پنجاب کے وسطی علاقے آج بھی شدید فضائی آلودگی کی لپیٹ میں ہیں۔

دنیا کے بڑے شہروں میں فضائی آلودگی کے لحاظ سے لاہور آج 292 پرٹیکیولیٹ میٹرز کے ساتھ دوسرے نمبر پر ہے۔

 جب کہ فضائی آلودگی کے لحاظ سے آج پہلا نمبر بنگلادیش کے دارالحکومت ڈھاکا کا  ہے جو 388 پرٹیکیولیٹ میٹرز کے ساتھ پہلے نمبر پر ہے۔

فضائی آلودگی کے اعتبار سے بھارتی دارالحکومت نئی دہلی تیسرے اور کولکتہ چوتھے نمبر پر ہے۔

پاکستان کے چھوٹے شہروں کی بات کی جائے تو ملک میں سب سے آلودہ فضا اس وقت فیصل آباد کی ہے جہاں پرٹیکیولیٹ میٹرز کی تعداد 316 ہے۔

پاکستان میں فضائی آلودگی کے لحاظ سے رائیونڈ دوسرے، گوجرانوالا تیسرے اور لاہور چوتھے نمبر پر ہے۔

اسلام آباد: وزیر اعظم عمران خان نے پاک چین اقتصادی راہداری فیز 2 سے متعلقہ اقدامات کو معینہ مدت میں مکمل کرنے کی ہدایات دیتے ہوئے کہا کہ سرمایہ کاروں کو مفید ماحول کی فراہمی کے لیے تمام حکومتی ادارے مل کر کام کر رہے ہیں۔

تفصیلات کے مطابق وزیر اعظم عمران خان کی زیر صدارت ترجیحی شعبوں کا جائزہ اجلاس ہوا، اجلاس میں اسد عمر، حماد اظہر، شوکت ترین، معید یوسف، شہباز گل، چیئرمین سی پیک خالد منصور اور چیئرمین سرمایہ کاری بورڈ اظفر احسن نے شرکت کی۔

اجلاس میں پاک چین اقتصادی راہداری کے فیز 2 پر پیش رفت پر بریفنگ دی گئی، بریفنگ میں کہا گیا کہ خصوصی صنعتی علاقوں میں گیس اور بجلی کی فراہمی پر کام تیزی سے جاری ہے۔

بریفنگ میں کہا گیا کہ سی پیک اتھارٹی کی طرف سے پلگ اینڈ پلے ماڈل تجویز پیش کی گئی جس پر کام جاری ہے، ماڈل کے تحت تمام تر ضروریات کو ون ونڈو آپریشن کے ذریعے پورا کیا جائے گا۔

بریفنگ کے مطابق علاقوں میں صنعتوں کی تعمیر میں تیزی کو یقینی بنایا جائے گا، سرمایہ کاری بورڈ کی جانب سے پورٹل پر کام تقریباً مکمل ہے جلد اجرا کیا جائے گا۔

اجلاس میں وزیر اعظم عمران خان کا کہنا تھا کہ حکومت ملک میں اقتصادی سرگرمیوں کو بڑھانے کے لیے اقدامات اٹھا رہی ہے۔ برآمدی صنعت میں سرمایہ کاری بڑھنے سے روزگار کے مواقع پیدا ہو رہے ہیں۔

انہوں نے کہا کہ سرمایہ کاروں کو مفید ماحول کی فراہمی کے لیے تمام حکومتی ادارے مل کر کام کر رہے ہیں۔

وزیر اعظم نے سی پیک فیز 2 سے متعلقہ اقدامات کو معینہ مدت میں مکمل کرنے کی بھی کی ہدایات کیں۔

