لاہور (خصوصی رپورٹ) چیئرمین پیپلز پارٹی بلاول بھٹو زرداری اور انکی دونوں بہنوں بختاور بھٹو زرداری اور آصفہ بھٹو زرداری نے سکیورٹی خدشات کے باعث اکٹھے سفر نہ کرنے کا فیصلہ کرلیا، آئندہ وہ الگ الگ گاڑیوں پر سفر کریں گے۔ ذرائع کے مطابق بلاول بھٹو، بختاور اور آصفہ نے سکیورٹی اداروں کی ہدایت پر فضائی سفر کے سوا ملک کے اندر کسی منزل کی طرف جاتے ہوئے ایک ہی سواری پر اکٹھے سفر نہ کرنے کا فیصلہ کیا ہے۔ اگر ایک ہی مقام پر جانا مقصود ہوگا تو تینوں الگ الگ سواریوں پر اور الگ الگ راستوں سے مختلف اوقات میں اس مقام پر پہنچیں گے۔ آصفہ بھٹو پیر کو کراچی سے بلاول ہاو¿س لاہور آئیں پھر گزشتہ روز پیپلز پارٹی کے رہنما جہانگیر بدر کے گھر اظہار تعزیت کیلئے اکیلی ہی گئیں۔ ذرائع کا دعویٰ ہے کہ بلاول بھٹو بھی آئندہ چندر روز میںاکیلے ہی جہانگیر بدر کے اہلخانہ سے اظہار تعزیت کیلئے لاہور آئیں گے۔

اسلام آباد (خصوصی رپورٹ) پاکستان میں ترک اس وقت ترک سکول سسٹم سے 417 ترک شہری منسلک ہیں‘ جن میں 132 اساتذہ ان کے اہل خانہ شامل ہیںاس وقت ترک سکول سسٹم سے 417 ترک شہری منسلک ہیں‘ جن میں 132 اساتذہ ان کے اہل خانہ شامل ہیںسکولوں کے اساتذہ اور عملے کو تین دن کے اندر (20 نومبر تک) ملک چھوڑنے کا حکم دیا گیا ہے۔ دوسری طرف پاک ترک انٹرنیشنل سکولز اینڈ کالجز کی انتظامیہ کی طرف سے حکومت کے اس فیصلے پر گہری تشویش کا اظہار کرتے ہوئے کہا گیا ہے کہ وہ اس کے خلاف عدالت سے رجوع کرنے کا حق محفوظ رکھتی ہے۔ وزارت داخلہ کے ذرائع کے مطابق اس وقت ترک سکول سسٹم سے 417 ترک شہری منسلک ہیں جن میں 132 اساتذہ اور باقی ان کے اہل خانہ ہیں۔ ذرائع کے مطابق ان سب کے ویزے منسوخ کردیئے گئے ہیں۔ پاک ترک سکول سسٹم معارف فاﺅنڈیشن کے حوالے کردیا جائے گا۔ ذرائع کا کہنا ہے یہ اقدامات ترک صدر رجب طیب اردگان کے دورہ پاکستان کے سلسلے میں کئے گئے ہیں۔ یاد رہے پاک ترک سکول سسٹم کا تعلق فتح اللہ گولن سے جوڑا جاتا ہے جو امریکہ میں خودساختہ جلاوطنی کی زندگی گزار رہے ہیں۔ ترکی میں حالیہ ناکام انقلاب کے بعد ترک کی حکومت نے پاکستان سمیت دنیا بھر سے مطالبہ کیا تھا کہ ترک سکول سسٹم کو بند کیا جائے اور دوسری طرف پاک ترک ایجوکیشن فاﺅنڈیشن کمپنی لمیٹڈ بائی گارنٹی کے بورڈ آف ڈائریکٹرز کے چیئرمین عالمگیر خان کی طرف سے ایک پبلک اناﺅنسمنٹ میں کیا گیا ہے کہ پاک ترک سکولز اینڈ کالجز مینجمنٹ کی طرف سے پاک ترک تعلیمی اداروں میں ملک بھر میں پڑھنے والے بچوں اور ان کے والدین کو یقین دلایا گیا ہے کہ اس سے تعلیمی سرگرمیوں پر کوئی اثر نہیں پڑے گا۔

