All posts by Khabrain News

انٹر نیشنل

بحری فوج نے جھڑپ کے بعد 21 بھارتی ماہی گیروں کو گرفتار کرلیا، سری لنکا

کولمبو: (ویب ڈیسک) سری لنکا کے سمندر میں غیر قانونی طور پر فشنگ کرنے والے 21 بھارتی ماہی گیروں کو جھڑپ کے بعد گرفتار کرلیا جس کے دوران ملکی بحریہ کے فاسٹ اٹیک کرافٹ کو بھی شدید نقصان پہنچا ہے۔
عالمی خبر رساں ادارے کے مطابق سری لنکا کی بحری فوج نے اپنے جزیرے کی حدود میں مچھلی کا غیر قانونی شکار کرنے والے دو بھارتی ٹرالروں کو واپس جانے کے لیے کہا لیکن بھارتی ماہی گیروں نے ہٹ دھرمی دکھائی۔
سری لنکا کی بحریہ کی جانب سے جاری بیان میں مزید کہا گیا ہے کہ بھارتی ماہی گیروں کے ساتھ تصادم کے نتیجے میں ایک فاسٹ ٹیک کرافٹ کو نقصان پہنچا ہے تاہم بحری فوج نے بھارتی ٹرالرز کو ضبط کرکے 21 ماہی گیروں کو گرفتار کرلیا۔
بیان میں تصادم کے نتیجے میں جانی نقصان ہونے سے متعلق کچھ نہیں بتایا گیا ہے البتہ سری لنکن بحریہ کے بقول بھارتی ٹرالرز ’’باٹم ٹرالنگ‘‘ کر رہے تھے جس کی سری لنکا میں پابندی ہے۔
بھارتی ماہی گیر سمندر کی ایک تنگ پٹی آبنائے پالک میں فشنگ کرتے ہیں۔ یہ علاقہ بھارت اور سری لنکا کے سمندری حدود کو تقسیم کرتا ہے۔

انٹر نیشنل

مقبوضہ کشمیرمیں بھارت کی ریاستی دہشتگردی، نوجوان شہید

سرینگر: (ویب ڈیسک) مقبوضہ کشمیرمیں بھارت کی قابض فورسز نے نوجوان کوشہید کردیا۔
کشمیری میڈیا کے مطابق بھارتی فورسزنے ریاستی دہشتگردی کا مظاہرہ کرتے ہوئے نہتے نوجوان کوشہید کردیا۔ نوجوان کوشوپیاں میں نام نہاد سیکورٹی آپریشن کے دوران شہید کیا گیا۔
بھارتی فوج نے شوپیاں اورقریبی علاقوں کا محاصرہ کرلیا۔ گھرگھرتلاشی کے دوران متعدد نوجوانوں کوگرفتاربھی کیا گیا۔ بھارتی فوجیوں نے گھروں میں گھس خواتین اوربچوں کوہراساں کیا۔
شوپیاں اورنواحی علاقوں میں موبائل اورانٹرنیٹ سروس بھی بند کردی گئی۔بھارتی فورسزکی جانب سے محاصرہ جاری ہے اورلوگوں کوگھروں سے نہ نکلنے کا حکم دیا گیا ہے۔

انٹر نیشنل

امریکا کا جنگی بحری بیڑہ اور لڑاکا طیارے امارات بھیجنے کا اعلان

واشنگٹن: (ویب ڈیسک) امریکا نے جنگی بحری جہاز اورلڑاکا طیارے متحدہ عرب امارات بھیجنے کا اعلان کیا ہے۔
امریکا نے حوثی باغیوں کے حملوں کیخلاف متحدہ عرب امارات کو مدد فراہم کرنے کے لئے جنگی بحری جہاز اورجدید لڑاکا طیارے متحدہ عرب امارات بھیجنے کا فیصلہ کیا ہے۔
متحدہ عرب امارات میں امریکی سفارتخانے کی جانب سے جاری بیان کے مطابق متحدہ عرب امارات میں جنگی جہاز اور لڑاکا طیارے بھیجنے کا فیصلہ امریکی وزیردفاع لائیڈ آسٹن اورابوظہبی کے ولی عہد محمد بن زید النہیان کے درمیان ٹٰیلی فون پرگفتگو کے بعد کیا گیا۔

