وفاقی وزیر اطلاعات و نشریات فواد چوہدری نے سانحہ اے پی ایس مقدمے میں وزیر اعظم عمران خان کی سپریم کورٹ میں آمد کے حوالے سے کہا ہے کہ عمران خان نے ثابت کردیا کہ وہ کس قدر قانون اور عدالتوں کا احترام کرتے ہیں، آئندہ 4 ہفتوں میں رپورٹ عدالت عظمیٰ میں پیش کریں گے۔

سانحہ اے پی ایس پر سماعت کے بعد سپریم کورٹ کے احاطہ میں میڈیا سے بات کرتے ہوئے انہوں نے کہا کہ عمران خان قانون اور انصاف کے علمبردار ہیں اور یہ ان کی سیاست کا مرکز ہے، عدالت عظمیٰ نے صبح ساڑھے 9 بجے حکم دیا اور وزیر اعظم عمران خان گھر سے سیدھا عدالت پہنچ گئے۔

فواد چوہدری نے کہا کہ ہمارے پاس بہت آسان طریقہ تھا، اس وقت مسلم لیگ (ن) برسر اقتدار تھی، ہم تمام ذمہ داری (ن) لیگ، نواز شریف اور اس وقت کے وزیر داخلہ پر عائد کرکے کہتے کہ بات ختم ہوگئی۔

انہوں نے کہا کہ ہم نے الزامات کی سیاست نہیں کی اور نیشنل ایکشن پلان ترتیب دیا گیا جس کی کامیابی کے لیے پوری قوم کھڑی تھی۔

فواد چوہدری نے کہا کہ یہ وہ وقت تھا جب ججز نے فیصلے کرنے چھوڑ دیے تھے اور آرمی کورٹس بنانی پڑی تھیں۔

وفاقی وزیر اطلاعات نے کہا کہ ’انٹیلی جنس ناکامیاں ہوتی ہیں لیکن پاکستان نے دہشت گردی کا خاتمہ کردیا ہے، پاکستان میں نیشنل ایکشن پلان کے بعد معمولات زندگی بحال ہوئے ہیں۔

انہوں نے کہا کہ فوج، پیراملٹری فورسز اور تمام سیاسی جماعتوں کو خراج تحسین پیش کرتے ہیں جنہوں نے مل کر نیشنل ایکشن پلان پر عمل کیا۔

لاہور (جنرل رپورٹر )سموگ نے لاہور کو پھر گھیر لیا، اوسط ائیر کوالٹی انڈکس 356ہو گیا۔کوٹ لکھپت،ٹاﺅن شپ،ڈی ایچ اے اورفتح گڑھ کے علاقے سموگ سے متاثر ہیں۔کوٹ لکھپت میں ہوشربا اے کیو آئی 508 ریکارڈ کیاگیا ہے۔علاوہ ازیں ٹاون شب میں اے کیو آئی 456 ،ڈی ایچ اے فیز 2 کااے کیو آئی455 اورفتح گڑھ میں427 ،گلبرک میں 425 اور ماڈل ٹاون میں424،بحریہ آرچرڈ447 ائیر کوالٹی انڈکس ریکارڈ کیا گیا ۔ طبی ماہرین کے مطابق150 اے کیو آئی سے اوپر انسانی صحت کے لیے مضر قرار دی جاتی ہے۔مزید برآں شہریوں کو بغیر ماسک گھر سے باہر نہ نکلنے کی ہدایت کر دی ہے۔محکمہ موسمیات کے مطابق ملک کے بیشتر علاقوں میں موسم خشک اور رات کے دوران سردرہے گا۔ گزشتہ 24 گھنٹے کا موسم ملک کے بیشترمیدانی علاقوں میں موسم خشک جبکہ پہا ڑی علاقوں میں سرد رہا۔محکمہ موسمیات کے مطابق لہہ منفی 07، سکردو منفی05، زیارت ،بابوسرمنفی03 ،کالام منفی02 اورگلگت میں منفی 01 ڈگری سینٹی گریڈ ریکارڈ کیا گیا۔

