لاہور: (ویب ڈیسک) وفاقی وزیر جاوید لطیف نے کہا ہے کہ منصوبہ بندی کے تحت مسجد نبویؐ کی بے حرمتی کی گئی، اس عمرانی فتنے کو کچلنا ہوگا۔
لاہور میں پریس کانفرنس کرتے ہوئے میاں جاوید لطیف نے کہا کہ ریاست کو اس کا مدعی بننا ہوگا، شیخ رشید نے پہلے ہی بتا دیا تھا کہ وہاں کیا کچھ ہوگا، آپ پاکستان میں فساد اور خون ریزی کرنا چاہتے ہیں۔
انہوں نے مزید کہا کہ عمرانی فتنہ کہتا ہے چاند رات کو موٹر سائیکلوں پر پارٹی پرچموں کیساتھ نکلیں، تمام مکاتب فکر کو اکٹھا کر کےعمرانی فتنے کا خاتمہ کرنا ہوگا۔
لاہور: (ویب ڈیسک) پی ٹی آئی لانگ مارچ کیلئے متحرک ہو گئی ، کارکنوں کی رجسٹریشن کا آغاز کر دیا گیا، تحریک انصاف نے بیس لاکھ لوگوں کو اسلام آباد لے جانے کا ہدف مقرر کیا ہے۔
پی ٹی آئی رہنما فواد چودھری کا کہنا ہے کہ کارکن آج رات کو پرچم لے کر نکلیں اور لانگ مارچ کی ابتدا کریں جبکہ شفقت محمود نے کہا ہے کہ آج لاہور کے لبرٹی چوک میں عمران خان کی ہدایت پر احتجاج ہوگا۔ دوسری طرف پی ٹی آئی نے عید الفطرکے فوری بعد پنجاب میں عوامی رابطہ مہم شروع کرنے کا فیصلہ کیا ہے۔
غلامی نامنظور مارچ کے لئے تحریک انصاف پنجاب نے آرگنائزنگ کمیٹی بنا دی۔ شفقت محمود کنونئیر اورراجہ یاسر ہمایوں کو ڈپٹی کنونئیر مقرر کر دیا گیا۔
چیئرمین عمران خان نے عید الفطر کے فوری بعد پنجاب میں جلسوں کا اعلان کیا ہے، 6مئی کو میانوالی، 10مئی کو جہلم ، 12 مئی کو اٹک، 14مئی کو سیالکوٹ، 15 مئی کو فیصل آباد اور 19 مئی کو چکوال میں جلسہ عام ہو گا۔
لاہور: (ویب ڈیسک) توہین مذہب کے مقدمات کے معاملے پر اسلام آباد ہائیکورٹ نے متعلقہ اداروں کو تحریک انصاف کی قیادت کے خلاف 9 مئی تک کسی قسم کی کارروائی نہ کرنے کی ہدایت کرتے ہوئے ہراساں کرنے سے روک دیا۔
تحریک انصاف کے رہنما فواد چودھری کی جانب سے عدالت میں درخواست دائر کی جس میں موقف اختیار کیا کہ پی ٹی آئی قیادت پر توہین مذہب کا الزام لگا کر مقدمات بنائے جارہے ہیں، عدالت مقدمات میں نامزد ساتھیوں کو غیر قانونی ہراساں کرنے سے روکے اور ملک بھر میں درج مقدمات کو ریکارڈ پر لانے کی ہدایت جاری کرے ، ایف آئی اے یا پولیس کی کوئی بھی کارروائی غیر قانونی قرار دے کر کالعدم قرار دی جائے۔ درخواست پر چیف جسٹس اطہر من اللہ نے سماعت کی۔
دوسری جانب پی ٹی آئی رہنما شہباز گل کی جانب سے بھی حفاظتی ضمانت کی درخواست اسلام آباد ہائیکورٹ میں دائر کی گئی، درخواست میں کہا گیا تھا کہ حفاظتی ضمانت منظور کر کے متعلقہ عدالت میں پیش ہونے کا موقع دیا جائے، اپنے خلاف درج مقدمے میں شامل تفتیش ہونے کو تیار ہوں، میرے خلاف جھوٹی اور من گھڑت ایف آئی آر درج کی گئی۔ عدالت نے سماعت کے بعد فیصلہ جاری کرتے ہوئے شہباز گل کو وطن واپسی پر گرفتار کرنے سے روک دیا۔
