لاہور : (ویب ڈیسک) لاہور ہائیکورٹ پنڈی بینچ نے شیخ رشید کی جانب سے توہین مذہب کا مقدمہ خارج کرنے کی درخواست نمٹادی۔
لاہور ہائیکورٹ راولپنڈی بینچ میں مسجد نبویؐ میں پیش آئے افسوسناک واقعہ پرشیخ رشید کےخلاف درج مقدمے پر سماعت ہوئی جس میں تفتیشی افسر نے شیخ رشید اور ان کے بھتیجے راشد شفیق کو توہین مذہب کے مقدمے میں بے گناہ قرار دیا۔
تفتیشی افسر کی کلین چٹ کے بعد عدالت نے شیخ رشید کی جانب سے مقدمہ خارج کرنے کی پٹیشن نمٹا دی جب کہ ان کے بھتیجے کی درخواست بھی نمٹادی گئی۔
عدالت نے شیخ رشید اورراشد شفیق کو درج مقدمات سے متعلق ٹرائل کورٹ سے رجوع کرنے کا حکم دیا۔

لاہور: (ویب ڈیسک) پاکستان مسلم لیگ (ن) کی نائب صدر مریم نواز نے توشہ خانہ کے تحائف کا خریدار سامنے آنے پر چیئرمین تحریک انصاف عمران خان کو شدید تنقید کا نشانہ بنایا۔
سماجی رابطے کی ویب سائٹ ٹوئٹر پر جاری بیان میں مریم نواز نے کہا کہ ادھر ادھر کی باتیں مت کرو، رسیدیں نکالو! گھڑی کس کو بیچی، نام بتاؤ؟۔
لیگی رہنما نے سوال کیا کہ پیسہ پاکستان کیسے منگوایا؟ وہ بتاؤ، دوسروں کو چور کہنے والا پاکستان کا سب سے بڑا چور نکلا۔ توبہ!۔

لاہور: (ویب ڈیسک) سابق وزیراعظم عمران خان نے کہا ہے کہ بس اب بہت ہو گیا ہے۔
عمران خان کی جانب سے اپنے آفیشل اکاونٹ سے ٹوئٹ کیا گیا کہ کل ایک چینل نے ہینڈلرز کے تعاون سے بے بنیاد کہانی کے ذریعے مجھ پر بہتان لگایا، یہ کہانی مشہور فراڈ اور عالمی مطلوب مجرم کی طرف سے تیار کی گئی ہے۔
میں نے اپنے وکلاء سے بات کی ہے، میں جیو، خانزادہ اور جعلساز کے خلاف نہ صرف پاکستان بلکہ برطانیہ اور یو اے ای میں بھی مقدمہ کروں گا۔

اسلام آباد: (ویب ڈیسک) رہنما پی ٹی آئی فواد چودھری نے کہا ہے کہ عمرفاروق کیخلاف دبئی میں قانونی کارروائی کریں گے، نظام انصاف پر ہمیں اعتماد ہی نہیں ہے، چار دن سے ہمارے سینیٹرز سڑکوں پر ہیں، عمران خان پر جو قاتلانہ حملہ ہوا اس پر نوٹس ہی لے لیں۔
شیریں مزاری اور ذلفی بخاری کے ساتھ پریس کانفرنس کرتے ہوئے فواد چودھری نے کہا کہ سعودی بادشاہ نے عمران خان کو تحفہ دیا، ہمارے چیف آف پروٹوکول نے وہ تحفہ وصول کیا، عمران خان یا کوئی بھی وزیراعظم تحفے براہ راست وصول نہیں کرسکتے۔
پی ٹی آَئی ملک میں کرپشن کے خاتمے کے بیانیے کیخلاف کھڑی ہے، عمران خان کو جوگھڑی ملی تووزارت خارجہ کے پروٹوکول آفیسر نے وصول کی، توشہ خانہ قانون میں بھی پی ٹی آئی دورمیں تبدیلی ہوئی، ہمارے پاس الزام کے دفاع میں جواب لازمی ہونا چاہیے، جس بھی وزیراعظم کو تحائف ملتے ہیں وہ نظام کے تحت توشہ خانہ کےحوالے کیے جاتے ہیں، کابینہ ڈویژن کےتحت تحائف کی ویلیو ایشن ہوتی ہے، عمران خان سے پہلے پاکستان میں کرپشن کوئی مسئلہ ہی نہیں تھا۔
عمران خان کو ملنے والی گھڑی کی قیمت 10کروڑ روپے کے قریب ہے، پی ٹی آئی نے حکومت سبنھالی تو جو تحفہ ملا اس کی 20 فیصد قیمت ادا کرکے رکھ سکتے تھے۔
فواد چودھری نے کہا کہ عمرفاروق کیخلاف دبئی میں قانونی کارروائی کریں گے، نظام انصاف پر ہمیں اعتماد ہی نہیں ہے، چار دن سے ہمارے سینیٹرز سڑکوں پر ہیں، عمران خان پر جو قاتلانہ حملہ ہوا اس پر نوٹس ہی لے لیں، پی ٹی آئی اور عمران خان ایک ہی جمہوری نظام کے لیے کھڑے ہیں، عمر فاروق پر جرائم کے مقدمات ہیں، عمر فاروق پاکستان سے جعلی کاغذات پربچوں کو دبئی لیکر گئے تھے۔
پی ٹی آئی نے عمر فارق کے ساتھ جنگ گروپ کے خلاف بھی لندن میں قانونی کارروائی کا فیصلہ کیا ہے۔
رہنما پی ٹی آئی شیریں مزاری نے کہا کہ یوسف رضا گیلانی کی اہلیہ نے سیلاب متاثرین کو ملنے والا ہارچوری کیا تھا، ہمیں سب پتہ ہے کونسی طاقتیں ہیں جو عمران خان کیخلاف کھڑی ہیں، جب انہیں عمران خان کیخلاف کچھ نہیں ملاتو ایک کریمنل کو سامنے لے آئے لیکن قوم اس وقت عمران خان کیساتھ کھڑی ہے، ایک کریمنل کو لاکر شواہد ظاہر کیے جارہے ہیں، یہ بوکھلاہٹ ہے، ریاست اس وقت مضبوط ہوتی ہے جس عوام ریاست کے پیچھے کھڑے ہو۔
دوسری جانب ذلفی بخاری نے کہا کہ توشہ خانہ سے آصف زرداری اور نوازشریف نے بھی گاڑیاں لی تھیں، آصف زرداری اور نوازشریف نے قانون کی خلاف ورزی کرتے ہوئے گاڑیاں لیں، پروگرام سے پہلے پنٹر کو کال کر کے قیمت بڑھاوائی گئی۔
دبئی سمیت دنیا کے ہر کونے میں کیمرے ہیں، جس ڈیلرکوتحفہ 5 کروڑ70 لاکھ میں بیچا گیا اس نے 6 کروڑ 10لاکھ میں بیچا، الزام لگانے والوں کے پاس فرح بی بی کے جانے کی کوئی ایک فوٹیج تو ہوگی، کہا گیا کہ 2 ملین ڈالر بغیر کسی رسید یا ثبوت کے دے د یئے ہیں، عمرفاروق فرح کو پیسے دینے کا جو دعویٰ کررہے ہیں، اس کی فوٹیجز بھی سامنے لائیں، ایک ماہ سے سرکس جاری ہے ، اس کا ماسٹر مائنڈ کون ہے؟
انہوں نے کہا کہ پتا نہیں کیوں قوم بھول گئی کہ یوسف رضا گیلانی نے ہار اپنے لیے رکھ لیا تھا۔