اسلام آباد (خبر نگار خصوصی) پاکستان تحریک انصاف کے چیئرمین عمران خان نے کہا ہے کہ موجودہ دور حکومت میں زرداری دور سے بھی کم سرمایہ کاری ہوئی ہے ، سرمایہ کاری نہ آنے کی وجہ کرپشن ہے،حکومتی پالیسیوں کی وجہ سے ملکی معیشت تباہی کے دھانے پر پہنچ چکی ہے ۔وزیر خزانہ اسحاق ڈار پاکستان کے اقتصادی غارتگر ہیں، نیب ریفرنس دائر ہونے کے بعد وہ فوری طور پر مستعفی ہوجائیں، نواز حکومت میں بہت کم سرمایہ کاری ہوئی، اتنی کم سرمایہ کاری ملکی تاریخ میں کبھی نہیں ہوئی.حکمرانوں نے ملک کی معیشت کےساتھ بہت ظلم کیا،جوظلم معیشت کےساتھ ہواایسا دشمن بھی نہیں کرسکتا تھا۔ سی پیک کے باوجود ملک میں سرمایہ کاری نہیں آرہی ، سی پیک کے ثمرات سیمٹنے کے لئے ملک اور گورننس کو ٹھیک کرنا ہوگا۔ اسلام آباد میں پارٹی رہنماں کے ہمرا ہ پریس کانفرنس سے خطاب کرتے ہوئے پاکستان تحریک انصاف کے سربراہ عمران خان کا کہنا تھا کہ حکمران کہتے ہیں کہ ہم نے بہت ترقی کی اور ججز نے ان کو نکال دیا، نیب ریفرنس پر اسحاق ڈار کو استعفا دے دینا چاہیے ۔ نواز شریف نے کیسی ترقی کرائی کہ ملک کو مقروض کردیا اور قرضے چڑھا کر (ن) لیگ کی حکومت نے بڑے بڑے پروجیکٹس بنائے جب کہ حکومت کی پالیسیوں سے ملک میں غربت میں اضافہ ہوا ہے۔ہماری معیشت کا اتنا برا حال کبھی نہیں ہوا جتنا آج ہے، انھوں نے جو ظلم معیشت کے ساتھ کیا ایسا کوئی دشمن بھی نہیں کرتا۔ پیپلز پارٹی نے 480 ارب روپے کے گردشی قرضے چھوڑے لیکن پاکستان جتنا مقروض آج ہے اتنا تاریخ میں کبھی نہیں تھا۔پاکستان کی برآمدات تباہ ہوگئی ہے، پاکستان جس راستے پر جا رہا ہے وہ بہت خطرناک ہے، برآمدات اور درآمدات میں 30 ارب ڈالر کا فرق آگیا ہے۔ اسحاق ڈار بار بار کہتے رہے کہ ٹیکس ریونیو بڑھا دیا ہے لیکن حقیقت یہ ہے کہ اشیا ضروریہ، بجلی اور گیس پر ٹیکس بڑھانے کی وجہ سے ٹیکس ریونیو میں اضافہ کیا گیا۔ سرمایہ کاری نہ آنے کی وجہ کرپشن ہے،حکومتی پالیسیوں کی وجہ سے ملکی معیشت تباہی کے دھانے پر پہنچ چکی ہے۔وزیر خزانہ اسحاق ڈار پاکستان کے اقتصادی غارتگر ہیں، نیب ریفرنس دائر ہونے کے بعد وہ فوری طور پر مستعفی ہوجائیں، نواز حکومت میں بہت کم سرمایہ کاری ہوئی، اتنی کم سرمایہ کاری ملکی تاریخ میں کبھی نہیں ہوئی.حکمرانوں نے ملک کی معیشت کےساتھ بہت ظلم کیا،جوظلم معیشت کےساتھ ہواایسا دشمن بھی نہیں کرسکتا تھا۔ سی پیک کے باوجود ملک میں سرمایہ کاری نہیں آرہی ، سی پیک کے ثمرات سیمٹنے کے لئے ملک اور گورننس کو ٹھیک کرنا ہوگا۔ نیب چیرمین کا کام ہے کرپشن کو پکڑنا لیکن ہمارے پیسے سے تنخواہ لینے والے نیب چیئرمین بڑی کرپشن پر پردہ ڈال رہے اور چھوٹے چوروں کو پکڑ رہے ہیں، ایف بی آر پرکرپٹ چیئرمین بٹھانے سے ٹیکس اکٹھا نہیں کیا جاسکتا۔عمران خان کا کہنا تھا کہ وزیر خزانہ اسحاق ڈار پاکستان کے اقتصادی غارتگر ہیں، نیب ریفرنس دائر ہونے کے بعد وہ فوری طور پر مستعفی ہوجائیں، نواز حکومت میں بہت کم سرمایہ کاری ہوئی، اتنی کم سرمایہ کاری ملکی تاریخ میں کبھی نہیں ہوئی، مشرف اورزرداری کے دور میں بھی اس سے زیادہ سرمایہ کاری تھی، کرپشن کی وجہ سے پاکستان میں سرمایہ نہیں آ رہا، موجودہ حکومت آصف زرداری سے بھی زیادہ بدترین ہے، سارا کرپٹ ٹبراوپرسے نیچے تک پیسے بنانے میں لگا ہے۔چیرمین پی ٹی آئی نے بتایا کہ اقتصادی راہداری سے فائدہ اٹھانے کے لئے اپنا ملک ٹھیک کرنا ہوگا، پاکستان بہت خطرناک راستے پر جارہا ہے، معیشت کا اس وقت سب سے برا حال ہے، حکمرانوں نے عوام کے ساتھ جو کیا وہ کوئی دشمن بھی نہیں کرتا، بجلی کا سب سے برا حال ہے، ملک میں توانائی کا شدید بحران ہے۔

اسلام آباد (خبرنگار خصوصی) وزیر خارجہ خواجہ آصف نے کہا ہے کہ پاکستان دنیا کا واحد ملک ہے جو دہشتگردی کیخلاف جنگ جیت چکا ہے ،ایک دو واقعات ہوتے رہتے ہیں لیکن ہم یہ جنگ جیت چکے ہیں۔ سفرا کانفرنس کے بعد میڈیا کو بریفنگ دیتے ہوئے وزیر خارجہ نے کہا کہ ہم خوددار قوم ہیں، ایک ایک انچ کی ہر حال میں حفاظت کرینگے، پاکستانی قوم کو قربانی کا بکرا نہیں بننے دیں گے،خواجہ آصف نے کہا کہ امریکہ سے تعلقات ختم نہیں کر رہے،معاملات ملکی مفادات کی نظر سے دیکھیں گے، امریکا،پاکستان کی خود مختاری اور سالمیت کا احترام کرے،واشنگٹن میں بیٹھے لوگوں کو پاکستان اور خطے کی حقیقی صورتحال کا ادراک نہیں ،وزیر خارجہ کا کہنا تھا کہ پاکستان باہمی احترام کیساتھ قربانیوں کا ادراک کرنیوالے ممالک کیساتھ آگے بڑھے گا، امریکہ سمیت کسی بھی ملک سے تعلقات کو باہمی احترام پر مبنی دیکھنا چاہتے ہیں،خواجہ آصف نے کہا کہ آج چین جا رہا ہوں،دو تین روز میں ایران کا دورہ بھی کروں گااور گزشتہ روز افغان وزیر خارجہ سے رابطہ ہو اتھاجس میں ایرانی صدر اور وزیر خارجہ سے ملاقات رکھی ہے۔ انہوں نے کہا کہ اقوام متحدہ کی جنرل اسمبلی سے قبل دوست ممالک کا دورہ بھی کروں گا ، سب سے پہلی ترجیح پاکستان کو دہشتگردی سے محفوظ بنانا ہے۔ انہوں نے کہا سفراکانفرنس میں خطے کے مسائل حل کرنے کیلئے حکمت عملی طے کر لی ہے اورپاکستان ہمسایہ ممالک کے ساتھ ملکر خطے کے مسائل حل کرے گا، خواجہ آصف نے کہا کہ برکس میں جن تنظیموں کا نام لیا گیا وہ پاکستان میں کالعدم ہیں اور چین نے برکس اجلاس میںبھارت کی بہت چیزیں شامل نہیں کیں۔ انہوں نے کہا کہ تینوں دن کانفرنس میں سکیورٹی اداروں اور فوج کے نمائندے موجود تھے اور کشمیر کو ہر فورم پر اجاگر کرنے کا فیصلہ کیا ہے،وزیر خارجہ نے کہا کہ یہ کہنا غلط ہے کہ پاکستان تنہائی کا شکار ہے اوریہ غلط فہمی ہو گی کہ 40 سال کا ملبہ دنوں میں ٹھیک ہو جائے، ہم نے بیانیہ تیار کیا ہے سب کو اس سے آگاہ کریں گے، خواجہ آصف نے کہا کہ ہماری جیسی قربانیاں کسی اور ملک نے نہیں دیں،آج کراچی وزیرستان خیبریاجنسی اور باجوڑ میں امن ہے ۔ پاکستانی قوم کو قربانی کا بکرا نہیں بننے دینگے۔ خواجہ آصف کا کہنا ہے کہ خطے میں بدلتے حالات کے تحت ہی پاکستان کو نئی سِمت کا تعین کرنا ہوگا اور باہمی احترام کے ساتھ دہشت گردی کے خلاف جنگ میں پاکستان کی قربانیوں کا ادراک کرنے والے ممالک کے ساتھ ہی آگے بڑھا جائے گا۔ پاکستانی سفیروں کی تین روزہ کانفرنس کے اختتامی سیشن کے بعد پریس کانفرنس کرتے ہوئے وفاقی وزیر خارجہ خواجہ آصف نے کہا کہ پاکستان اور امریکہ کے تعلقات ختم نہیں ہوئے لیکن دونوں ملکوں کے روابط کو ملکی مفادات کی نظر سے دیکھا جائے گا جبکہ اب امریکا پر پاکستان کا انحصار کم ہوگیا ہے۔انہوں نے واضح کیا کہ پاکستان، امریکا سمیت کسی بھی ملک کے ساتھ تعلقات کو باہمی احترام پر مبنی دیکھنا چاہتا ہے۔ خواجہ آصف کا کہنا تھا کہ پاکستان ایک خود دار قوم ہے، اسے قربانی کا بکرا نہیں بننے دیں گے اور اس سرزمین کے ایک ایک انچ کی حفاظت کریں گے۔ ان کا مزید کہنا تھا کہ خطے میں بہت تبدیلیاں رونما ہو رہی ہیں اور ہمیں بھی پاکستان کے لیے دنیا کے رویے کو تبدیل کرنا ہو گا۔ عالمی دہشت گردی کا تذکرہ کرتے ہوئے خواجہ آصف نے کہا کہ صرف پاکستان دنیا کا واحد ملک ہے جو دہشت گردی کے خلاف جنگ جیت رہا ہے اس کے علاوہ دنیا کے کسی بھی ملک نے دہشت گردی کے خلاف جنگ میں کامیابی حاصل نہیں کی۔ انہوں نے واضح پیغام دیا کہ پاکستانی عوام، مسلح افواج اور قانون نافذ کرنے والے اداروں نے دہشت گردی کے خلاف جنگ میں لازوال قربانیاں دی ہیں۔ خواجہ آصف کا کہنا تھا کہ ’دہشت گردی کے خلاف عالمی جنگ میں ہم نے کھویا ہی ہے پایا کچھ نہیں، اب ہمیں بھی نئی اور درست سمت کا تعین کرنا ہوگا۔ خواجہ آصف نے بتایا کہ اس تین روزہ کانفرنس کے دوران امریکی پالیسی پر تفصیلی بات چیت ہوئی ہے اور امریکا میں تعینات پاکستانی سفیر اعزاز چوہدری نے پاکستان اور افغانستان کے لیے نئی امریکی پالیسی کو مختلف زاویوں سے واضح کیا جس کی وجہ سے معاملات کو مزید سمجھنے میں مدد ملی۔وفاقی وزیر خارجہ نے یہ بھی کہا کہ وہ یہ نہیں کہتے کہ ملک میں حالات مکمل طور پر بہتر ہیں، دنیا بے شک اعتراف نہ کرے لیکن پاکستان میں امن قائم ہے۔ پریس کانفرنس کے دوران ان کا کہنا تھا کہ کراچی سے باجوڑ تک مساجد، گاو¿ں، قصبے اور شہر امن کی جانب بڑھ رہے ہیں۔پاکستان کے سفیروں کی تین روزہ کانفرنس میں امریکا، روس، چین، سعودی عرب ،قطر، افغانستان، ایران اور بھارت سمیت مختلف ممالک میں تعینات پاکستانی سفارتکاروں نے شرکت کی۔کانفرنس کے شرکاءنے جغرافیائی سیاسی اور علاقائی صورتحال کے تناظر میں خارجہ پالیسی کی اہمیت اور اس میں مزید بہتری کے امکانات کا جائزہ لیا اور اپنی تجاویز بھی پیش کیں۔ پاکستان نے امریکی صدر ڈونلڈ ٹرمپ کی دھمکیوں کا جواب دیتے ہوئے اپنی خارجہ پالیسی میں بنیادی تبدیلی کا فیصلہ کر لیا ہے۔ وزیر خارجہ خواجہ آصف نے کہا ہے کہ امریکا کے ساتھ تعلقات میں ملکی مفاد سب سے پہلے ہو گا۔ خطے میں تبدیلیاں ہو رہی ہیں، کچھ فیصلے جلد کرنا ہوں گے۔خواجہ آصف نے بتایا کہ سفیروں کی کانفرنس میں ملک کو خارجہ سطح پر درپیش نئے چیلنجز کے تناظر میں خارجہ پالیسی مرتب کرنے کے حوالے سے مشاورت ہوئی۔ ان کا کہنا تھا کہ دنیا کو پاکستان کی قربانیوں کا قائل کرنے کے لئے بھرپور سفارت کاری کریں گے۔ پاکستانی سفیروں کو مظلوم کشمیریوں کی آواز عالمی فورمز پر اٹھانے کا ٹاسک دے دیا ہے۔ ذرائع کے مطابق وزیر اعظم شاہد خاقان عباسی نے اختتامی سیشن سے خطاب کرتے ہوئے کہا افغان مسئلے کا حل فوجی نہیں سیاسی ہے، افغانستان میں فوجی کارروائی کی حکمت عملی کامیاب نہیں ہو گی۔ انہوں نے کہا امریکی صدر کی نئی افغان پالیسی ناکام ہو جائے گی، ٹرمپ کی نئی حکمت عملی کا حال پہلے منصوبوں جیسا ہی ہو گا۔ وزیراعظم نے مزید کہا کسی کو افغان جنگ پاکستان کی سرزمین پر لڑنے کی اجازت نہیں دینگے، بھارت کو افغان سرزمین ہمارے خلاف استعمال کرنے سے روکنا ہوگا۔