واضح رہے کہ چیئرمین عمران خان سمیت پی ٹی آئی رہنماوں کے خلاف مسجد نبوی ﷺ میں پیش آنے والے واقعے پر مقدمات درج کئے گئے ہیں جبکہ وزیر داخلہ رانا ثنا عمران خان کی گرفتاری کا عندیہ بھی دے چکے ہیں۔
کیف: (ویب ڈیسک) روس کی ماریو پول سٹیل پلانٹ پر شدید بمباری کے بعد متاثرین کے انخلا کا عمل جاری ہے، دوسری جانب جنوبی کوریا کے کچھ سفارت کار بھی کیف پہنچ گئے ہیں جس کے بعد جلد کورین سفارت خانہ دوبارہ کھولے جانے کے امکانات ہیں۔
گزشتہ روز روس نے ماریو پول سٹیل پلانٹ پر شدید بمباری کی تھی جس میں متعدد افراد ہلاک ہوگئے تھے، متاثرین کی مدد کے لیے اقوام متحدہ کی ٹیمیں ماریو پول میں موجود ہیں۔
امریکی خاتون اول جل بائیڈن نے جنگ کے متاثرین اور پناہ گزینوں سے ملنے کے لیے رومانیہ اور سلوواکیہ کے دورے کا اعلان کردیا ہے، ڈھائی لاکھ سے زائد یوکرینی جنگ کے باعث نقل مکانی کر چکے ہیں۔
لاہور: (ویب ڈیسک) تحریک انصاف کی قیادت کے خلاف توہین مذہب کے مقدمات کے معاملات پر عدالت سے رجوع کر لیا گیا، اسلام آباد ہائیکورٹ نے درخواست سماعت کیلئے مقرر کر دی۔
تحریک انصاف کے رہنما فواد چودھری کی جانب سے عدالت سے رجوع کیا گیا ہے، انہوں نے درخواست میں موقف اختیار کیا کہ پی ٹی آئی قیادت پر توہین مذہب کا الزام لگا کر مقدمات بنائے جارہے ہیں، عدالت مقدمات میں نامزد ساتھیوں کو غیر قانونی ہراساں کرنے سے روکے اور ملک بھر میں درج مقدمات کو ریکارڈ پر لانے کی ہدایت جاری کرے ، ایف آئی اے یا پولیس کی کوئی بھی کارروائی غیر قانونی قرار دے کر کالعدم قرار دی جائے۔ درخواست پر چیف جسٹس اطہر من اللہ سماعت کریں گے۔
دوسری جانب پی ٹی آئی رہنما شہباز گل کی جانب سے بھی حفاظتی ضمانت کی درخواست اسلام آباد ہائیکورٹ میں دائر کی گئی ہے، درخواست میں کہا گیا ہے کہ حفاظتی ضمانت منظور کر کے متعلقہ عدالت میں پیش ہونے کا موقع دیا جائے، اپنے خلاف درج مقدمے میں شامل تفتیش ہونے کو تیار ہوں، میرے خلاف جھوٹی اور من گھڑت ایف آئی آر درج کی گئی۔
واضح رہے کہ چیئرمین عمران خان سمیت پی ٹی آئی رہنماوں کے خلاف مسجد نبوی ﷺ میں پیش آنے والے واقعے پر مقدمات درج کئے گئے ہیں جبکہ وزیر داخلہ رانا ثنا عمران خان کی گرفتاری کا عندیہ بھی دے چکے ہیں۔
لاہور : (ویب ڈیسک) نیب لاہور نے فرح خان کیخلاف ریکارڈ کے حصول کیلئے متعلقہ محکموں کو خطوط لکھنے کا فیصلہ کر لیا۔