کھیل

آئی سی سی ٹی ٹوئنٹی رینکنگ میں بابراعظم پہلے اور محمد رضوان دوسرے نمبر پر

دبئی: (ویب ڈیسک) آئی سی سی نے نئی ٹی ٹوئنٹی رینکنگ جاری کردی ہے جس میں بابراعظم بدستور پہلے اور محمد رضوان دوسرے نمبر پر ہیں۔
اس وقت پاکستانی کپتان بابر اعظم بدستور پہلی پوزیشن پر برقرار ہیں، ان کے ریٹنگ پوائنٹس کی تعداد 805 ہے جب کہ دوسرے نمبرپر موجود محمد رضوان کے 798 پوائنٹس ہیں۔
عالمی درجہ بندی میں تنزلی کے شکار بھارتی سابق کپتان ویرات کوہلی ٹاپ ٹین میں سب سے آخری نمبرپر پہنچ گئے ہیں، بولرز کی درجہ بندی میں شاداب خان کی پوزیشن 9 ویں ہے، ان کے ساتھ 11ویں نمبرپر شاہین شاہ آفریدی ہیں، حارث رؤف کی 24ویں پوزیشن ہے۔
بولرز کی درجہ بندی میں سری لنکن اسپنر ہرسانگا نے پہلی پوزیشن پر قبضہ کررکھاہے، آل راؤنڈرکیٹگری میں افغانستان کے محمد نبی فہرست میں ٹاپ پر ہیں،شکیب الحسن کی دوسری اور معین علی تیسری پوزیشن ہے، ٹاپ ٹوئنٹی آل راونڈرز کی فہرست میں ایک بھی پاکستانی شامل نہیں۔

کھیل

سلیکٹرز شان مسعود کی کارکردگی کا نوٹس لیں، وقاریونس کا مشورہ

کراچی: (ویب ڈیسک) سابق فاسٹ بولر وقاریونس نے سلیکٹرز کو شان مسعود کی کارکردگی کا نوٹس لینے کا مشورہ دے دیا۔
سابق کپتان اور کوچ وقار یونس نے ٹویٹ کی کہ ’26، 83 اور اب 88 رنز وہ بھی 156 کے اسٹرائیک ریٹ سے، ابھی تو یہ آغاز ہے، گزشتہ برس شان کی ایوریج 30 اور اسٹرائیک ریٹ 146 رہا، سلیکٹرز توجہ دیں، عمر کے ساتھ شان مسعود سمجھدار ہورہے ہیں۔
واضح رہے کہ ایچ بی ایل پی ایس ایل سیزن 7 میں ملتان سلطانز کے شان عمدہ کارکردگی پیش کررہے ہیں، وہ 3 میں سے 2 میچز کے بہترین کھلاڑی کا اعزاز بھی حاصل کرچکے ہیں۔ 31 سالہ شان مسعود نے لاہور قلندرز کے خلاف 83 اور کوئٹہ گلیڈی ایٹرز سے میچ میں 88 رنز بنائے،اسلام آباد یونائٹیڈ سے میچ میں 43 رنز کی اننگز کھیلی۔

دلچسپ و عجیب

سویڈن میں ایسا سینما جہاں فلم بینوں کو ہپنٹائز کیا گیا

سٹاک ہوم: (ویب ڈیسک) سویڈن میں ایک فلم فیسٹیول کے دوران انوکھا تجربہ کیا گیا جس میں فلم بینوں کو ہپنٹائز کر کے یہ جاننے کی کوشش کی گئی کہ فلم کو الگ انداز سے دیکھنے کا کیا اثر پڑتا ہے۔
میڈیا رپورٹ کے مطابق ڈائریکٹر یوہتیبوری فلم فیسٹیول جوناس ہولمبرگ نے بتایا کہ ہم نے یہ ہپناٹک سینما اپنے خیالات کو چیلنج کرنے اور تجربہ کرنے کیلئے بنایا ہے کہ فلم کو کیسے دیکھا جائے اور الگ انداز میں فلم دیکھنے کا کیا اثر پڑتا ہے۔ اس تجربے کے دوران سینما سکرین پر دائرے دکھا کر وہیں موجود ایک شخص فلم بینوں کو ہپنٹائز کر رہا تھا جس کا مقصد منتظمین کے مطابق فلم میں دکھائی جانے والی ہر چھوٹی سے چھوٹی چیز کو بھی محسوس کرانا ہے۔
تجربے کے دوران سینما میں موجود جونا نامی فلم بین نے سینما سے باہر آنے کے بعد بتایا کہ آپ تمام سوچوں اور شور سے دور ہو جاتے ہیں اور آواز کے ساتھ آپ فلم میں بھی کھو جاتے ہیں۔

