گجرات : (ویب ڈیسک) بھارت کی ہندو انتہا پسند حکمران جماعت بی جے پی نے گجرات اسمبلی کے الیکشن کے لیے بھارتی ٹیم کے نامور آل راؤنڈر رویندرا جڈیجا کی اہلیہ کو بھی ٹکٹ جاری کر دیا۔
بھارتی میڈیا کے مطابق بی جے پی نے روابا جڈیجا کو گجرات کے علاقے جام نگر سے اسمبلی ٹکٹ دیا ہے جبکہ بھارتی کرکٹر کی بہن نینابا جڈیجہ کانگریس کے لیے مہم چلا رہی ہیں اور انہوں نے بی جے پی کے فیصلے کو تنقید کا نشانہ بناتے ہوئے الیکشن میں بھابھی کے خلاف جانے کا فیصلہ کیا ہے۔
نینابا جڈیجا کا کہنا ہے میں سمجھتی ہوں کہ اگر بی جے پی نے اسمبلی ٹکٹ کے لیے ایک نیا چہرہ متعارف کرایا ہے تو یہ نشست کانگریس کے حصے میں آئے گی کیونکہ نئے چہرے (روابا جڈیجا) کو سیاست کے بارے میں فہم و فراست ہے اور نا ہی وہاں پر بی جے پی اتنی منظم ہے۔
دوسری جانب بھارت آل راؤنڈر رویندرا جڈیجا نے اہلیہ کو بی جے پی کا ٹکٹ ملنے پر خوشی کا اظہار کرتے ہوئے انہیں مبارکباد دی اور کہا کہ مجھے آپ کی تمام کاوشوں پر فخر ہے اور آپ کے لیے نیک تمنائیں ہیں، امید ہے کہ آپ معاشرے کی بہتری کے لیے کام کرتی رہیں گی۔
رویندرا جڈیجا نے اہلیہ روابا جڈیجا پر اعتماد کا اظہار کرنے پر وزیر اعظم نریندر مودی اور وزیر داخلہ امیت شاہ کا بھی شکریہ ادا کیا۔
یاد رہے کہ گجرات اسمبلی کے دوسرے مرحلے لیے ووٹنگ کا آغاز یکم سے 5 دسمبر تک ہو گی۔