نیب ذرائع کے مطابق فرح خان اور احسن جمیل گجر کے اثاثوں کی تفصیلات سے متعلق خطوط لکھے جائیں گے۔ایف بی آر، سیکیورٹی ایکسچینج،اسٹیٹ بینک سمیت نجی بینکوں سے ریکارڈ مانگا جائے گا۔
فرح خان کے ڈالرز اور پاونڈز اکاونٹس کی تفصیلات مانگی جا رہی ہیں۔اکاونٹس سے متعلق اسٹیٹ بینک سے فنانشل مانیٹرنگ یونٹ کی رپورٹ بھی مانگی جائے گی۔فرح خان کے اثاثوں کیلئے نجی ہاوسنگ سوسائٹیز کوخطوط لکھے جائیں گے۔
فرح خان کے اثاثوں کے لیے 36 اضلاع کے انتظامیہ کو بھی خطوط لکھے جائیں گے۔ریکارڈ کے حصول کے بعد فرح خان کوذاتی حیثیت میں بھی طلب بھی کیا جائے گا۔
نیب ترجمان کا کہنا ہے کہ فرح خان کیخلاف آمدن سے زائد اثاثوں، منی لانڈرنگ کی شکایات موصول ہوئی ہیں۔فرح خان کاکیس نیب کے دائرہ اختیارمیں ہے۔فرح خان کے شوہر احسن جمیل 1997سے99تک ضلع کونسل گوجرانولہ کے چیئرمین رہے۔
اسلام آباد: (ویب ڈیسک) اسلام آباد ہائی کورٹ نے پی ٹی آئی رہنما شہباز گل کو بیرون ملک واپسی پر گرفتار کرنے سے روک دیا۔ فواد چودھری کے خلاف بھی کارروائی نہ کرنے کا حکم دے دیا۔
پی ٹی آئی قیادت کے خلاف درج توہین مذہب کے مقدمات اسلام آباد ہائیکورٹ میں چیلنج کر دیے گئے۔ چیف جسٹس اسلام آباد ہائیکورٹ اطہر من اللہ نے درخواست پر فوری سماعت کرتے ہوئےفواد چودھری کی درخواست پر فریقین کو نوٹس جاری کر دیے۔
عدالت نے حکم دیا کہ سیکرٹری داخلہ یقینی بنائیں کہ فواد چودھری کو ہراساں نہ کیا جائے۔آئندہ سماعت تک ان کے خلاف کوئی کارروائی بھی نہ کی جائے۔عدالتی احکامات کی نقل سیکرٹری قومی اسمبلی کو بھی بھجوانے کی ہدایت کر دی گئی۔
چیف جسٹس اطہر من اللہ نے سماعت کے دوران استفسار کیا کہ شہباز گل کہاں پر ہیں ؟ وکیل نے عدالت کو بتایا کہ وہ 28اپریل کو امریکا گئے تھے، 4مئی کو ان کی واپسی ہے۔
سیاسی طور پر انتقام کا نشانہ بنایا جا رہا ہے۔پٹیشنر عدالت کے سامنے پیش ہونا چاہتے ہیں۔اسلام آباد،فیصل آباد، اٹک، جہلم،کراچی و دیگر شہروں میں مقدمات درج کیے گئے۔شہباز گل سمیت دیگر کیخلاف 11 مختلف مقدمات درج کر لیے گئے ہیں۔ شخ راشد شفیق کو گرفتار کر لیا گیا ہے۔
کیا راشد شفیق تاحال اسمبلی کے ممبر ہیں؟ کیا ان کا استعفی قبول ہوا ہے؟ اگر استعفی قبول نہیں ہوا تو کیا اسپیکر کی اجازت سے بغیر گرفتاری ہوسکتی ہے؟ سیاست میں وضع داری ہر طرف سے ختم ہوگئی۔
چیف جسٹس اطہر من اللہ نے کہا کہ ہم اس عدالت کے دائرہ اختیار تک پولیس کو ہدایات جاری کر دیتے ہیں۔ یہاں پر پی ٹی ایم اور بلوچ سٹوڈنٹس پر بھی مقدمات درج ہوتے رہے ہیں۔جب تک کوئی ڈی نوٹیفائی نہ ہو، اسپیکر کی اجازت کے بغیر گرفتاری نہیں ہو سکتی۔