شوبز

اردو زبان کے ممتاز ادیب انتظار حسین کی آج چھٹی برسی

لاہور: (ویب ڈیسک) اردو زبان کے ممتاز ادیب انتظار حسین کی چھٹی برسی آج منائی جا رہی ہے۔ انہوں نے ناول نگاری، افسانوں، شاعری اور غیر افسانوی تحریروں سے عالمگیر شہرت حاصل کی۔
انتظار حسین کو ادبی خدمات پر ستارہ امتیاز سمیت کئی قومی اور بین الاقوامی اعزازات سے نوازا گیا۔ انتظار حسین کو جدید اردو افسانہ نگاری کا بانی سمجھا جائے تو غلط نہ ہوگا۔
وہ 7 دسمبر 1923ء کو متحدہ ہندوستان کے ضلع بلند شہر کے علاقے دیبائی میں پیدا ہوئے، انہوں نے اپنی ذہانت کے بل بوتے پر افسانے کو نیا رنگ دیا۔ انہوں نے کم وبیش 130 سے زائد کہانیاں، ڈرامے اور تراجم کے علاوہ بے شمار کالم لکھے۔
اپنی زندگی میں انتظار حسین نے متعدد افسانے اور ناول تحریر کیے۔ ان کی شہرہ آفاق تصانیف میں”بستی، آگے سمندر ہے، شہر افسوس، خالی پنجرہ اور گلی کوچے سرفہرست ہیں۔
انتظار حسین فیض احمد فیض، ابن انشا، احمد فراز، منیر نیازی، سعادت حسن منٹو، احمد ندیم قاسمی، اے حمید سمیت دیگر مشاہیر کے ہم عصر ادیب سمجھا جاتا ہے۔
انتظار حسین کو ادبی خدمات پرستارہ امتیاز، لاہور لٹریری فیسٹول میں ’لائف ٹائم اچیومنٹ ایوارڈ‘ سے نوازا گیا، 2014ء میں فرانس کی حکومت کی طرف سے بھی اعلیٰ ترین سول ایوارڈ سے نوازا گیا۔
اردو ادب کے ممتاز ادیب انتظار حسین 2 فروری 2016ء کو مختصر علالت کے انتقال کر گئے، ان کی وفات کے بعد اردو ادب کا ایک روشن باب بند ہو گیا۔

پاکستان

روپے کے مقابلے میں امریکی ڈالر سستا ہو گیا

کرچی: (ویب ڈیسک) ملک بھر میں ایک مرتبہ پھر روپے کے مقابلے میں امریکی ڈالر سستا ہو گیا۔
سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 2 پیسے کی معمولی کمی ریکارڈ کی گئی ۔
انٹربینک میں کمی کے بعد ڈالر کی قیمت 176 روپے 43 پیسے سے کم ہو کر 176 روپے 41 پیسے ہو گئی ہے۔

پاکستان

پاکستان کیلئے قرض پروگرام کی بحالی کا معاملہ، آئی ایم ایف اجلاس آج ہوگا

اسلام آباد: (ویب ڈیسک) پاکستان کے لیے قرض پروگرام کی بحالی کا معاملہ پر آئی ایم ایف ایگزیکٹو بورڈ کا اجلاس آج واشنگٹن میں ہوگا۔
ایگزیکٹو بورڈ پاکستان کے 6 ارب ڈالر کے قرض پروگرام کے چھٹے جائزہ کی منظوری دے گا۔ چھٹے جائزہ کے بعد پاکستان کو ایک ارب ڈالر قرض کی قسط ملنے کا امکان ہے۔ منظوری کی صورت میں پاکستان کو ایک ارب پانچ کروڑ ڈالر کی قسط ملے گی۔ ایگزیکٹو بورڈ اجلاس میں 28 جنوری کو پاکستان کی درخواست پر توسیع کی گئی تھی۔ پاکستان نے فنانس ترمیمی بل، اسٹیٹ بینک بل سمیت تمام شرائط پوری کر دی ہیں۔

اہم خبریں, پاکستان

ابھی بھی وقت ہے غلطیوں سے سیکھ لیں چوہدری پرویز الٰہی کا تحریک انصاف کو مشورہ ، چودھری پرویزالٰہی کی چیف ایگزیکٹیو خبریں گروپ امتنان شاہد سے ملاقات میں گفتگو

ابھی بھی وقت ہے غلطیوں سے سیکھ لیں، چوہدری پرویز الٰہی کا تحریک انصاف کو مشورہ ۔
صرف احتساب نہیں انتظامی امور کو بہتر بنانا ہو گا ،چوہدری پرویز الٰہی ۔
احتساب ضرور ہونا چاہیئے لیکن احتساب کے نظام میں بہتری بھی ہو، چوہدری پرویز الٰہی ۔
شریف فیملی اپنی وجہ سے مشکلات میں ہے، چوہدری پرویز الٰہی ۔
ہمارے دور کے ترقیاتی اور فلاحی منصوبے آج بھی لوگوں کو یاد ہیں، چوہدری پرویز الٰہی ۔
اسپیکر پنجاب اسمبلی چودھری پرویزالٰہی کی چیف ایگزیکٹو خبریں گروپ امتنان شاہد سے ملاقات میں گفتگو۔