لاہور (اپنے سٹاف رپورٹر سے) وزیراعلیٰ پنجاب محمد شہباز شریف نے لندن سے ہدایات جاری کرتے ہوئے کہا ہے کہ حالیہ بارشوں کے پیش نظر ڈینگی سرویلنس کا کام تیز کیا جائے اور ڈینگی سے نمٹنے کیلئے متعلقہ ادارے پوری طرح چوکس ہو کر کام کریں۔ بارشوں کے باعث کھڑے پانی کا فوری نکاس یقینی بنایا جائے،اس حوالے سے کسی قسم کی کوتاہی یا غفلت برداشت نہیں کی جائے گی۔ انہوں نے کہا کہ انسداد ڈینگی کے حوالے سے تمام ادارے مربوط انداز سے کام کریں اور عوام کو ڈینگی سے محفوظ رکھنے کیلئے ہر ضروری قدم اٹھایا جائے۔ انسداد ڈینگی اقدامات کے حوالے سے احتیاطی تدابیر سے عوام کو آگاہ رکھنے کیلئے بھرپور مہم چلائی جائے اور انسداد ڈینگی کے اقدامات کی جدید ٹیکنالوجی کے ذریعے مانیٹرنگ جاری رکھی جائے۔ انہوں نے کہا کہ ڈینگی کے مرض کی روک تھام کیلئے وضع کردہ پلان پر عملدرآمد ہر قیمت پر یقینی بنایا جائے ، اس ضمن میں غفلت یا تساہل کی کوئی گنجائش نہیں۔ ان ڈور اور آﺅٹ ڈور سرویلنس پر بھرپور توجہ دی جائے اور تمام متعلقہ ادارے جذبے اور محنت کے ساتھ کام کریں۔ وزیراعلیٰ محمد شہبازشریف نے کہا کہ خیبرپختونخوا میں ڈینگی کی وباءسے نمٹنے کے حوالے سے پنجاب کی میڈیکل ٹیم کی کارکردگی لائق تحسین ہے، اس پر میں صوبائی وزیر صحت ، سیکرٹریز صحت اور ان کی ٹیم کو شاباش دیتا ہوں۔ انہوں نے کہا کہ پنجاب حکومت کی میڈیکل ٹیم نے ڈینگی سے نمٹنے کیلئے خیبرپختونخوا کے بہن بھائیوں کی بھرپور مدد کی ہے۔ وزےراعلیٰ پنجاب محمد شہبازشرےف نے کہا ہے کہ تعلیم ہی واحدکنجی ہے جو انسانی شعور کے بند دریچوں کے قفل کھولتی ہے۔ تعلیم کے بغیر انسان معاشی و سماجی ترقی نہیں کر سکتا۔ تعلیم حاصل کرنا صرف عبادت ہی نہیں قومی ذمہ داری بھی ہے۔ دنیا کی کوئی بھی قوم تعلیم کے بغیر ترقی اور عروج حاصل نہیں کر سکتی ا ورتعلیم قوم کے بچوں کا بنیادی حق ہے اوراس پر توجہ دینا نہایت ضروری ہے۔ تعلیم ایک ایسا زیو ر ہے جو کسی کی میراث نہیں ہے بلکہ ہر کسی کا بنیاد ی حق ہے۔ معیاری تعلیم کے فروغ اور بہتری کے لیے ہنگامی بنیادوں پر کام کرنا ہے۔وزیراعلیٰ پنجاب محمد شہباز شریف نے عالمی یوم خواندگی کے موقع پراپنے پیغام مےں کہاہے کہ ایک خواندہ شخص کاکردار پورے معاشرے کے کردار کی تشکیل کرتا ہے اور تعلیم کی بدولت ہی قومیںدنیا میں عروج حاصل کرتی اور اپنامقام بناتی ہیں۔ وزیراعلیٰ پنجاب محمد شہبازشریف نے بی اے ،بی اےس سی کے امتحانات مےں نمایاں پوزیشن حاصل کرنےوالے طلبا و طالبات کو مبارکباددی ہے ۔وزےراعلیٰ نے کہا ہے کہ اپنی محنت کے ذریعے پوزیشنیں حاصل کرنےوالوں نے اپنے والدین اور اساتذہ کا سر فخر سے بلند کیا ہے ۔انہوں نے کہا کہ محنت،محنت اورصرف محنت ہی کامےابی کی کنجی ہے۔ میرا ایمان ہے کہ حصول علم سمیت کسی بھی میدان میں محنت کبھی رائیگاں نہیں جاتی۔