درخواست میں موقف اپنایا گیا ہے کہ مجھے اور مقدمات میں نامزد ساتھیوں کو ہراساں کرنے سے روکا جائے۔ملک بھر میں درج مقدمات کو ریکارڈ پر لانے کی ہدایت کی جائے۔
درخواست میں کہا گیاہے کہ پٹشنرز اور اس کے ساتھیوں کے بنیادی حقوق کی خلاف ورزی سے روکا جائے۔کس بنیاد پر مقدمات دائر کیے گئے وجوہات سے آگاہ کیا جائے۔
درخواست میں استدعا کی گئی ہے کہ ایف آئی اے یا پولیس کا کوئی بھی ایکشن غیر قانونی قرار دے کر کالعدم قرار دیا جائے۔پی ٹی آئی لیگل ٹیم ایڈوکیٹ فیصل فرید اور ایڈوکیٹ علی بخاری نے درخواست دائر کی۔
واضح رہےکہ مسجد نبوی ﷺ واقعے کے خلاف فیصل آباد میں عمران خان سمیت 150 افراد کے خلاف مقدمہ درج کیا گیا تھا۔فواد چودھری، شہباز گل، شیخ رشید، قاسم سوری، راشد شفیق اور انیل مسرت کو بھی مقدمے میں نامزد کیا گیا ہے۔
اسلام آباد: (ویب ڈیسک) سابق وزیر اعظم عمران خان ملک کو حقیقی آزادی و خودمختاری دلانے تک چین سے نہیں بیٹھیں گے۔ رواں ماہ کے آخر میں اسلام آباد کی جانب ”غلامی نامنظور مارچ“ کا فیصلہ کیا ہے ۔
سابق وزیر اعظم عمران خان نے قوم کو ماہِ صیام کی تکمیل اور عیدِ سعید مبارک دی۔ انہوں نے اپنے پیغام میں کہا ہے کہ اللہ کی نعمتوں میں سے فکر و عمل کی آزادی سب سے بڑی نعمت ہے۔آزادی کی قدر ان کو ہوتا ہے جنہیں غلامی جیسی ذلت کا سامنا رہتا ہے۔
ان کا کہنا ہے کہ 1947ء میں رمضان کی27ویں شب غلامی کی زنجیروں جکڑی قوم کو آزادی ملی۔ سامراج آزادی کے بعد بھی ہم پر بالواسطہ غلامی کے سائے کیے رکھنے پر بضد رہا۔7مارچ کو امریکہ میں پاکستانی سفیر کی جانب سے دفترِ خارجہ کو ایک مراسلہ موصول ہوا۔
انہوں نے کہاہے کہ مراسلے میں امریکی حکام کی ہمارے سفارتی عملے سے باضابطہ ملاقات کا احوال درج تھا۔خفیہ مراسلے کے مندرجات میرے سامنے رکھے گئے تو میں حیرت زدہ رہ گیا۔امریکہ کس قدر ڈھٹائی سے پاکستان کی اندرونی سیاست میں کھلی مداخلت کررہا ہے۔
ان کا کہنا ہے کہ امریکا وزیراعظم کو ہٹانے کا حکم دیتے اور نہ ہٹانے پر سنگین نتائج کی دھمکیاں دیتا ہے۔سیاسی دشمنوں نے ملکر قومی اسمبلی میں منتخب وزیراعظم کیخلاف عدمِ اعتماد کی تحریک لائی۔ڈپٹی سپیکر کی رولنگ کے باوجود حکومت کاتختہ الٹ دیا گیا۔
انہوں نے کہا ہے کہ سازش کا واحد مقصد پاکستان کو غلامی کی ڈگر پر چلانا اور اس حکومت کو سزا دینا تھا۔حکومت قوم کے مفادات کو ایک آزاد خارجہ پالیسی کا مرکز بنانے کی جسارت کررہی تھی۔غلامی کا طوق گلے میں ڈال کر عروج و ترقی کی راہ پر کبھی گامزن نہیں ہوسکتے۔
