کراچی: وزیراعظم عمران خان نے گرین لائن منصوبے کے ٹرائل آپریشنز کا افتتاح کردیا۔

وزیراعظم عمران خان گرین لائن منصوبے کے ٹرائل آپریشنز کے افتتاح کے لیے آج کراچی پہنچے، افتتاح کےموقع پر وفاقی وزیر اسد عمر، گورنر سندھ عمران اسماعیل اور دیگر بھی وزیراعظم کے ہمراہ تھے۔

اس موقع پر وزیراعظم عمران خان نے گرین لائن اسٹیشن کا دورہ کیا اور بسوں کا معائنہ کیا جب کہ انہیں حکام نے پراجیکٹ کے حوالے سے بریفنگ بھی دی۔

گزشتہ روز گورنر سندھ عمران اسماعیل اور وفاقی وزیر برائے منصوبہ بندی اسد عمر نے مشترکہ پریس کانفرنس کرتے ہوئے بتایا تھا کہ وزیراعظم عمران خان گرین لائن منصوبے کے ٹرائل آپریشنز کا افتتاح کریں گے اور 25 دسمبر سے منصوبے کو کمرشل بنیادوں پر چلایا جائے گا۔

دوسری جانب گزشتہ روز مسلم لیگ ن کے رہنما احسن اقبال، سابق گورنر سندھ محمد زبیر اور سابق وزیر خزانہ مفتاح اسماعیل نے وزیراعظم عمران خان سے ایک روز پہلے ہی گرین لائن منصوبے کا افتتاح کر دیا تھا۔

اس موقع پر پولیس اور مسلم لیگ ن کے کارکنوں کے اور سکیورٹی اہلکاروں کے درمیان جھڑپ بھی ہوئی اور اس موقع پر مسلم لیگ ن کے رہنما احسن اقبال کو ہاتھ پر ڈنڈا لگنے سے چوٹ بھی لگ گئی تھی۔

حساس اداروں نے کارروائی کرتے ہوئے شور کوٹ ایئر بیس کے قریب بھاری مقدار میں بارودی مواد اور گولیاں برآمد کر لیں۔
ذرائع کا کہنا ہے کہ جھنگ کی تحصیل شور کوٹ میں ایئر بیس کے قریب حساس ادارے نے بروقت کارروائی کرتے ہوئے افسران کو ٹارگٹ کرنے کی کوشش ناکام بنا دی ہے، تھانہ اروتی کے علاقے سے بھاری مقدار میں بارودی مواد اور گولیاں برآمد کر لی گئی ہیں۔
ذرائع کے مطابق سرچ آپریشن داعش کے رکن محسن کی نشاندہی پر کیا گیا، دہشت گردوں نے بارودی مواد ایئر بیس اور افسران کو نشانہ بنانے کے لیے چھپایا تھا۔ حساس ادارے اور پولیس نے محسن کے دیگر ساتھیوں کے لیے شورکوٹ اور دیگر علاقوں میں کاروائیاں شروع کر دی۔

لاہور(آئی این پی) فضائی آلودگی کے اعتبار سے بدھ بھی لاہور دنیا کے آلودہ ترین شہروں میں پہلے نمبر پر آگیا ہے۔ایئر کوالٹی انڈیکس کے مطابق لاہور کی فضاﺅں میں آلودہ ذرات کی مقدار 224 پرٹیکیولیٹ میٹرز ریکارڈ کی گئی، چینی شہر ووہان آلودہ ترین شہروں میں دوسرے جبکہ دہلی تیسرے نمبر پر ہے۔درجہ بندی کے مطابق 151سے200 درجے تک آلودگی مضر صحت ہے، 201سے 300 درجے تک آلودگی انتہائی مضر صحت ہے، 301سے زائد درجہ ، خطرناک آلودگی کو ظاہر کرتا ہے۔فضائی آلودگی ہوا میں موجود وہ مادے یا ذرات ہوتے ہیں جو کہ انسانی سرگرمیوں کی بدولت فضا کا حصہ بنتے ہیں۔ فضائی آلودگی گیسوں کی زیادتی، زہریلی گیسوں، تابکاری شعاعوں، کیمیائی مادوں، ٹھوس ذرات، مائع قطرات، گرد و غبار اور دھویں وغیرہ کی وجہ سے پیدا ہوتی ہے اور یہ انسانی صحت اور ماحول دونوں کو نقصان پہنچانے کا باعث بنتے ہیں۔دوسری جانب محکمہ موسمیات کا کہنا ہے کہ اگلے 24 گھنٹے میں شہر کا موسم سرد اور خشک رہےگا۔

