پیرس: (ویب ڈیسک) فرانس فٹبال فیڈریشن نے دوران میچ مسلم خاتون کھلاڑیوں کے حجاب یا اسکارف پہننے پر پابندی عائد کردی ہے تاہم وزیر برائے صنفی مساوات نے اس اقدام کی مذمت کی ہے۔
عالمی خبر رساں ادارے کے مطابق فرانس کی صنفی مساوات کی وزیر ایلزبتھ مونیریو نے ملک کی فٹبال فیڈریشن کی جانب سے مسلم خواتین فٹبالرز کے حجاب یا اسکارف لینے پر پابندی کے فیصلے کی شدید الفاظ میں مذمت کی ہے۔
فرانس کی وزیر برائے صنفی مساوات ایلزبتھ نے اسکارف یا حجاب پر پپابندی کے خلاف عدالت جانے والی خواتین کو اپنی مکمل حمایت کا یقین دلاتے ہوئے کہا ہے کہ فرانس ایک سیکولر ملک ہے جہاں سب کو مذہبی آزادی حاصل ہے۔
فرانس میں دو ماہ بعد ہی صدارتی الیکشن ہونے جا رہے ہیں اور اس سے قبل شدت پسندوں کے ووٹ حاصل کرنے کے لیے صدر ایمانوئیل میکرون کی حکومت مسلم دشمنی پر مبنی امتیازی قوانین لاگو کر رہی ہے۔
حال ہی میں ایک ایسا ادارہ بھی تشکیل دیا گیا ہے جس میں مسلمانوں کو دہشت گرد گردانتے ہوئے اصلاحات کے نام پر ذہن سازی کی جائے گی جسے مسلم کمیونیٹی نے مسترد کردیا ہے۔
اسی طرح فرانسیسی سینیٹ نے جنوری میں ایک قانون کی تجویز پیش کی تھی جس کے تحت تمام مسابقتی کھیلوں میں واضح مذہبی علامتوں کے پہننے پر پابندی ہوگی جس پر فٹبال فیڈریشن نے حجاب اور اسکارف پر پابندی عائد کردی تھی۔

کابل: (ویب ڈیسک) طالبان نے صوبے فریاب کے شہر میمنہ کے میئر کے لیے 25 سالہ نوجوان داملا محب اللہ موافق کا انتخاب کیا ہے جو افغان جنگ میں ماہر اسنائپر کے طور پر شہرت رکھتے تھے۔
عالمی خبر رساں ادارے کے مطابق افغانستان کے صوبے فریاب کے شہر میمنہ میں 25 سالہ نوجوان کو میونسپل ورکز سے سیوریج لائن کھلواتے، سڑکوں سے پانی صاف کرواتے اور کچرا اُٹھواتے دیکھا جا رہا ہے جو اپنے دفتر میں شہریوں کے نجی جھگڑوں اور دیگر مسائل کو بھی حل کرتے دکھائی دیتے ہیں۔
یہ نوجوان داملا محب اللہ موافق ہیں جو اس وقت فریاب کے شہر میمنہ کے میئر ہیں تاہم خاموش طبع لیکن اپنے کام میں جتے رہنے والا یہ نوجوان افغان جنگ میں طالبان کا سب سے اہم ترین اسنائپر تھا جس نے غیر ملکی فوجیوں کے خلاف آپریشن میں حصہ لیا۔
داملا اللہ محب اللہ کا کہنا ہے کہ افغان وار کے دوران ان کی ذمہ داری غیر ملکی قبضے، ناانصافی اور امتیازی سلوک کے خاتمے کے لیے جدوجہد کرنا تھی جب کہ اس وقت میرے اہداف ملک کی خوشحالی اور اپنے عوام کی فلاح و بہبود کے لیے کام کرنا ہے۔

کیلی فورنیا: (ویب ڈیسک) امریکی ریاست کیلی فورنیا کی راکٹ لانچنگ کمپنی کا راکٹ کے ذریعے 4 سٹیلائٹس کو مدار میں لے جانے کا پہلا تجربہ ناکام ہوگیا جس سے چاروں سٹیلائٹس بھی ضائع ہوگئے۔
امریکی میڈیا کے مطابق ریاست کیلی فورنیا کے شہر فلوریڈا میں ایئرو اسپیس کمپنی ’’آسٹرا‘‘ کا پہلا سٹیلائٹس لانچنگ تجربہ ایلانا-41 مشن کیپ کینویرل اسپیس فورس اسٹیشن سے کیا گیا جو ناکام رہا۔
6 سال قبل وجود میں آنے والی ایئر اسپیس کمپنی آسٹرا کے 43 فٹ لمبے راکٹ نے مار ہونے کے بعد فضا میں اچھی کارکردگی کا مظاہرہ کیا تھا تاہم 3 منٹ بعد راکٹ ہچکولے کھاتے ہوئے نیچے اور کبھی اوپر کی جانب پرواز کرنے لگا۔
اپنی پرواز کے دوسرے مرحلے میں منزل مقصود کی جانب سفر جاری رکھنے کے بجائے راکٹ گھومنے لگتا ہے اور سٹیلائٹ کو مدار میں پہنچانے میں ناکام ہوجاتا ہے۔
آسٹرا کمپنی کے حکام کا کہنا ہے کہ راکٹ میں پیدا ہونے والی خرابی سے متعلق معلومات جمع کر رہے ہیں جس کی بنیاد پر آئندہ کیے جانے والے تجربات کو محفوظ اور کامیاب بنائیں گے۔

ڈھاکہ: (ویب ڈیسک) ڈھاکہ یونیورسٹی کی طالبات نے انسانی ہاتھوں کی زنجیر بنا کر بھارت میں اینٹی حجاب موومنٹ کے خلاف اپنا احتجاج ریکارڈ کرایا ہے۔
ڈھاکہ یونیورسٹی کی طالبات نے دوران احتجاج بینرز اور پلے کارڈز اٹھا رکھتے تھے جن پر حجاب کے حوالے سے مختلف نعرے و مطالبات درج تھے۔ احتجاجی طالبات نے حجاب اور اسکارف بھی پہن رکھے تھے۔
عالمی خبر رساں اداروں کے مطابق بنگہ دیش یونیورسٹی کی طالبات کا اس موقع پر کہنا تھا کہ حجاب پہننا پوری دنیا کی مسلم خواتین کا ذاتی انتخاب اور مذہبی عمل ہے۔
ڈھاکہ یونیورسٹی کی احجاجی طالبات نے واضح طور پر کہا کہ کسی بھی ریاست کو کسی کی ذاتی اور مذہبی آزادی میں مداخلت کا کوئی حق نہیں ہے۔
واضح رہے کہ بھارتی ریاست کرناٹک میں ایک مسلمان طالبہ مسکان خان کو دیکھ کر زعفرانی مفلر والے جتھے نے ہراساں کیا تھا بلکہ جے شری رام کے نعرے بھی لگائے تھے جس کے جواب میں اکیلی مسلمان طالبہ نے اللہ اکبر کے نعرے لگا کر انہیں منہ توڑ جواب دیا تھا۔
کرناٹک ہائی کورٹ نے گزشتہ روز اسی حوالے سے کی جانے والی سماعت کے دوران مسلمان طالبات کے لیے ہدایت جاری کی ہیں کہ وہ فیصلہ ہونے تک حجاب اور مذہبی لباس پہننے سے اجتناب برتیں جس پر پوری دنیا سے شدید ردعمل ظاہر کیا جا رہا ہے۔