ان کا کہنا ہے کہ پاکستان کا وقار اس مطلق آزادی و خودمختاری ہی سے وابستہ ہے۔ملک کو حقیقی آزادی و خودمختاری دلانے تک چین سے نہیں بیٹھیں گے۔
رواں ماہ کے آخر میں اسلام آباد کی جانب ”غلامی نامنظور مارچ“ کا فیصلہ کیا ہے ۔
مائیکرو سافٹ کے بانی بل گیٹس نے متنبہ کیا ہے کہ کوروناا وائرس ختم نہیں ہوا ہے۔ ایک بیان میں انہوں نے کہا کہ کوروناا کی نئی تبدیل شدہ شکل تیزی کے ساتھ منتقل ہونے کے ساتھ زیادہ مہلک ہوسکتی ہے۔ ایک مایوس کن لہجے میں مائیکرو سافٹ کے امریکی ارب پتی اور شریک بانی نے بتایا کہ دنیا نے ابھی تک اس وبا کا بدترین مرحلہ نہیں دیکھا ہے۔انہوں نے مزید کہا کہ میں مایوسی نہیں پھیلانا چاہتا مگر حقیقت یہ ہے کہ کوروناا کی نئی تبدیل شدہ شکل زیادہ خطرناک اور پانچ فی صد زیادہ مہلک ہوسکتی ہے۔انہوں نے مزید کہا کہ ہمیں ابھی بھی ایک وبا کا خطرہ ہے۔ تبدیل شدہ کوروناا کی نئی شکل تیزی کے ساتھ پھیلنےوالی اور اس سے بھی زیادہ مہلک ہوسکتا ہے۔ انہوں نے مزید کہا کہ انفیکشن سے بچنے کے لیے طویل مدتی اثر رکھنے والی ویکسین کی اشد اور فوری ضرورت ہے۔گیٹس جنہوں نے “ٓآنے والی وبا کو کیسے روکا جائے‘‘کے عنوان سے ایک کتاب شائع کی تھی نے بین الاقوامی ماہرین کی ایک ٹیم کے قیام پر زور دیا ، جس میں سائنس دان بھی شامل ہیں۔ اس کے علاوہ وبائی امراض کے ماہر، کمپیوٹر ڈیزائنرز اور سافٹ ویئر کےماہرین کی ٹیم تیار کرنے پر زور دیا۔ تاکہ خطرات کا تعین کرنے اور بین الاقوامی کوآرڈینیشن کو بہتر بنانے کے اقدامات کے جا سکیں۔گیٹس نے عالمی ادارہ صحت کے ذریعہ چلائے جانے والے عالمی وبا کے ردعمل کی ٹیم کے قیام کا بھی مطالبہ کیا ہے۔عالمی ادارہ صحت کا کہنا ہے کہ اضافی سرمایہ کاری بہت ضروری ہے کیونکہ وہ دیکھتے ہیں کہ یہ عجیب بات ہے کہ اس سانحے سے نمٹنے میں ناکامی کی حالت ہے۔
لاہور: (ویب ڈیسک) قومی کرکٹ ٹیم کے کپتان بابر اعظم نے غلاف کعبہ کی تیاری میں حصہ لینے کی سعادت حاصل کرلی۔
عمرہ کی ادائیگی کے لیے سعودی عرب میں موجود بابر اعظم نے غلاف کعبہ کی تیاری میں حصہ لینے کا شرف حاصل کیا۔
قومی کرکٹ ٹیم کے کپتان نے انسٹاگرام پر ایک ویڈیو پوسٹ کی جس میں انہیں غلاف کعبہ کی تیاری میں حصہ لیتے ہوئے دیکھا جاسکتا ہے۔
انہوں نے سوشل میڈیا پر پوسٹ شیئر کرتے ہوئے کیپشن میں لکھا ہے کہ اس عظیم سعادت کو حاصل کرنے پر اللہ کا شر گزار ہوں۔ انشاءاللہ یہ اگلے غلاف کعبہ کا حصہ ہوگا۔
یاد رہے کہ بابراعظم نے اس سے قبل مسجد نبوی کے سامنے اور عمرہ ادائیگی کے بعد مسجد الحرام سے بھی تصاویر شیئر کی تھیں۔