لاہور، سیالکوٹ، گوجرانوالہ (نمائندگان خبریں) وزیر اعلیٰ پنجاب سردار عثمان بزدار کی ہدایت پرسانحہ سیالکوٹ کے مرکزی کرداروں کی گرفتاری کےلئے پولےس کے چھاپے جاری ہےں اور مزید 8مرکزی ملزمان کو گرفتارکرلےاگےا ہے۔ پنجاب پولیس نے سی سی ٹی وی فوٹیج اورموبائل کالز ڈیٹا کی مددسے8مرکزی ملزمان کو گرفتارکےااوراب تک 34مرکزی ملزمان کو گرفتار کےا جاچکا ہے ۔ گرفتار ملزمان میں واقعہ کی ویڈیو بنانے، اشتعال دلانے اور تشدد کرنے والے بھی شامل ہیں۔ ترجمان پنجاب پولیس نے کہا کہ وزیراعلیٰ پنجاب سردار عثمان بزدار اور آئی جی پنجاب کیس کی تحقیقات کو مسلسل مانیٹر کر رہے ہیں۔ سانحہ سیالکوٹ میں گرفتار آٹھ ملزمان کو جسمانی ریمانڈ پر پولیس کے حوالے کردیا گیا ۔ تفصیلات کے مطابق سیالکوٹ کی نجی فیکٹری میں سری لنکن شہری کو بہیمانہ تشدد کے بعد جلا کر مارنے والے آٹھ ملزمان کو سخت سیکیورٹی میں گوجرانوالہ کی اے ٹی سی میں پیش کیا گیا۔ سماعت کے موقع پر پولیس نے عدالت سے ملزمان کے جسمانی ریمانڈ کی استدعا کرتے ہوئے موقف اپنایا کہ دلخراش واقعے سے متعلق مزید حقائق جانچنے ہیں لہذا گرفتار ملزمان کا جسمانی ریمانڈ دیا جائے۔ عدالت نے پولیس کی استدعا منظور کرتے ہوئے ملزمان کوجسمانی ریمانڈ پر پولیس کے حوالے کیا اور 21 دسمبر کو دوبار پیش کرنے کا حکم دیا۔ سری لنکن شہری پریانتھا کمارا قتل کیس سے متعلق تحقیقات میں مزید نئے انکشافات سامنے آئے ہیں جن کے مطابق وقوعہ کے وقت فیکٹری میں 2 ہزار ورکرز تھے، پریانتھا کے نائب کے طور پر کام کرنے والا وحید بھی جھگڑے کے وقت ساتھ تھا، صورتحال دیکھ کر وحید پریانتھا کو تیسری منزل پر اس کے دفتر لے گیا تھا۔پولیس کی جانب سے جاری کی گئی تحقیقاتی رپورٹ کے بائیومیٹرک مشین ڈیٹا کے مطابق وقوعہ کے وقت فیکٹری میں 2 ہزار ورکرز تھے، پریانتھا کے نائب کے طور پر کام کرنے والا وحید بھی جھگڑے کے وقت ساتھ تھا، صورتحال دیکھ کر وحید پریانتھا کو تیسری منزل پر اس کے دفتر لے گیا تھا۔پولیس تحقیقات کے مطابق وحید نے فیکٹری مالک شہباز بھٹی کے ساتھ مل کر صورتحال سنبھالنے کی کوشش کی تھی، اشتعال بڑھتا دیکھ کر وحید ہی پریانتھا کو چھت پر لےکر گیا تھا۔رپورٹ کے مطابق پریانتھا کمارا سے اپنی طرف کا دروازہ لاک کرنے کا کہہ کر وحید جلدی سے نیچے آ گیا تھا، بدقسمتی سے چھت کی طرف دروازے کی کنڈی نہیں تھی۔ رپورٹ کے مطابق وقوعہ کے وقت فیکٹری میں 3 سو خواتین ورکرز بھی موجود تھیں، واقعہ بلاک کے 4 میں پیش آیا تھا، خواتین ورکرز کے 3 بلاک میں تھیں، وحید نے خواتین ورکرز کو کے 3 سے نکال کر عمارت کے عقبی حصے میں منتقل کیا تھا۔پولیس کی تحقیقاتی رپورٹ میں بتایا گیا ہے کہ بروقت محفوظ مقام پر منتقل ہونے سے خواتین ورکرز محفوظ رہیں۔پولیس کے مطابق فیکٹری سے لیے گئے10 ڈی وی آر، بائیومیٹرک مشینیں، جائے وقوعہ سے متعلق ویڈیوز بھی پنجاب فرانزک لیب بھجوادی گئی ہیں۔پولیس کے مطابق فرانزک رپورٹ آنے پر ویڈیوز اور بائیومیٹرک حاضری کو شواہد کا حصہ بنایا جائے گا۔