اسلام آباد (این این آئی)پی ڈی ایم کے ترجمان حافظ حمداللہ نے کہا ہے کہ پی ڈی ایم نے حکومت کےخلاف فیصلہ کن سفارشات مرتب کرلیں ،(آج) منگل کو سربراہی اجلاس میں توثیق کے بعد اعلان کیا جائےگا، حکومت کے خلاف بطور احتجاج استعفوں کی تجویز بھی موجود ہے ،لانگ مارچ کب کیا جائے گا اس کا اعلان اور فیصلہ قیادت کرے گی،پارلیمنٹ میں سترہ نومبر کو جو قانون سازی کی گئی ہ سیاہ دن تھا،غلط قانون سازی کے خلاف سپریم کورٹ جائیں گے،عدلیہ پر بہت بڑے سولات اٹھ گئے ہیں، وضاحت ججز اور عدلیہ کو کرنی ہے۔ پی ڈی ایم کی اسٹیئرنگ کمیٹی کے اجلاس کے بعد میڈیا سے گفتگو کرتے ہوئے کہاکہ پی ڈی ایم کی اسٹیئرنگ کمیٹی کا اجلاس چار گھنٹے تک جاری رہا،پی ڈی ایم میں شامل تمام جماعتوں کی اجلاس میں نمائندگی موجود تھی،پی ڈی ایم کی تحریک اور احتجاج تیز کرنے پر تبادلہ خیال کیا گیا۔ حافظ حمد اللہ نے کہاکہ تمام جماعتوں کے نمائندوں نے ایجنڈا پر رائے دی،موجودہ حکومت کی شکل میں ملک کو بیماری لاحق ہے۔ انہوںنے کہاکہ پی ڈی ایم نے اس مہلک بیماری سے ملک کو نجات دلانی ہے،پی ڈی ایم کی تمام جماعتوں کے سربراہان کا (آج) منگل کوتین بجے اجلاس ہوگا،تمام تجاویز پر سربراہان (آج)منگل کو غور کریں گے،پی ڈی ایم سربراہان آئندہ کے لائحہ عمل سے عوام کو آگاہ کریں گے۔ حافظ حمد اللہ نے کہاکہ لاہور کا جلسہ، لانگ مارچ، پہیہ جام ہڑتال، شٹرڈاﺅن سب پر غور کیا جارہا ہے،ملک کے تمام شعبہ ہائے زندگی کو ساتھ لے کر احتجاج آگے بڑہایا جائے گا۔ انہوںنے کہاکہ کنونشنز بھی منعقد کئے جانے کی تجویز بھی ہے،استعفوں کی تجویز بھی موجود ہے،گوادر میں جلسے کی تجویز بھی موجود ہے،لانگ مارچ کب کیا جائے گا اس کا اعلان اور فیصلہ قیادت کرے گی۔ انہوںنے کہاکہ پشاور جلسے کو درست طریقے سے میڈیا نے نہیں دکھایا،خیبرپختونخواہ میں بلدیاتی انتخابات چل رہے ہیں۔ انہوںنے کہاکہ پارلیمنٹ میں سترہ نومبر کو جو قانون سازی کی گئی وہ سیاہ دن تھا،غلط قانون سازی کے خلاف سپریم کورٹ جائیں گے۔ انہوںنے کہاکہ عدلیہ پر بہت بڑے سولات اٹھ گئے ہیں۔ انہوںنے کہاکہ وضاحت عدلیہ اور ججوں نے کرنی ہے۔ انہوںنے کہاکہ پارلیمنٹ کے اندر بھی کھیلیں گے اور باہر بھی۔ انہوںنے کہاکہ چاروں صوبوں، میں سیمینارز اور کانفرنس اور گوادر میں جلسہ سفارشات سامنے آئی ہیں ،مارچ میں لانگ مارچ بھی ہو سکتا ہے ،دھرنا بھی ہمارے آپشنز میں شامل ہے۔ ایک سوال پر انہوںنے کہاکہ عدلیہ پر سوالات اٹھ رہے ہیں ،ہمارے تحفظات پہلے سے ہی اٹھ رہے ہیں۔

