نئی دہلی (آئی این پی) بھارت اور جاپان نے پاکستان سے ممبئی اور پٹھان کوٹ حملوں کے ملزمان کو انصاف کے کٹہرے میں لانے کا مطالبہ جبکہ دہشتگردی ے خلاف جنگ میں تعاون جاری رکھنے اور مختلف شعبوں میں تعاون بڑھانے پر اتفاق کیا ہے۔ جمعرات کو بھارتی اخبار ”ٹائمز آف انڈیا “ کے مطابق جاپانی وزیراعظم کے 2روزہ دورہ بھارت کے اختتام پر جاری اعلامیہ میں کہا گیا ہے کہ وزیراعظم نریندر مودی اورجاپانی وزیر اعظم شینزو آبے نے القاعدہ، لشکرطیبہ اور جیش محمد سمیت دیگر دہشتگرد گروپوں کے خلاف تعاون کو مضبوط کرنے کے عزم کا اعادہ کیا ہے اور دونوں رہنماﺅں نے اسلام آباد سے مطالبہ کیا ہے کہ وہ ممبئی اور پٹھان کوٹ سمیت دیگر کاروائیوں میں ملوث افراد کو انصاف کے کٹہرے میں لائے۔ بھارتی وزیراعظم نریندر مودی اور انکے جاپانی ہم منصب شینزو آبے نے جاپان بھارت سالانہ مشاورتی اجلاس میں القاعدہ، لشکرطیبہ اور جیش محمد سمیت دیگر دہشتگرد گروپوں کے خلاف تعاون کو مضبوط کرنے کا عزم ظاہر کیا۔ دونوں نے دہشتگردی اور انتہاپسندی کی بڑھتی ہوئی لعنت کی مذمت کی۔ اس سے قبل بھارتی وزیراعظم نریندر مودی سے جاپانی وزیر اعظم شینزو آبے نے ملاقات کی جس میں دوطرفہ تعلقات کو مزید مضبوط بنانے اور مختلف شعبوں میں تعاون کو مزید فروغ دینے پر اتفاق کیا گیا۔ ملاقات میں خطے کی صورتحال پر بھی تبادلہ خیال کیا گیا۔ بعد ازاں جاپانی وزیر اعظم شینزو آبے اور بھارتی وزیراعظم نریندر مودی نے گجرات کے شہر احمد آباد میں 508کلومیٹر طویل ممبئی احمد آباد ملک کی پہلی تیز رفتار بلِٹ ٹرین کے منصوبے کا افتتاح کیا۔ گجرات کو ممبئی سے ملانے والا17 بلین ڈالر کا یہ منصوبہ سن 2023 میں پایہ تکمیل تک پہنچے گا۔ جاپان نے اس منصوبے میں80 فیصد کی سرمایہ کاری کی ہے۔ دونوںممالک نے اسٹریٹجک، مالی اور ترقیاتی تعاون کے 15معاہدوں پر بھی دستخط کیے ۔بھارتی اور جاپانی وزیراعظم کے درمیانمذاکرات کے بعد پریس بریفنگ کے دوران سیکرٹری خارجہ ایس جے شنکر نے بتایاکہ مذاکرات میں دوطرفہ تعلقات، دہشتگردی کا مسئلہ زیر غور آیا اور دونوں جانب سے القاعدہ ،لشکرطیبہ جیش محمد اور دیگر دہشتگرد گروپوں کے خطرات سے نمٹنے کیلئے تعاون پر اتفاق کیا گیا۔ مذاکرات میں شمالی کوریا کے مسئلے پر بھی بات چیت کی گئی۔ ایس جے شنکر کا کہنا تھا کہ بھار ت اور جاپان نے دونوں ممالک کی افواج، زمینی خود دفاعی فورسز، ائیرفورس اور جاپان کی ایئر ڈیفنس فورسز کے درمیان تعاون اور تبادلے پر اتفاق کیا ہے۔ جاپان شمال مشرقی پالیسی کے بنادی ڈھانچے میں مزید مدد فراہم کرے گا۔ جاپان نے چین کے ون روڈ ون بیلٹ منصوبے پر بھی بھارتی خدشات کو بھی سنا ہے۔ انھوں نے کہا کہ دونوں ممالک نے دفاع اور اقتصادی شعبے میں تعاون مزید مضبوط کرنے پر اتفاق کیا ہے۔ واضح رہے کہ گزشتہ روز گجرات آمد پر وزیر اعظم نریندر مودی نے اپنے جاپانی ہم منصب کا شاندار استقبال کیا تھا۔