اسلام آباد (خصوصی رپورٹ) اگرچہ قطر کی کمپنی ریڈکو انٹرنیشنل کے مالکان میں سے ایک سمجھے جانے والے حمد بن جسیم بن جبر الثانی جرح کیلئے سپریم کورٹ یا پھر کمیشن میں پیش ہونے کو تیار ہیں لیکن حکمران جماعت مسلم لیگ (ن)کی جانب سے جمع کرائی جانے والی دستاویزات کے جائزے اور ان کی تصدیق کی وجہ سے پاناما کیس کی کارروائی میں تاخیر ہو سکتی ہے۔ واضح رہے کہ سپریم کورٹ میں منگل کو شہزادہ حمد الثانی کا خط پیش کیا گیا تھا۔ ذرائع نے بتایا ہے کہ شہزادہ حمد الثانی، جو قطر کے سابق وزیراعظم ہیں اور ان کا نام بھی پاناما پیپرز میں آ چکا ہے، کو پاکستان آنے میں کوئی مسئلہ نہیں اور وہ کمیشن یا پھر عدالت میں پیش ہونے کو تیار ہیں۔ شہزادہ الثانی 33 سال کی عمر میں 1990ءکی دہائی میں قطر کے وزیر خارجہ مقرر ہوئے تھے اور بعد میں وزیراعظم بنے۔ 2012ءمیں ان کا نام ٹائم میگزین کی 100 بااثر شخصیات کی فہرست میں شایع ہوا تھا۔ فوربز نے ان کا نام 29 بڑے ارب پتی افراد میں شایع کیا تھا۔ شریف خاندان کی جانب سے پیش کردہ غیرملکی دستاویزات کا جائزہ لیا جا رہا ہے لیکن حکمران جماعت سے قربت رکھنے والے کچھ سینئر وکلاءکا کہنا ہے کہ شریف خاندان کے وکلاءکی جانب سے سپریم کورٹ میں پیش کی جانے والی دستاویزات مختلف ممالک کے مختلف محکموں کی دستاویزات ہیں اور اسی لیے ان کی متعلقہ ممالک سے مناسب انداز سے تصدیق کرائی جائے گی۔ ماہرین قانون کا کہنا ہے کہ ایسی صورتحال میں جب درخواست گزار فریق نے کوئی ٹھوس شواہد پیش نہیں کیے اس وقت شریف خاندان کی جانب سے پیش کردہ دستاویزات کو مناسب تصدیق کے بغیر قابل بھروسہ قرار نہیں دیا جا سکتا‘ لیکن دستاویزات کے مصدقہ نہ ہونے کی وجہ سے قصوروار بھی قرار نہیں دیا جا سکتا۔ ماہرین کا کہنا ہے کہ غیرملکی حکومتوں سے تصدیق کرانے میں بہت وقت لگتا ہے اس لیے یہ واضح ہے کہ پاناما پیپرز کا کیس طوالت اختیار کرے گا۔ ماہرین نے ان شکوک و شبہات کا اظہار بھی کیا ہے کہ اگر شہزادہ حمد الثانی پاکستان آنے کیلئے تیار بھی ہیں تو وہ اپنے بتائے ہوئے وقت پرآئیں گے جس سے مزید تاخیر ہو سکتی ہے۔ یہ بہت ہی دلچسپ بات ہے کہ آیا شہزادہ حمد بن جسیم بن جبر الثانی کی گواہی سپریم کورٹ میں قبول کی جاتی ہے یا نہیں کیونکہ سپریم کورٹ نے منگل کو رحمان ملک کی شریف خاندان کی رپورٹ کو قبول کرنے سے انکار کر دیا تھا کیونکہ رحمان ملک کا نام بھی پاناما پیپرز میں شامل ہے۔
پیش ہونے کو تیار

لاہور (خصوصی رپورٹ) پنجاب اسمبلی کی قائمہ کمیٹی نے شہریوں کو خالص دودھ کی فراہمی اور جانوروں کی خوراک کو ریگولیٹ کرنے کیلئے ”دی پنجاب اینمل فیڈ سٹف اینڈ کمپاﺅنڈ ایکٹ“ کو منظور کر لیا۔پنجاب اسمبلی سے اس قانون کی منظوری کے بعد ملاوٹ کرنے والوں کو جرمانے اور سزائیں ہو سکیں گی۔ قائمہ کمیٹی برائے لائیوسٹاک اینڈ ڈیری ڈویلپمنٹ کا اجلاس چیئرمین زبیرخان کی سربراہی میں ہوا جس میں کمیٹی نے اس قانون پر تفصیلی غوروخوض کیا اور جانوروں کی فیڈ کو ریگولیٹ کرنے کی تجویز دی۔ قانون کے مطابق دودھ میں ملاوٹ کرنے والوں کے خلاف کارروائی ہوگی۔ اس کیلئے لیبارٹریاں اور انسپکٹرز رکھے جائیں گے اور جو لوگ ملاوٹ کرتے پائے گئے ان کو پہلے مرحلہ میں 6ماہ تک قید اور 2لاکھ روپے تک جرمانہ کرنے کی تجویز ہے جبکہ کم سے کم جرمانہ 50ہزار ہو گا۔ دوسری مرتبہ جرم پر سزا ایک سال قید اور جرمانہ 5لاکھ روپے تک ہو سکتا ہے۔ قائمہ کمیٹی نے بل منظور کر کے حکومت کو بھیج دیا جس کی پنجاب اسمبلی کے آئندہ اجلاس میں منظوری کے بعد ایکٹ کی صورت اختیار کر جائے گا۔
ملاوٹ‘ قانون منظور