لاہور(حسنین اخلاق)بے عملی، کرپشن الزمات اور اندرونی خلفشار کا شکار حکومت مخالف اتحاد پی ڈی ایم بھی عوام میں غیر مقبول،آٹھ جماعتوں پر مشتمل الائنس ملک میں مسلسل بڑھتی مہنگائی کے پارلیمنٹ یا باہر موثراحتجاج بھی نہ کرسکاجبکہ حکومتی قانون سازی کو بھی روک نہ پانے کی وجہ سے عوام نے پاکستان ڈیموکرٹیک الائنس کو غیر موثر سیاسی دھڑا قرار دے دیا۔حزب اختلاف کسی بھی جمہوری معاشرے میں توازن کا کردارادا کرتی ہے لیکن ذاتی مفادات کے تابع سیاسی افرادکے لئے سیاسی طور پرمتحرک ہونا ممکن نہیں ہوسکتا ہے ، اپوزیشن کی بے عملی سے حکومت کو فائدہ پہنچا اور ویراعظم کو مضبوط سیاستدان کی حیثیت حاصل ہوگئی ہے۔تفصیلات کے مطابق یوں توحکومت مخالف اتحاد پاکستان ڈیموکریٹک موومنٹ کی تشکیل کو ایک سال سے زیادہ عرصہ ہو چکا ہے۔پاکستان میں موجود حزب اختلاف کی جماعتوں کی طرف سے پاکستان تحریک انصاف کی حکومت کے خاتمے کے عوامی وعدے کے ساتھ وجود میں آنے والایہ الائنس اب تک حکومت گرانا تو بہت دوررہا وزیراعظم کے ان اقدامات کو بھی روکنے میں کامیاب نہیں ہو سکا جسے خود یہ جماعتیں ہی نہیں بلکہ حکومت کی اتحادی جماعتیں اور عوام کی بڑی تعداد غیر جمہوری تصور کرتی ہے۔دوسری جانب عوام پر روزبروز پڑنے والے مہنگائی کے حکومتی بوجھ کو روکنے کے لئے پارلیمنٹ میں کجا عوامی طور پر بھی کوئی موثراحتجاج یا حکمت عملی بنانے سے محروم ہے ۔ملک میں بڑھتی ہوئی مہنگائی سے یقینی طور پر حکومت کی مقبولیت میں بہت تیزی سے فرق پڑا ہے لیکن اپوزیشن کے ہرحربے کوکامیابی سے غیر موثر کرنے کی وجہ سے عمران خان کو عوام میں بطورمضبوط سیاستدان کے دیکھاجارہا ہے ۔ سیاسی تجزیہ کاروں کے مطابق اگر وزیراعظم عمران خان نے مہنگائی کو ایک سطح پر روکنے میں کامیاب ہوجاتے ہیں توعوام کی نظر میں غیر متحداور ذاتی مفادات سے جڑی اپوزیشن کی نسبت پاکستان تحریک انصاف ہی اگلے پانچ سال کے لئے عوام پہلی ترجیح ہوگی۔

اسلام آباد (نامہ نگار خصوصی) وزیر اعظم مشیر خزانہ شوکت ترین نے عالمی مالیاتی ادارے (آئی ایم ایف)سے معاہدہ طے پانے کی تصدیق کرتے ہوئے کرتے ہوئے کہاہے کہ معاہدے کے تحت ایک ارب ڈالر ملیں گے ، پیٹرولیم لیوی میں ماہانہ 4 روپے اضافہ سمیت 5 اہم اقدامات کرنے ہوں گے،بجلی کے نرخ میں ایڈجسٹمنٹ، ٹیکس کے نظام میں بہتری، اخراجات میں احتیاط اور مالیاتی نظم و ضبط وہ چند اہم اقدامات ہیں جن سے ملک کو ٹھوس معاشی بنیادوں پر استوار کرنے میں مدد ملے گی، طویل مدتی اسٹرکچرل مسائل ہیں، سرکاری اداروں کی انتظامیہ میں شفافیت میں اضافہ کرنا پڑے گا،ترجیحی اقدامات کی پیش گوئی کرتا رہا ہوں اور اب ترجیحی اقدامات کے دوران جی ایس ٹی اصلاحات سپلیمنٹری فنانس بل کی صورت میں ہوں گی۔ پیر کو وفاقی وزیر توانائی حماد اظہر کے ہمراہ پریس کانفرنس کرتے ہوئے مشیر خزانہ شوکت ترین نے کہا کہ آئی ایم ایف کے ساتھ معاہدہ طے پاگیا ہے۔ انہوںنے کہاکہ آئی ایم کے ساتھ تبادلہ خیال ہو رہا تھا لیکن یہ ایک اسٹاف معاہدہ کامیابی سے اختتام پذیر ہوا ہے، چھٹے جائزہ اجلاس کے مطابق آئی ایم ایف پاکستان کو تقریباً ایک ارب ڈالر دے گا، جس کے بعد مجموعی 3 ارب ڈالر ہوجائیں گے جو انہوں نے ہمیں دیے ہیں۔آئی ایم ایف سے معاہدے کے تحت جو اقدامات کر نے ہونگے ان میں جی ایس ٹی پر استثنیٰ ختم، پیٹرولیم لیوی ہر مہینے 4 روپے بڑھانا، اسٹیٹ بینک قانون میں ترمیم، کووڈ کے حوالے سے آڈیٹر جنرل کی رپورٹ پیش کرنا اور کووڈ اخراجات کی بینیفشل اونرشپ بتانی ہے شامل ہیں ۔انہوں نے کہا کہ جب یہ ان کے بورڈ سے منظور ہوگا تو ایشائی ترقیاتی بینک، عالمی بینک اور جو ممالک ہمارے ساتھ جڑے ہوئے ہیں وہ بھی وسائل ہمیں دیتے ہیں اور اس طرح یہ بڑے پیمانے پر سرگرمی ہوتی ہے۔شوکت ترین نے کہا کہ آئی ایم ایف نے ایک طرح سے تسلیم کیا ہے کہ کووڈ کے باوجود حکومت پاکستان کی معاشی ترقی جاری ہے اور اصلاحات کے ایجنڈے پر کامیابی سے عمل کر رہے ہیں۔انہوںنے کہاکہ بجلی کے نرخ میں ایڈجسٹمنٹ، ٹیکس کے نظام میں بہتری، اخراجات میں احتیاط اور مالیاتی نظم و ضبط وہ چند اہم اقدامات ہیں جن سے ملک کو ٹھوس معاشی بنیادوں پر استوار کرنے میں مدد ملے گی۔انہوں نے کہا کہ یہ چند اقدامات ہیں جن کو انہوں تسلیم کیا ہے کہ ہم بنیادی طور پر درست سمت پر ہیں، درمیانی سے طویل مدت کی پالیسی اصلاحات پر زور دیا ہے کہ جو خرابیاں ہیں وہ دور ہونی چاہیے۔آئی ایم ایف کے مطالبات دہراتے ہوئے انہوں نے کہا کہ ٹیکس اصلاحات جاری رکھیں، توانائی کے شعبے کے بارے میں کہا ہے کہ اس میں بہتری کی ضرورت ہے اور یہ عمل جاری رہنا چاہیے۔ انہوںنے کہاکہ آئی ایم ایف نے کہا ہے بیرونی اکاو¿نٹ پر دباو¿ ہے اس لیے اسٹیٹ بینک کو وقت پر اقدامات کرنے چاہئیں، پاکستان اس وقت بین الاقوامی سطح پر آنے والے سپلائی چین مسائل سے متاثر ہوا ہے، جس کی وجہ سے مہنگائی ایک مسئلہ ہے، تاہم اتفاق کیا ہے کہ اس پر کوئی اقدامات کرنے ہوں گے، معیشت میں دباو¿ ہے اس کو بھی کم کرنا پڑے گا۔شوکت ترین نے کہا کہ طویل مدتی اسٹرکچرل مسائل ہیں، سرکاری اداروں کی انتظامیہ میں شفافیت میں اضافہ کرنا پڑے گا، پبلک فنانس میں اصلاحات کرنا پڑیں گی، ٹیکس کے قوانین سہل بنانے اور کاروباری ماحول میں آسانی پیدا کرنے پر بھی زور دیا ہے۔انہوں نے کہا کہ اسٹیٹ بینک کے فرائض واضح کرنے کے لیے اصلاحات متعارف کروائی جا رہی ہیں، جس کے تحت اسٹیٹ بینک کا بنیادی مقصد یہ بھی ہوگا وہ قیمتوں کے توازن میں مدد کرے گا۔

