اسلام آباد: (ویب ڈیسک) چوہدری برادران نے مشکل وقت میں وزیراعظم عمران خان کا ساتھ دیا،اب بھی ہمارے ساتھ کھڑے ہیں اورکھڑے رہیں گے.
میڈیا پر وزیر دفاع پرویزخٹک کی جانب سے ق لیگ کو وزارت اعلیٰ نہ دینے کا بیان چلا تھا جس پر مونس الہٰی کا بھی ردعمل آیا، وزیردفاع پرویزخٹک نے مسلم لیگ ق کے حوالے سے چلنے والی خبروں سے متعلق سختی سے تردید کردی ہے۔
وزیردفاع نے اپنے حوالے سے چلنے والی خبروں کومن گھڑت اوربے بنیاد قراردیتے ہوئے کہا کہ میڈیا پرایسا کوئی بیان جاری نہیں کیا۔ وزیر دفاع نے اتحادی جماعت مسلم لیگ ق کے حوالے سے کوئی بیان جاری نہیں کیا۔ مسلم لیگ ق ہماری اتحادی ہے اور رہے گی۔
مسلم لیگ ق نے ہرمشکل وقت میں وزیراعظم عمران خان کا ساتھ دیا ہے اور اب بھی چوہدری برادران ہمارے ساتھ کھڑے ہیں اور کھڑے رہیں گے۔
اس سے پہلے میڈیا پریہ خبریں آئی تھیں کہ وفاقی حکومت نے مسلم لیگ ق کو پنجاب کی وزارت اعلیٰ دینے سے صاف انکارکردیا ہے۔
وفاقی وزیر پرویزخٹک کا حوالہ دے کر کہا گیا کہ قومی اسمبلی کی پانچ نشستوں پر وزیراعلیٰ بنانے کا مطالبہ قبول نہیں ۔وزیراعلیٰ نہیں بنا سکتے ن لیگ بناتی ہے تو بن جائیں۔
پرویزخٹک کے حوالے سے یہ بیان چلنے پر مونس الہیٰ کا کہنا تھا کہ پرویزخٹک سے ہردوسرے روز بات ہوتی بیان کی وضاحت پرویزخٹک خود کریں۔

اسلام آباد: (ویب ڈیسک) اسلام آبادہائیکورٹ نے اسلام آبادلوکل گورنمنٹ آرڈیننس 2021 کالعدم قرار دےدیا۔
اسلام آباد ہائیکورٹ نےلوکل گورنمنٹ ایکٹ کے بجائے نئے آرڈی نینس کے تحت اسلام آباد کے بلدیاتی انتخابات کروانے سے روک دیا۔
اسلام آباد ہائیکورٹ نے قرار دیا ہے کہ اسلام آبادکےبلدیاتی انتخابات نئےآرڈیننس کےتحت نہیں ہوسکتے۔لوکل گورنمنٹ آرڈیننس سے متعلق فیصلہ جسٹس محسن اخترکیانی نے سنایا۔
سابق یو سی چیئرمین،سی ڈی اے مزدور یونین اور دیگر درخواستوں پر محفوظ فیصلہ سنایا گیا۔لوکل گورنمنٹ ایکٹ کی موجودگی میں آرڈی نینس کے ذریعے نیا بلدیاتی نظام لانے کو چیلنج کیا گیا تھا۔
لوکل گورنمنٹ آرڈیننس میں چیئرمین کا کردار محدود کرنے پر بھی اعتراض اٹھایا گیا تھا۔ آرڈیننس کے باقاعدہ قانون نہ بن پانے پر منتخب نمائندوں کے مستقبل پر بھی سوال اٹھایا گیا تھا۔
حکومتی وکیل نے بتایا تھا کہ 19 نومبر کو پارلیمنٹ کا سیشن ختم ہوا، 23 نومبر کو آرڈیننس جاری ہوا۔