اسلام آباد(نیٹ نیوز) 38 سالہ حمد بن جاسم 25 اگست 1978 کو قطر کے دارالخلافہ دوحہ میں پیدا ہوئے وہ امیرِ قطر شیخ حمد بن الخلیفہ الثانی کے تیسرے صاحبزادے ہیں۔حمد بن جاسم نے ابتدائی تعلیم کے حصول کے بعد قطر آرمی میں اپنی خدمات انجام دیں وہ تجارتی اور کاروباری سرگرمیوں کے میں اہم کردار ادا کرتے ہیں اور قطر کے بڑے تجارتی گروپ الثانی کے اہم رکن ہیں۔یاد رہے کہ قطر کے شہزادے حمد بن جاسم نے تجارتی گروپ الثانی میں شریف خاندان کی جانب سے سرمایہ کاری سے متعلق لکھے گئے خط کے بعد سے پاکستان میں زیرِ بحث ہیں اور لوگ ان کے بارے میں جاننا چاہتے ہیں۔ یہاں یہ امر قابل ذکر ہے کہ جب شریف خاندان نے1980میں سرمایہ کاری کی تھی اس وقت حمد بن جاسم کی عمر دو سال تھی۔

لاہور (لیڈی رپورٹر)آصفہ بھٹو زرداری نے کہا ہے کہ جہانگیر بدر پیپلز پارٹی کا اثاثہ اور شہید بینظیر بھٹو کے قابل اعتماد ساتھی تھے۔ انہوں نے پیپلزپارٹی کیلئے ناقابل فراموش کام کیا جسے ہمیشہ یاد رکھا جائے گا۔ خواہش ہے کہ جہانگیر بدر کے بچے اور ہم مل کر کام کریں۔ جہانگیر بدر کی نماز جنازہ ادا کر دی گئی تفصیلات کے مابق آصفہ بھٹو جہانگیر بدر کی رہائش آگاہ آئیں اور ان کے اہل خانہ کیساتھ تعزیت کا اظہار کرتے ہوئے مرحوم کی سیاسی خدمات کو خراج عقیدت پیش کیا۔ ان کا کہنا تھا کہ جہانگیر بدر شہید بینظیر بھٹو کے قابل اعتماد ساتھی اور پیپلز پارٹی کا اثاثہ تھے۔ انہوں نے پارٹی کیلئے ناقابل فراموش خدمات سرانجام دیں جنہیں ہمیشہ یاد رکھا جائے گا۔ انہوں نے کہا کہ ہم چاہتے ہیں کہ جہانگیر بدر کے بچے اور ہم مل کر کام کریں۔ آصفہ بھٹو زرداری نے کہا ہے کہ جہانگیر بدر پیپلز پارٹی کا اثاثہ اور شہید بینظیر بھٹو کے قابل اعتماد ساتھی تھے، انہوں نے پیپلزپارٹی کیلئے ناقابل فراموش کام کیا جسے ہمیشہ یاد رکھا جائے گا، خواہش ہے کہ جہانگیر بدر کے بچے اور ہم مل کر کام کریں۔ گزشتہ روز آصفہ بھٹو زرداری پیپلز پارٹی کے سینئر رہنما و سابق وزیر جہانگیر بدر کی رہائشگاہ ٹھوکر نیاز بیگ علی ٹاﺅن پہنچیں اور ان کے اہلخانہ کیساتھ تعزیت کا اظہار کرتے ہوئے مرحوم کی سیاسی خدمات کو خراج عقیدت پیش کیا۔ ان کا کہنا تھا کہ جہانگیر بدر شہید بینظیر بھٹو کے قابل اعتماد ساتھی اور پیپلز پارٹی کا اثاثہ تھے۔ انہوں نے پارٹی کیلئے ناقابل فراموش خدمات سرانجام دیں جنہیں ہمیشہ یاد رکھا جائے گا۔ انہوں نے کہا کہ ہم چاہتے ہیں کہ جہانگیر بدر کے بچے اور ہم مل کر کام کریں۔واضح رہے کہ جہانگیر بدر گردوں اور دل کے عارضے میں مبتلا تھے اور اتوار کی شام دل کادورہ پڑنے کے بعد انہیں ہسپتال لے جایا گیا لیکن وہ جانبر نہ ہو سکے۔