لندن ،لاہور(وےب ڈےسک) مشرقی معاشروں میں روایت پائی جاتی ہے کہ ایک شخص کی دعوت پر پورا گھرانا ہی شادی بیاہ کی تقریبات میں شرکت کرنے پہنچ جاتا ہے لیکن ایسا ہی جب ڈاکٹر بابراعوان نے توان کی لندن میں انیل مسرت کی شادی کی تقریب میں توتکار ہوگئی اور ان کیساتھ موجود 2بن بلائے مہمانوں کو تقریب میں داخلے کی اجازت نہیں ملی تاہم ڈاکٹربابراعوان کو مناکر شادی کی تقریب میں پہنچادیاگیا۔سینئر صحافی نے انکشاف کیا کہ انیل مسرت عمران خان کے یارغار ہیں اور شوکت خانم ہسپتال کیلئے کافی معاونت بھی کی لیکن وہاں پر بابراعوان کی خواب ہوئی ، جب وہ مانچسٹرہوٹل پہنچے توان کیساتھ دو’مچھڈنڈے ٹائپ ان کے ساتھی بھی تھے ، پاکستان کی طرح یہ شادی نہیں تھی کہ آپ بھی میرے ساتھ چلیںاور آپ بھی، وہاں پرسیکیورٹی تھی، سیکیورٹی عملے نے ڈاکٹربابراعوان کو روک لیا اور کہاکہ آپ توجاسکتے ہیں لیکن آپ کے ساتھ موجود یہ لوگ نہیں جاسکتے، اسی بات پر جھگڑا شروع ہوگیا اور گیٹ آٹ تک کہہ دیا گیا، انیل مسرت کو خبر پہنچی تو انہوں نے کسی کو بھیجا جنہوں نے بابراعوان صاحب کو ٹھنڈا کیا، اور منا کر لے آئے لیکن دوساتھی پھر بھی نہیں آئے۔سینئر صحافی نے گفتگو کرتے ہوئے کہاکہ انیل مسرت پراپرٹی ٹائیکون ہیں ،عمران خان کا شاید وہاں جانا ضروری تھا لیکن ایسے وقت پر گئے جب کیس جیتا اور این اے 120 کا الیکشن بھی سر پرتھا، اب ان کے قریبی دوست تشہیر کررہے ہیں کہ اس شادی کے فنکشن میں چارملین پانڈ خرچ ہوئے ، فخر کا اظہار کیا جارہاہے کہ انیل کپور، کرن جوہر، شنیل شیٹھی، ریتھک روشن، رنویر سنگھ ، سونم کپورموجود تھے لیکن دوسری طرف آپ کو بتاتا چلوں کہ اسی شادی کی تقریب میں شاہ محمود قریشی اور ان کی اہلیہ بھی شریک تھیں،صاحبزادہ جہانگیر بھی تھے۔انہوں نے بتایاکہ انیل مسرت مسلمان ہیں لیکن نام ایسا ہی ہے کہ غیرمسلم ہونے کا شبہ ہوتاہے، یہ توخبروں والی بات ہے ، خان صاحب تو اب سلیبرٹی سے زیادہ ایک سیاستدان ہیں، شیخ رشید اور خورشید قصوری بھی وہاں تھے۔