فصیلات کے مطابق میڈیا سے گفتگو کرتے ہوئے وفاقی وزیر اطلاعات کا کہنا تھا کہ دنیا کے کرپٹ افراد میں نوازشریف کا نام آیا تھا۔

فواد چوہدری کا کہنا تھاکہ مریم نواز نے کہا تھا کہ پاکستان توکیا لندن میں بھی میری کوئی جائیداد نہیں ہے اور یہ نہ پارلیمان کے سامنے ثبوت دے سکے اور نہ ہی سپریم کورٹ میں پیش کرسکے۔

ان کا کہنا تھا کہ کیلبری فونٹ کی دستا ویزپیش کی گئی جوجعلی ثابت ہوئی، اگر ان کے پاس کوئی ثبوت ہوتے تو پیش کرتے، عمران خان نے 40 سال پرانی رسیدیں عدالت کے سامنے پیش کیں۔

ان کا مزید کہنا تھا کہ قانون میں موجود ہے کہ اگرآپ جائیداد کی ملکیت ثابت نہ کرسکیں تو یہ کرپٹ پریکٹسز ہیں۔

وزیراعظم عمران خان نے افغانستان کے لیے انسانی بنیادوں پر 5 ارب روپے امداد کی منظوری دے دی۔

اسلام آباد میں وزیراعظم عمران خان کی زیرصدارت افغانستان کے لیے قائم اپیکس کمیٹی کا اجلاس ہوا۔

اعلامیےکے مطابق اجلاس میں آرمی چیف جنرل قمرجاویدباجوہ اور قومی سلامتی کے مشیر معید یوسف نے بھی شرکت کی، اجلاس میں وزیر خارجہ شاہ محمود قریشی اور مشیر خزانہ شوکت ترین بھی موجود تھے۔

اعلامیےکے مطابق اجلاس میں وزیراعظم نے افغانستان کے لیے انسانی بنیادوں پر 5 ارب روپے امداد کی منظوری دی اوربعد ازاں انہوں نے افغانستان کے لیے قائم بین الوزارتی رابطہ سیل کا بھی دورہ کیا۔