کراچی(ویب ڈیسک)نقیب اللہ قتل کیس میں گرفتاری دینے والے سابق ایس ایس پی راﺅ انوار نے ابتدائی تفتیش کے دوران نقیب اللہ سمیت 4 شہریوں کو قتل کرنے کا سارا ملبہ اپنی ماتحت افسران و اہلکاروں پر ڈال دیا اور خود کو موقع واردات پر عدم موجودگی اور واقعے سے بے خبر ظاہر کیاہے۔راﺅ انوار نے ابتدائی تفتیش کے دوران اپنے پہلے دن کے ہی بیان کو دہراتے ہوئے ان افسران و اہلکاروں کے کردار کو واضح کیا ہے جنھوں نے نقیب کے ساتھ مقابلے اور دہشت گرد ہونے کی بریفنگ اور اطلاع دی تھی۔تحقیقاتی کمیٹی میں شامل ایک افسر نے نام ظاہر نہ کرنے پر بتایاکہ نقیب اللہ سمیت 4شہریوں کو مبینہ مقابلے میں ہلاک کرنے کے حوالے سے سابق ایس ایس پی ملیر راﺅانوار سے تحقیقاتی کمیٹی نے تفتیش کا آغاز کردیاہے۔ راﺅانوار نے تحقیقاتی کمیٹی میں شامل افسران کو ابتدائی تفتیش کے دوران بتایاکہ13جنوری کو شاہ لطیف ٹا?ن پولیس نے مقابلے کے دوران نقیب اللہ سمیت 4افراد کو ہلاک کیا تھا۔ جس کی اطلاع پولیس کنٹرول کے ذریعے واکی ٹاکی پر ملی تھی اور انھوں نے فوری طور پر ایس ایچ او شاہ لطیف امان اللہ مروت سے رابطہ کیا تو اس نے بھی مقابلے کے بارے میں بتایا، اس اطلاع پر جب موقع پر پہنچا تو مقابلہ ختم ہوچکا تھا لیکن وہاں ڈی ایس پی قمر احمد اور ایس ایچ او شاہ لطیف امان اللہ مروت اپنی پولیس پارٹی کے ہمراہ جائے وقوعہ پر موجود تھے جو قانونی کارروائی کررہے تھے۔

کراچی: (ویب ڈیسک )عوامی نمائندے پی ایس ایل فائنل کے ٹکٹ کے حصول کیلیے پریشان ہوگئے۔
ایم کیو ایم کی پارلیمانی پارٹی کے اجلاس میں فائنل میچ کے ٹکٹ زیر بحث رہے، ایم کیو ایم کے ارکان اسمبلی نے قائد حزب اختلاف خواجہ اظہار الحسن سے کہا کہ آپ اپوزیشن لیڈر ہیں ہمیں میچ دیکھنا ہے، ٹکٹ کا بندوبست افزائی کریں گے، گورنر سندھ محمد زبیر بھی اسٹیڈیم میں موجود ہونگے اور فائنل ٹاکرا وہیں سے بیٹھ کر انجوائے کریں گے۔وزیر اعلی سندھ سید مراد علی شاہ اپنی کابینہ کے بیشتر ارکان کے ہمراہ نیشنل اسٹیڈیم میں میچ سے لطف اندوز ہونگے۔ وزیر اطلاعات ناصر حسین شاہ، بلدیات کے وزیر جام خان شورو، وزیر کھیل محمد بخش مہر سمیت کابینہ کے دیگر اراکین وزیراعلی کے ہمراہ ہونگے۔ادھر پی ایس پی سربراہ مصطفی کمال اور صدر انیس قائم خانی سمیت رکن قومی اسمبلی آصف حسنین اور پی ایس پی کے دیگر رہنماوں نے بھی میچ کا مزا لینے کے لیے اپنی سیٹیں بک کروا لی ہیں، پی ایس پی رہنما عوام کے درمیان بیٹھ کر فائنل میچ کا مزا لوٹیں گے۔