لکھنﺅ (آئی این پی) بھارت میں کشتی الٹنے سے 19 افراد ہلاک جبکہ 31تاحال لاپتہ ہیں۔بھارتی میڈیا کے مطابق حادثہ ریاست اتر پردیش کے شہر باگھ پت کے قریب دریائے جمنا میں جمعرات کی صبح پیش آیا۔ سینیئر پولیس افسر رام کمار نے بتایا ہے کہ الٹنے والی کشتی پر 60سے زائد افراد سوار تھے۔19 افراد کی ہلاکت کی تصدیق کر دی گئی ہے، 10 افراد تیر کر دریا کے کنارے تک پہنچے تاہم 31افراد ابھی تک لاپتہ ہیں اور ان کی تلاش کا کام جاری ہے۔ حکام اس سلسلے میں تفتیش جاری رکھے ہوئے ہیں تاہم امکان یہی ہے کہ یہ حادثہ کشتی پر گنجائش سے زیادہ مسافروں کے سبب پیش آیا۔حالیہ شدید مون سون بارشوں کے سبب بھارت کے اکثر دریاں میں پانی کی سطح کافی بلند ہو گئی ہے۔ ان دریاں کے ارد گرد آباد دور دراز علاقوں میں ایک سے دوسرے کنارے پر جانے کے لیے اکثر کشتیوں کا ہی سہارا لیا جاتا ہے۔

کوالا لمپور(اے این این)ملائیشیا کے دارالحکومت کوالالمپور کی ایک دینی درسگاہ میں آگ لگنے سے طلبہ اور اساتذہ سمیت کم از کم 25 افراد ہلاک اور متعدد زخمی ہوگئے ہیں۔مدرسہ ‘دارالقرآن اتفاقیہ’ میں صبح فجر سے پہلے آگ لگنے کا واقعہ پیش آیا۔کوالالمپور شہر میں آگ زنی اور امدادای کارروائیوں سے متعلق محکمے کے سربراہ خیرالدین درہمان نے خبر رساں ادارے کو بتایا کہ ’23طلبہ اور دو وارڈن کے ہلاک ہونے کی تصدیق ہوچکی ہے۔ان کا کہنا تھاکہ میرے خیال سے گذشتہ 20 برسوں میں ملک میں یہ آگ لگنے کا بدترین واقعہ ہے۔ اتنے زیادہ افراد کی ہلاکت قابل افسوس ہے۔ابھی تک اس بات کی وضاحت نہیں کی گئی ہے کہ ہلاک ہونے والے افراد کی عمریں کیا تھیں۔ عام طور پر ایسے مدارس میں قرآن کے حفظ کے لیے پانچ سے 18 برس کی عمر تک کے بچے ہوتے ہیں۔حکام کا کہنا ہے کہ آگ لگنے کا یہ واقعہ گذشتہ دو عشروں میں سب سے بھیانک واقعہ ہوسکتا ہے۔اس واقعے سے متعلق سوشل میڈیا پر جو تصویریں پوسٹ کی گئیں اس میں دیکھا جا سکتا ہے کہ مدرسے کی عمارت کی بالائی منزل کے کمرے، جس میں ممکنہ طور پر طلبہ سو رہے تھے، پوری طرح سے آگ کے شعلوں میں ہے۔عمارت کے باہر طلبہ کے والدین کو بھی جمع ہوتے ہوئے دیکھا گیا۔بہت سے ان طلبہ کو ہسپتال بھی پہنچایا گیا ہے جو آگ سے زخمی ہوئے یا پھر دھوئیں سے بری طرح متاثر ہوئے ہیں۔اس طرح کے دینی مدارس عام طور پر ذاتی ملکیت کے تحت چلتے ہیں جہاں کئی بار آگ لگنے کے واقعات ہونے پر حکام نے حفاظتی بندوبست کے حوالے سے تشویش بھی ظاہر کی ہے۔مقامی میڈیا کے مطابق سنہ 2015 سے اب تک آگ لگنے کے ایسے 200 سے زیادہ واقعات پیش آچکے ہیں۔وزیر اعظم نجیب رزاق نے اس واقعے پر اپنی ایک ٹویٹ میں افسوس کرتے ہوئے متاثرین کے ساتھ ہمدردی کا اظہار کیا ہے۔