ خیال کیا گیا ۔ میڈیا رپورٹس کے مطابق نواز شریف نے ہدایت کی ہے کہ آئندہ بجٹ کو زیادہ سے زیادہ عوام دست بنایا جائے اور سرکاری اور ریٹائرڈ ملازمین کی تنخواہوں اور پنشن اضافہ کیا جائے۔مسلم لیگ (ن) کے قائد نے ہدایت کی کہ سینئر وزرا ءکی مشاورت سے گائیڈ لائنز کے مطابق بجٹ تیار کیا جائے جس میں عوام کو زیادہ سے زیادہ ریلیف دیا جائے ۔قبل ازیں وفاقی وزیر ریلویز خواجہ سعد رفیق اور سینیٹر رانا مقبول نے ملاقات کی ۔ جاتی امراءرائے ونڈ میں ہونے والی ملاقات میں ملک کی مجموعی سیاسی صورتحال اور پارٹی امور کے حوالے سے تبادلہ خیال کیا گیا۔ نواز شریف نے نگران وزیراعظم کیلئے پارٹی کی اعلیٰ قیادت سے مشاورت شروع کردی ، نگران وزیراعظم کیلئے (ن) لیگ کی طرف سے مختلف ناموں پر غور شروع کردیا گیا ، (ن) لیگ کسی ایسے امیدوار کو آگے لانا چاہتی ہے جس پر کوئی انگلی نہ اٹھا سکے (ن) لیگ جنوبی پنجاب سے نگران وزیراعظم لانے کی خواہاں ہے ۔ ذرائع کے مطابق سابق وزیراعظم نواز شریف نے (ن) لیگ کی طرف سے نگران وزیراعظم کا نام دینے کی غرض سے پارٹی کی اعلیٰ قیادت سے مشاورت شروع کردی آئین کی اٹھارہویں ترمیم کے بعد نگران وزیراعظم کے لئے حکومت وقت اپوزیشن کی مشاورت کے بعد کسی ایک کا نام پر اتفاق رائے قائم کرکے نگران وزیراعظم کا نام فائنل کیا جاتا ہے پیپلز پارٹی اور (ن) لیگ کے درمیان تعلقات کافی کشیدہ ہیں ماضی قریب میں پیپلز پارٹی کے شریک چیئرمین آصف علی زرداری نے جب اینٹ سے اینٹ بجانے کی دھمکی دی تھی اس کے بعد نواز شریف آصف زرداری سے ملاقات کرنے سے گریز کرتے رہے پانامہ لیکس آنے کے بعد نواز لیگ کی طرف سے کوشش کی گئی کہ پیپلز پارٹی کی قیادت سے ملاقات ہو مگر آصف زرداری نے بوجہ ملاقات کیلئے وقت نہیں دیا (ن) لیگ اور پیپلز پارٹی کے درمیان حالات اس وقت مزید کشدہ ہوئے جب بلوچستان میں (ن) لیگ کی حکومت کو گرا کے ّ لیگ کا وزیراعلیٰ منتخب کروایا گیا ہے لیگی قیادت سمجھتی ہے کہ بلوچستان گرانے میں ہاتھ آصف علی زرداری کا ہے سینٹ کے حالیہ انتخابات میں نواز لیگ سب سے بڑی پارٹی بن کر سامنے آئی مگر وہ اپنا چیئرمین سینٹ بنوانے میں ناکام رہی پیپلز پارٹی اور پاکستان تحریک انصاف کے الائنس بلوچستان سے آزاد امیدوار صاف ستھرائی نے نواز لیگ کے امیدوار راجہ ظفر الحق کو شکست دی حکومت اور اپوزیشن اگر کسی نام پر اتفاق رائے قائم نہ کرسکی تو پھر انہوں نے حکومت کی طرف سے دیئے گئے نام الیکشن کمیشن کے پاس جائینگے اگر وہاں بھی کوئی نام نہ ہوا تو بال سپریم کورٹ کے پاس جائے گی نواز شریف کی کوشش ہے کہ نگران وزیراعظم اتفاق رائے قائم کرکے نگران وزیراعظم بنایا جائے۔

لاہور (مانیٹرنگ ڈیسک) پنجاب کمپنیز سکینڈل،50 کمپنیوں میں افسروں کی بھاری تنخواہوں اور مراعات کی تفصیلات سامنے آگئیں۔نجی نیوز کے مطابق کمپنیوں میں تعینات افسران کو 20 لاکھ روپے تک تنخواہیں دی گئیں۔ تین لاکھ تک ماہانہ مراعات، سرکاری رہائشگاہ اور الاو¿نسز بھی ملے۔ سی ای او نیشنل تھرمل پاور کمپنی کی تنخواہ 20 لاکھ روپے، نالج پارک کے سی ای او کی تنخواہ 14 لاکھ روپے، صاف پانی کمپنی نارتھ کے سی ای او کی تنخواہ ساڑھے 13 لاکھ، سی ای او صاف پانی کمپنی ساو¿تھ کی تنخواہ ساڑھے 13لاکھ اور سی ای او پنجاب اسکل ڈویلپمنٹ کمپنی کو 11 لاکھ روپے تنخواہ دی گئی۔پنجاب اربن یونٹ ڈویلپمنٹ کمپنی کے سربراہ کی تنخواہ ساڑھے 6 لاکھ روپے، انجینئرنگ کنسلٹینسی سروس پرائیوٹ کمپنی کے سی ای او شہزاد رحمان کی تنخواہ ساڑھے 7 لاکھ ، پنجاب بورڈ آف انویسٹمینٹ اینڈ ٹریڈ کمپنی کے سی ای او جہانزیب بورانہ کی ماہانہ تنخواہ 8 لاکھ روپے جبکہ پنجاب ماڈل بازار کمپنی کے سی ای او ناصر رفیق ماہانہ 6 لاکھ روپے تنخواہ لے رہے ہیں۔پاپولیشن فنڈمینجمنٹ کمپنی کے سی ای او جواد احمد ماہانہ 8 لاکھ، قائداعظم سولر پاور کمپنی کے سی ای او محمد امجد ماہانہ ساڑھے8 لاکھ اور پنجاب ایجوکیشن فاونڈیشن پنجاب کے سی ای او ڈاکٹر کامران شمس ماہانہ 6 لاکھ 87 ہزار روپے لے رہے ہیں۔خیال رہے کہ اس تنخواہ کے علاوہ تمام افسران کو مراعات کی مد میں سرکاری رہائشگاہ اور الاو¿نسز بھی دیئے جا رہے ہیں۔ واضح رہے کہ سپریم کورٹ نے پنجاب کی 50 کمپنیوں میں افسروں کی بھاری تنخواہوں اور مراعات کے معاملے کا از خود نوٹس لے لیا ہے اور چیف سیکرٹری پنجاب سے افسران کی مراعات کے حوالے سے تفصیلات طلب کر لی ہیں۔