کراچی(شوبز ڈیسک )اداکارہ سعدیہ امام نے کہا ہے کہ ڈراموں کے بعد لائیو شوز اور ریکارڈنگ شوز کرکے ایک نیا تجربہ ہوا۔ایک فنکارہ کی حیثیت سے جو شہرت کمائی وہ اب شوز کی میزبانی میں بہت کام آرہی ہے ۔سعدیہ امام نے کہاہے کہ عام طور پر شوبز کی زیادہ تر لڑکیاں لومیرج کرتی ہیں لیکن میرا نہ تو کوئی ایسا ارادہ تھا اور نہ خواہش ،والدین کی پسند سے شادی کی ،آج خوش و خرم زندگی گزار رہی ہوں ، ایک چاند سی بیٹی ہماری کل کائنات ہے ۔ اداکارہ کی حیثیت سے نہیں پروڈیوسر کے طور پر کام کروں گی ۔ 18سالہ فنی کیریئر میں لاتعداد ڈراموں میں کام کرنے کے بعد جو تجربہ حا صل کیا۔
اس کو پروڈکشنز میں استعمال کروں گی۔ سعدیہ امام نے مزید کہا کہ پاکستان کی ڈرامہ، فیشن اور فلم انڈسٹری بہت تیزی سے ترقی کررہی ہے اور اب دنیا کے جس ملک میں بھی چلے جائیں وہاں سب ہمارے فنکاروں کو جانتے ہیں ۔

اب دنیا کے ہر فیسٹیول میں پاکستانی فلمیں بھیجی جاتی ہیں۔

لاہور (شوبز ڈیسک) اداکارہ فضا علی نے کہاکہ میڈیا کو فنکاروں کے ذاتی معاملات میں دخل اندازی نہیں کرنی چاہیے اور پیشہ وارانہ صحافت کے قوانین پر سختی سے کاربند رہنا چاہیے۔ ایک انٹر ویو میںانہوںنے کہاکہ الیکٹرانک اور پرنٹ میڈیا کے بعض رپورٹر شوبز کی خبر میں سنسنی پیدا کر کے طوفان برپا کردیتے ہیں۔فنکاروں کی اپنی بھی کوئی زندگی ہوتی ہے اورمنفی خبروں سے ان کے بچوں کے ذہنوں پر برے اثرات مرتب ہوتے ہیں۔انہوںنے کہا کہ میڈیا کو حقائق کی مکمل چھان بین کے بعد ہی کسی خبر کو نشر یا شائع کرنا چاہیے۔ انہوںنے کہاکہ میڈیا معاشرے کا آئینہ ہے اورا س آئینے کو خوبصورت اور صاف ستھرا ہی رہنا چاہیے۔انہوںنے کہاکہ قلم کی بڑی حرمت ہے اور جو صحافی قلم کی حرمت کو سمجھتے ہیں وہ کبھی بھی ایسی خبر شائع نہیں کرتے جس سے کسی کی دل آزاری ہو یا پگڑی اچھالنے کا تاثر ملتا ہو۔

کراچی (شوبز ڈیسک)کچھ عرصہ پہلے مشہورماڈل، گلوکار اور اداکار علی ظفر نے اپنی پہلی پاکستانی فلم بنانے کا اعلان کیا تھا۔ یہ اعلان انہوں نے اپنے فیس بک، انسٹاگرام اور ٹوئٹر اکاو¿نٹ پر کیا تھا۔علی ظفر کا یہ کہنا تھا کہ ان کی آنے والی فلم کا نام”طیفا اِن ٹربل“ ہوگا اور کے ڈائریکٹر احسن رحیم ہوں گے۔ واضح رہے کہ احسن رحیم کا نام انٹر ٹینمنٹ انڈسٹری کے بڑے ناموں میں شمار کیا جاتا ہے۔گذشتہ شب ہونے والی پاکستان سپر لیگ سیزن تھری کی افتتاحی تقریب میں اس فلم کا آفیشل ٹریلر اور گانا ریلیز کردیا گیا ہے۔ ٹریلر میں دیکھا جا سکتا ہے کہ فلم میں علی ظفر کے ساتھ مایا علی اور جاوید شیخ بھی جلوہ گر ہوں گے۔