لاہور (ویب ڈیسک) سی ٹی او لاہور اور ان کے والد کی نیب میں طلبی 25 کروڑ روپے خور برد کے الزامات کی بناءپر 26 مارچ کو طلب کیا گیا ہے۔روزنامہ خبریں کے مطابق نیب لاہور نے سی ٹی اولاہور رئاے اعجاز اور ان کے والد رائے ضمیر الحق کو گجرات میں پولیس فنڈز میں 25 کروڑ روپے کی خور برد کے الزام میں 26 مارچ کو طلب کرلیا ہے۔سی ٹی او لاہور رائے اعجاز اور ان کے والد رائے ضمیر الحق سمیت ایک سب انسپکٹر اور 4 پولیس اہلکاروں کو طلبی کے سمن جاری کئے ہیں۔ رائے اعجاز اور ان کے والد کو بطور ڈی پی او گجرات تعیناتی کے دوران کروڑوں روپے کی خوربرد کی تحقیقات کیلئے طلب کیا ہے۔

کراچی :(ویب ڈیسک ) پاکستان سپر لیگ کا فائنل دیکھنے کے لیے وزیراعلیٰ سندھ سید مراد علی شاہ، چیئرمین پیپلز پارٹی بلاول بھٹو زرداری، آصفہ بھٹو اور بختاور بھٹو سمیت کئی سیاستدانوں نے بھی ٹکٹ خرید لیے ہیں۔کراچی میں 25 مارچ کو ہونے والے پاکستان سپر لیگ کے تیسرے ایڈیشن کے فائنل کے لیے تیاریاں مکمل کر لی گئی ہیں۔پی ایس ایل کا فائنل پہلے ایڈیشن کی فاتح اسلام آباد یونائیٹڈ اور دفاعی چیمپیئن پشاور زلمی کے درمیان کھیلا جائے گا۔پشاور زلمی کی ٹیم آج رات لاہور سے کراچی پہنچ جائے گی جبکہ اسلام آباد کے کھلاڑی 24 مارچ کو دبئی سے براہ راست کراچی پہنچیں گے۔پی ایس ایل کا فائنل دیکھنے کے لیے وزیراعلیٰ سندھ مراد علی شاہ، بلاول بھٹو، آصفہ اور بختاور سمیت سندھ کے متعدد سیاستدانوں نے بھی ٹکٹ لے لئے ہیں۔

کراچی : (ویب ڈیسک )پاکستان سپر لیگ کے تیسرے ایڈیشن کا فائنل 25 مارچ کو کراچی میں ہوگا جس کے تمام انتظامات مکمل کر لئے گئے ہیں۔شہر قائد کی تمام اہم شاہراہوں کو برقی قمقموں سے سجا دیا گیا ہے، اہم شاہراہوں پر کھلاڑیوں کی تصاویر آویزاں کردی گئی ہیں اور نیشنل اسٹیڈیم کے باہر بھی خوبصورتی کے لئے پودے لگائے گئے ہیں۔روشنیوں کا شہر جگمگا رہا ہے اور جگمگاتا کراچی پی ایس ایل کے فائنل کی میزبانی کے لئے پوری طرح سے تیار ہے۔ شائقین کرکٹ بھی بے تابی سے فائنل کا انتظار کر رہے ہیں۔
گزشتہ کئی سالوں سے سیاسی و ملکی حالات کے باعث کراچی کی روشنیاں ماند پڑ گئی تھیں جو اب بحال ہونا شروع ہو گئی ہیں۔ کراچی آپریشن کے بعد شہر کی صورتحال ماضی کی نسبت بہت بہتر ہے۔

نئی دہلی(ویب ڈیسک ) بھارت نے براہموس کروز میزائل کا تجربہ کیا ہے۔بھارتی خبررساں ادارے کے مطابق وزیر دفاع نرمالا سیتھارا مان نے اپنے ٹویٹر بیان میں بتایا راجستھان میں واقع پکھران ٹیسٹ رینج سے براہموس کروز میزائل کا تجربہ کیا گیا ہے جس نے اپنے ہدف کو کامیابی سے نشانہ بنایا ہے۔انہوں نے کہا کہ نیا میزائل تجربہ ہماری قومی سلامتی کو مزید مضبوط بنائے گا۔