وزیر اعظم عمران خان آرمی پبلک اسکول (اے پی ایس) حملہ کیس میں طلب کرنے پر سپریم کورٹ پہنچے جہاں انہوں نے عدالت کو واقعے کے ذمہ داران کے تعین کی یقین دہانی بھی کرائی۔

چیف جسٹس آف پاکستان گلزار احمد کی سربراہی میں جسٹس قاضی محمد امین احمد اور جسٹس اعجاز الاحسن پر مشتمل تین رکنی بینچ نے وزیراعظم کو صبح 10 بجے کے قریب طلب کیا تھا۔

وزیر اعظم تقریباً دو گھنٹے بعد کمرہ عدالت نمبر 1 میں پہنچے جہاں وکلا، سکیورٹی اہلکاروں اور اے پی ایس حملے کے متاثرین کے اہل خانہ کی بڑی تعداد کمرہ عدالت میں موجود تھی۔

وزیر داخلہ شیخ رشید، وزیر اطلاعات فواد چوہدری سمیت چند وفاقی وزرا بھی سپریم کورٹ میں موجود ہیں۔

کیس کی سماعت دوبارہ شروع ہوئی تو چیف جسٹس نے کہا کہ وزیر اعظم صاحب، آپ آئیں جس پر وزیر اعظم روسٹرم پر پہنچ گئے۔

جسٹس اعجاز الاحسن نے ریمارکس دیے کہ والدین کو تسلی کرانا ضروری ہے، والدین چاہتے ہیں کہ اس وقت کے حکام بالا کے خلاف کارروائی ہو۔

چیف جسٹس نے وزیراعظم سے استفسار کیا کہ سانحہ اے پی ایس کے حوالے سے کیا کر رہے ہیں؟

وزیر اعظم نے عدالت کو بتایا کہ ’جو ممکنہ اقدامات ہوسکتے تھے ہم نے کیے، ہماری اس وقت صوبے میں حکومت تھی‘۔

انہوں نے کہا کہ ’میں نے کہا تھا کہ امریکا کی جنگ میں شامل نہ ہوں، ہمیں نیوٹرل رہنا چاہیے تھا‘۔

وزیر اعظم نے کہا کہ ’دوسروں کی جنگ لڑتے ہوئے ہمارے 80 ہزار لوگ شہید ہوچکے، ہمیں پتہ ہی نہیں تھا کہ دوست کون ہے اور دشمن کون‘۔

ان کا کہنا تھا کہ ’دہشت گردی کے خلاف جنگ اس لیے جیتے کہ قوم ہمارے پیچھے کھڑی تھی‘۔

جسٹس قاضی امین نے ریمارکس دیے کہ ماضی میں جانے کی ضرورت نہیں ہے، یہ بتائیں، اب تک کس کو پکڑا؟

جسٹس اعجاز الاحسن نے کہا کہ رپورٹ کے مطابق کوئی خصوصی اقدام نہیں لیے گئے، حکومت نے کوئی اہم اقدام اٹھائے ہیں تو عدالت کو بتایا جائے۔

ان کا کہنا تھا کہ آئین پاکستان ہر پاکستانی کی جان و مال کا تحفظ دیتا ہے۔

وزیر اعظم نے کہا کہ ’جب یہ واقعہ ہوا تو میں فوراً پشاور پہنچا اور والدین سے ملاقات کی تھی‘۔

چیف جسٹس نے استفسار کیا کہ ’ریاست نے بچوں کے والدین کو انصاف دلانے کے لیے کیا کیا؟‘، اس پر وزیر اعظم نے بتایا کہ ’میں تو اس وقت حکومت میں نہیں تھا‘۔