ممبئی(شوبز ڈیسک) بالی ووڈ اداکار عامر خان نے لیجنڈری اداکار رجنی کانت اور اکشے کمار کی فلم ’2.0‘ کیلئے اپنی فلم ’ ٹھگ آف ہندوستان ‘ کی ریلیز کی تاریخ آگے بڑھانے سے انکار کردیا۔رجنی کانت اور اکشے کمار کی سائنس فکشن فلم ’2.0‘ بھارت کی میگا بجٹ فلم ہے ۔میگا بجٹ فلم کی نمائش کا اعلان رواں سال اپریل میں کیا گیا تھا فلم ’2.0‘ کے فلم ساز نمائش دیوالی کے موقع پر کرنا چاہتے ہیں لیکن اس دوران باکس آفس پر ان کا مقابلہ عامر خان سے متوقع ہے جس کے باعث انہوں نے فلم ’ ٹھگ آف ہندوستان ‘ کی نمائش کی تاریخ آگے بڑھانے کی درخواست کی ہے.عامر خان نے اپنی فلم کی نمائش کی تاریخ آگے بڑھانے سے انکار کردیا ہے ،اس کے باوجود فلم ’2.0‘ کے فلمساز یش راج فلمز سے ان کی فلم کی نمائش کی تاریخ کو آگے بڑھانے کیلئے کوششیں کررہے ہیں۔

ممبئی (شوبز ڈیسک) بالی وڈ کی اداکارہ کرینہ کپور نے بنگلا رو انٹرنیشنل فلم فیسٹیول کا افتتاح کردیا۔ خبروں کے مطابق کرینہ کپور فلم فیسٹیول کی افتتاحی تقریب میں بطور خصوصی مہمان شریک ہوئیں۔یہ دسواں بنگلارو انٹرنیشنل فلم فیسٹیول ہے۔اس موقع پر کرینہ نے اپنے دادا راج کپور کی فلمی زندگی پر روشنی ڈالی۔ ان کا کہنا تھا کہ راج کپور نے اپنی فلم کے کئی سین میسارومیں فلمبند کروائے۔کرینہ نے بنگلا فلموں کی اہمیت پر روشنی ڈالی۔ کرینہ کو اس موقع پر خصوصی شیلڈ بھی پیش کی گئی۔

لاہور(شوبز ڈیسک ) نامور اداکارہ ثناءنے کہا ہے کہ شوبز میں نئے آنیوالوں کی حوصلہ افزائی کرنی چاہئے، سینئر ز کی کی وجہ سے مقام بنایا ، جونیئر کیساتھ اچھا رویہ رکھتی ہوں ۔خصوصی گفتگو کرتے ہوئے اداکارہ نے کہا کہ نئے آنے والوں کا راستہ روکنے کی بجائے انہیں آگے بڑھنے میں مدد دینی چاہیے ،سینئرز کی رہنمائی کی وجہ سے آج اس مقام پر پہنچی ہوں اور میں بھی اپنے جونیئرز کے ساتھ ایسا ہی رویہ رکھتی ہوں۔ بڑی اور چھوٹی سکرین کی اپنی اپنی شہرت ہے اور میں خوش قسمت ہوں کہ میں دونوں میں کامیاب رہی ہوں۔اب پڑھے لکھے لڑکے اور لڑکیاں شوبزمیں آرہے ہیں جو خوش آئند ہے ،ان لوگوںکو آگے بڑھنے میں مدد دینی چاہیے۔
اداکارہ نے مزید کہا کہ پاکستان میں حالیہ سالوں میں بہترین فلمیں بنی ہیں جس سے ہماری انڈسٹری یقینی طور پر ترقی کی جانب گامزن ہے۔

ممبئی(شوبز ڈیسک)بالی وڈ کی بولڈ اداکارہ سنی لیون نے مستقبل کے حوالے سے اہم فیصلہ کرتے ہوئے تامل فلموں میں کام کرنے کا فیصلہ کرلیا۔بالی ووڈ کی بےباک اداکارہ سنی لیون اپنے فلمی کیرئیر میں بولڈ مناظر کی وجہ سے شہرت رکھتی ہیں اور اب بالی ووڈ میں منفرد اداکاری سے مقام بنانے والی اداکارہ اپنی صلاحیتوں کا لوہا منوانے کے لیے تامل فلموں میں جلوہ گر ہوں گی۔بھارتی میڈیا رپورٹس کے مطابق بے باک اداکارہ سنی لیون بالی ووڈ کی فلموں کے بعد تامل فلموں میں بھی جلوہ گر ہوں گی۔ سنی لیون کا کہنا ہے کہ تامل فلموں میں کام کرنا میرے لیے ایک چیلنج ہے کیوں کہ یہ میرے لیے سیکھنے کا موقع ہے۔
جس کے لیے میں خاصی خوش ہوں۔سنی لیون کا فلم کے حوالے سے کہنا ہے کہ وہ تامل فلم ویرام دیوی میں جنگجو لڑکی کا مرکزی کردار ادا کر رہی ہیں اور اس کردار کو نبھانے کے لیے جتنی محنت کی جارہی ہے وہ بہت حیرت انگیز ہے جبکہ میں شوٹنگ کے لیے بہت بے قرار ہوں۔