لاہور (سپیشل رپورٹر) پنجاب کے میدانی علاقوں میںدھند کا سلسلہ شروع ہوتے ہی لیسکو کے ٹرانسفارمر چوری ہونے کا سلسلہ شروع ہو گیا۔ متعلقہ حکام چوری کے مقدمات درج کرادیئے ہیں۔ ذرائع کا کہنا ہے ٹرانسفارمر چوری میں لیسکو عملے کے افراد بھی ان گینگزاور نجی ورکشاپس کا عملہ ملوث ہے۔ بتایا گیا ہے کہ انتہائی تربیت یافتہ چوروں کے کینگ لیسکوکی حدود میںاہم شاہراﺅں پرایسے مقامات پر 50اور 100کے وی کے ٹرانسفارمر پر نظر رکھتے ہیں جیسے ہی دھندیں پڑنا شروع ہوتی ہیں یہ مافیا کریں اور لوڈر گاڑیوںمیں آتے ہیںاور پھر علی الصبحوں ٹرانسفارمرکے نیچے گاڑی کھڑی کر کے مہارت کے ساتھ ٹرانسفارمرکا کنکشن منقطع کر کے کرین سے مشینری نکال کر لے جاتے ہیں۔ مقامی آبادیوںکے افرادیہی سمجھتے ہیں لوڈشیڈنگ کی وجہ سے لائٹ منقطع ہے۔ لیسکو ذرائع کا کہناہے کہ اوکاڑہ اور قصور میں 4 ٹرانسفارمر چوری ہوچکے ہیں جبکہ گزشتہ سال بھی ٹرانسفارمر چوری ہوئے تھے ۔ لیسکو ذرائع کے مطابق ٹرانسفارمر 2سے چاراورپانچ لاکھ روپے مالیت لیکن اگر ٹرانسفارمرمت کرنے والی نجی ورکشاپس ہی مہنگے داموںچوری کے ٹرانسفارمر خرید کر فروخت کرتے ہیں ورنہ ان سے کاپر نکال کر فروخت کیاجاتا ہے۔لیسکواوکاڑہ کے ایک اعلی کا کہنا ہے کہ گزشتہ سال چوروں کو رنگے ہاتھوں گرفتارکر کے رینالہ پولیس کے حوالے کیا لیکن موثرتفتیش نہ ہونے پر فیصل آبادسے تعلق رکھنے والے ملزمان ضمانتیں کر وا کے فرار ہو گئے ۔اب دوبارہ ٹرانسفارمر چوری ہونے پر انہوںنے ایسی wارداتوں کی روک تھام کے لئے مساجد میں اعلانات کے علاوہ جہاں ٹرانسفارمر نصب ہیںوہاں مقامی رہائشیوں کو الرٹ رہنے کی درخواست کی ہے اسی طرح لیسکو کے عملے سے بھی ایسے علاقوں میںگشت کرواتے ہیں۔