جسٹس قاضی امین نے ریمارکس دیے کہ ’میڈیا رپورٹس کے مطابق آپ تو ان لوگوں سے مذاکرات کررہے ہیں‘۔

عمران خان نے کہا کہ ’مجھے بات کرنےکا موقع دیں، میں ایک ایک کرکے وضاحت کرتا ہوں‘۔

چیف جسٹس نے ریمارکس دیے کہ ’ہمیں آپ کے پالیسی فیصلوں سے کوئی سروکار نہیں، ہمیں یہ جاننا ہے کہ اتنے سال گزرنے کے بعد بھی مجرموں کا سراغ کیوں نہ لگایا جا سکا‘۔

بعد ازاں عدالت عظمیٰ نے حکومت کو پیش رفت رپورٹ پیش کرنے کی ہدایت کرتے ہوئے سماعت چار ہفتوں کے لیے ملتوی کردی۔

وزیر اعظم کی آمد سے قبل سپریم کورٹ کے اطراف سیکیورٹی کے انتہائی سخت انتظامات کیے گئے اور انسپیکٹر جنرل (آئی جی) اسلام آباد قاضی جمیل الرحمٰن بھی سپریم کورٹ پہنچے تھے۔

قومی اسمبلی کے اجلاس میں آئینی ترمیمی بل کی تحریک پر حکومت کو شکست ہوگئی۔

مسلم لیگ ن کے جاوید حسنین نے امیدوار پر 7 سال تک انتخابی نشان تبدیل نہ کرنے کا بل پیش کیا  جس کی حکومت نے مخالفت کی۔

 اسپیکر نے زبانی رائے شماری کی بنیاد پر بل کے خلاف فیصلہ دیا تو اپوزیشن نے چيلنج کردیا۔

گنتی میں اپوزيشن کو 117 اور حکومت کو 104 ووٹ ملے جس پر ڈپٹی اسپیکر نے بل پیش کرنے کی اجازت دے دی۔

حکومت کی جانب  سے تحریک انصاف کی رکن اسما قدیر نے خواتین کو سوشل میڈیا پر ہراساں کرنے پر سزا کی تجویز کا بل پیش کرنا چاہا تو اپوزیشن نے بل کی مخالفت کردی۔

جب ووٹنگ کرائی گئی تو حکومت کی تعداد کم تھی۔ اس پر ڈپٹی اسپیکر قاسم سوری نے گنتی کا نتیجہ بتانے کے بجائے بل پیش نہ کرنے کا کہا اور اجلاس بدھ کی صبح گیارہ بجے تک ملتوی کردیا۔

سابق اسپیکر ایاز صادق نے کہا کہ آج کی شکست کے بعد عمران خان کیلئے موقع ہے، وہ استعفیٰ دے دیں ورنہ مشترکہ اجلاس میں بھی حکومت کو اسی طرح شکست ہوگی۔

مریم اورنگزيب نے کہا کہ آج حکومت کو تیاری کے باوجود قومی اسمبلی میں شکست ہوئی، وزیراعظم کے جانے کا وقت ہوچکا۔

ایف آئی اے نے سنگین جرائم میں ملوث 1200 ملزمان کی فہرست تیار کرلی، انٹرپول کی مدد سے گرفتاری کا فیصلہ
انتہائی مطلوب ملزمان کی فہرست میں بانی متحدہ لیگی رہنما ناصر محمود بٹ، علی حیدر گیلانی کے اغواءمیں ملوث افراد بھی شامل۔
737 کا تعلق خیبر پختونخواہ ، 161 بلوچستان، پنجاب 122، سندھ 100 ملزمان شامل۔
خطرناک 50ڈان بھی شامل ، جن پر بھاری رقم لے کراہم شخصیات کے قتل کا الزام۔
فہرستیں صوبوں کے اعلیٰ حکام کو بھی پہنچا دی گئیں، مکمل تعاون کرنے کا حکم۔
بیرون ملک مقیم انتہائی مطلوب ملزمان کی ریڈلسٹ میں بھی انٹری کرلی گئی۔
وفد جلد انٹرپول سے ملاقات کرے گا۔

