ممبئی: (ویب ڈیسک) بھارتی کرکٹ ٹیم کے نائب کپتان کے ایل راہول اور بالی وڈ اداکار شنیل شیٹی کی بیٹی و اداکارہ اتھیا شیٹی رواں سال شادی کے بندھن میں بندھ جائیں گے۔
بالی وڈ اور کرکٹ کا آپس میں گہرا تعلق ہے اور کئی کرکٹرز نے بالی وڈ اداکاراؤں کے ساتھ شادی کی ہے جس میں اظہر الدین، ویرات کوہلی سمیت کئی شامل ہیں۔
سنیل شیٹی کی بیٹی اتھیا شیٹی اور کے ایل راہول کئی سال سے قریبی دوست ہیں اور اب یہ دوستی رشتے میں تبدیل ہونے جا رہی ہے۔
بھارتی میڈیا رپورٹس کے مطابق کے ایل راہول اور اتھیا شیٹی رواں سال کے آخر میں رشتہ اذدواج میں منسلک ہوجائیں گے۔ رپورٹس میں کہا گیا ہے کہ دونوں خاندانوں نے شادی کی تیاریاں شروع کردی ہیں اور رواں سال سردیوں میں دونوں کی شادی ہوگی۔
شادی کی تاریخ اور مقام فی الحال طے نہیں پایا ہے جبکہ یہ شادی جنوبی ہندوستان کی کلچر کے مطابق ہوگی۔