لاہور (خصوصی رپورٹر) وزیراعلیٰ پنجاب سردار عثمان بزدارنے وزیر اعلی آفس کا اچانک دورہ کےا ۔ وزیر اعلیٰ عثمان بزدار نے سیکرٹریز، ایڈیشنل سیکرٹریز، ڈپٹی سیکرٹریز اوردےگر سٹاف کے دفاتر کا دورہ کیا ۔ وزیر اعلیٰ عثمان بزدار نے دفاتر میں افسروں اور سٹاف کی حاضری چیک کی ۔وزیر اعلیٰ عثمان بزدار نے فائل ورک اورسمرےوں کی ڈسپوزل کا جائزہ لیا ۔ وزیراعلیٰ عثمان بزدار نے وزےراعلیٰ آفس مےں سمرےوں کوجلد نمٹانے کی ہداےت کرتے ہوئے کہا کہ وزےراعلیٰ آفس آنے والی فائلوں پر قواعد و ضوابط کے تحت فی الفور کارروائی کی جائے۔وزیر اعلیٰ عثمان بزدار کانفرنس روم کا بھی دورہ کےا اورکانفرنس مےں سٹاف میٹنگ کے شرکاءسے ایجنڈے پر بات چیت کی ۔وزیر اعلیٰ عثمان بزدار نے سیکرٹری امپلی منٹیشن ، ایڈیشنل سیکرٹری کمیونیکیشن اور دیگر افسرو ں کے دفاتر کو چیک کیا۔وزیر اعلیٰ عثمان بزدار نے دفتری اوقات کی پابندی اورنظم وضبط پر سختی سے عملدرآمد کی ہدایت کی ۔وزےراعلیٰ نے کہا کہ وزےراعلیٰ آفس مےں اپنے آنے والے لوگوںکے مسائل کے حل کےلئے کوئی کسر اٹھا نہ رکھی جائے ۔مسائل کے حل کےلئے آنے والے لوگوں سے عزت اوراحترام سے پےش آےا جائے۔انہوںنے کہا کہ وزیر اعلیٰ آفس کے افسروں اور سٹاف کودےگرمحکموںکے افسروں اورعملے کے لئے مثال بننا ہو گا – عوام کے مسائل کے فوری حل کیلئے د فاتر کے اچانک دورے جاری رکھوں گااور افسران کو پبلک سروس ڈلیوری کو یقینی بنانا ہو گا – ڈپٹی سیکرٹری آفس میں موجود ارکان اسمبلی اور دیگر شخصےات نے وزیر اعلیٰ عثمان بزدار کی اچانک آمد پرخوشگوار حیرت کا اظہار کےا۔ وزیراعلیٰ نے آفس میں موجود مشیر حنیف پتافی ، رکن پنجاب اسمبلی طاہر رندھاوا اور دیگر شخصیات سے حال احوال پوچھا ۔ صوبائی مشیر حنیف پتافی نے کہا کہ آپ کے سرکاری دفاتر کے دوروں سے محکموںکی کارکردگی میں بہتری آرہی ہے اور ان دوروں کا عوام میں مثبت پیغام جا رہا ہے -ایم پی اے طاہر رندھاوا نے کہا کہ گڈگورننس یقینی بنانے کیلئے وزیر اعلیٰ عثمان بزدار کے دفاتر کے اچانک وزٹ ضروری ہیں۔وزیراعلیٰ پنجاب سردار عثمان بزدار سے وزےراعلیٰ آفس مےں چیئرمین پاکستان کرکٹ بورڈ رمیز راجہ کی سربراہی مےں وفد نے ملاقات کی ،جس مےںصوبے مےں نچلی سطح پر کرکٹ کے فروغ اور گراو¿نڈزکی تعداد بڑھانے کےلئے مشترکہ اقدامات کااتفاق کےا گےا۔وزےراعلیٰ عثمان بزدار نے اس موقع پر گفتگو کرتے ہوئے کہا کہ پنجاب حکومت صوبے کے دےہات مےں پلے گراو¿نڈزبنارہی ہے ۔رواں برس دےہات کی سطح پر 500پلے گراو¿نڈز تےار ہوجائےںگی۔