اسلام آباد (نامہ نگار خصوصی) وفاقی کابینہ نے افغانستان میں خوراک کی کمی کو پورا کرنے کیلئے پاکستان میں ایک فنڈ قائم کرنے کا فیصلہ کیا ہے ۔وفاقی وزیر اطلاعات فواد چوہدری نے کہا ہے کہ افغانستان میں 2کروڑ 30لاکھ افراد خوراک کی کی کا شکار ہیں،ابتک 8بچے خوراک کی عدم دستیابی کے باعث جاں بحق ہوچکے ،لوگ خوراک کیلئے بچے فروخت کر رہے ہیں، ہم دنیا کو اپنے خدشات کا پہلے ہی اظہار کرچکے تھے لیکن اب ہم تمام ممکنہ اقدامات اٹھائیں گے جو افغان باشندوں کے لیے مناسب ہوں گے، کابینہ نے وافر مقدر میں گندم اور چاول افغانستان بھیجنے اور افغانستان کی تمام درآمدات پر ٹیکس ختم کرنے کا فیصلہ کیا ہے، تحریک طالبان میں کئی گروپ ہیں جو ہتھیار پھینکیں گے ان سے مذاکرات کریں گے، اس وقت صرف سیزفائر پر بات ہورہی ہے، ، ٹی ٹی پی کے سب لوگ یا ان میں سے کچھ لوگ اگر آئین پاکستان کو تسلیم کرتے ہیں اور قانون کو احترام دیتے ہیں تو ہم انہیں موقع دیں گے، پی ڈی ایم بھان متی کا کنبہ ہے، 2023میں الیکشن کی طرف جائیں گے، اپوزیشن کو ڈیڑھ 2سال صبر کرنا پڑے گا اور پھر 5سال مزید صبر کرنا پڑے گا،لانگ مارچ پی ڈی ایم کی ونٹر ایکٹیویٹی ہے، مولانا فضل الرحمان کو لگتا ہے کہ دوڑ شوڑ لگا کر جسم گرم کریں تو کر لیں، میڈیا ہر وقت مہنگائی کے بارے سنسنی پھیلارہا ہے، ہرچیزپرسبسڈی دینگے توملک نہیں چل سکتا، مارچ کے بعد گیس بحران کم ہو جائےگا۔

اسلا م آباد(ویب ڈیسک ) نشان حیدر اعزاز حاصل کرنے والے پاک فوج کے پہلے سپوت کیپٹن راجہ محمد سرور شہید کا 111واں یوم پیدائش آج 10 نومبر بروز بدھ کو عقیدت واحترام کے ساتھ منایا جائےگا اس سلسلہ میں احمدیار سمیت ملک بھرمیں تقریبات انعقاد پذیر ہونگیںراجہ محمد سرور10 نومبر1910 کو سنگھوری ضلع راولپنڈی میں پید اہوئے تھے آپ کے والد راجہ حیات خان پاک فوج میں حوالدار تھے ،راجہ محمد سرور شہید نے15 اپریل1929 کو فوج میں بطور سپاہی شمولیت اختیار کی1944 میں آرمی انجینئر کورمیں شمولیت اختیار کی اور1946 کو پنجاب رجمنٹ کی بٹالین میں کمپنی کمانڈر مقرر ہوئے اور 1947میں انہیں کیپٹن کے عہدے پر ترقی دے دی گئی27 جولائی1948 میں دشمن ملک کی فوج نے کشمیر کے اوڑی سیکٹر میں حملہ کیا اور کیپٹن راجہ محمد سرور نے دشمن کے مورچوں پر حملہ کیا اور سینے پر گولی کھا کر جام شہادت نوش کیا انہیں پاکستان کا پہلا نشان حیدر اعزاز عطاءکیا گی