کراچی : (ویب ڈیسک) وزیر اعلیٰ سندھ مراد علی شاہ کا کہنا ہے کہ عمران خان کا وقت ختم ہوچکا،10 دن میں اگلی حکومت آرہی ہے۔172سے زائد اراکین تحریک عدم اعتماد کی تائید کریں گے۔
وزیر اعلیٰ سندھ مراد علی کا کہنا ہے کہ مرکزی حکومت ناکام ہوگئی ہے۔ایم کیوایم سے بات ہوئی تھی، ان کے مطالبات پر غور کیاگیا۔بلاول بھٹو نے کہا کہ ایم کیوایم کے مطالبات میں ایسا کچھ نہیں تھا جس پر اعتراض ہو۔
ان کا کہنا ہے کہ پرویز الہٰی کا انٹرویو بھی آگیا ہے ابھی اور بھی معاملات واضح ہوجائیں گے۔لوگوں کو عمران خان اور حکومت سے نفرت ہوگئی ہے۔وزیراعظم سب کا وقت ضائع کررہے ہیں ،ان کا وقت ختم ہوچکاہے۔
انہوں نے کہا ہے کہ 172سے زائد اراکین تحریک عدم اعتماد کی تائید کریں گے۔ہفتے 10دن میں اگلی حکومت آرہی ہے۔تحریک عدم اعتماد میں جتنا تاخیر کریں گے 28مارچ سے آگے نہیں جائیں گے۔
ان کا کہنا ہے کہ کراچی سے مارچ نکلا تو پی ڈی ایم نے شرکت کی۔عمران خان کے لیے 10لاکھ لوگ اکھٹے نہیں ہوں گے۔وزیراعظم نے کس کے ایما پر عوام کو تکلیف پہنچائی نہیں معلوم ،وزیراعظم عمران خان عجیب شخصیت ہیں ، جس بات سے منع کیاجائے وہ کرتےہیں،

لاہو ر : (ویب ڈیسک) وزیر خارجہ شاہ محمود قریشی کا کہنا ہے کہ تحریک عدم اعتماد کے لیے200سےزائد ارکان کی تائید بلاول کی خواہش ہوسکتی ہے لیکن حقائق نہیں ہیں۔
وزیر خارجہ شاہ محمود قریشی کا کہنا ہے کہ بلاول بھٹو کہہ رہےہیں کہ ان کو 200سے زائدارکان کی تائید حاصل ہے۔200سےزائد ارکان کی تائید بلاول کی خواہش ہوسکتی ہے لیکن حقائق نہیں ہیں۔
ان کا کہنا ہے کہ اتحادیوں سے مسلسل 3 سال کا تعلق قائم ہے۔اپوزیشن والے اتحادیوں کے لیے مشکلات پیدا کرتے رہے ہیں،
انہوں نے اسلاموفوبیا کی قرارداد پر بات کرتے ہوئے کہا ہے کہ اسلامو فوبیا سے متعلق ہمارا موقف دنیا نے تسلیم کرلیا۔اسلام و فوبیا کی بڑھتی لہر کے خلاف ہمار ی آواز سنی گئی
ان کا کہنا ہے کہ قرارداد میں 15مارچ کو اسلام و فوبیا سے نمٹنے کا عالمی دن قرار دیاگیا۔ واضح رہے کہ اقوام متحدہ نے اسلامو فوبیا کے خلاف پاکستان کی قرارداد کی منظور کر لی ہے

اسلام آباد: (ویب ڈیسک) وزیرداخلہ شیخ رشید نے کہا ہے کہ فتح وزیراعظم عمران خان کی ہی ہو گی، 63 اے کی خلاف ورزی کرنیوالا ووٹ نہیں ڈال سکے گا۔ جو قانون کو ہاتھ میں لے گا اُسے نہیں چھوڑیں گے۔
اسلام آباد میں میڈیا سے بات کرتے ہوئے وفاقی وزیر داخلہ شیخ رشید نے کہا کہ فضل الرحمان پر افسوس ہے کہ وہ آج کل مولا جٹ بنے ہوئے ہیں اور عجیب و غریب بیانات دے رہے ہیں۔ ایسی باتیں کررہے ہیں کہ ڈنڈےلےآئیں گے، فضل الرحمان سے کہتاہوں یہ سب بھاگ جائیں گےآپ دھرلئےجائیں گے۔ نہ ہم آپ کوچھیڑیں گےنہ آپ قانون کوچھیڑیں ، اگرآپ قانون کوچھیڑیں گےتوہم آپ کونہیں چھوڑیں گے۔
انہوں نے کہا کہ عمران خان جیتےیاہارےفائدہ عمران خان کاہی ہوگا، نسلی اوراصلی لوگ عمران خان کیساتھ کھڑےہونگے،ہم عمران خان کیساتھ کھڑےہیں۔ عمران خان جیتےگالیکن اگررزلٹ کچھ اورہواتو3ہفتےمیں عمران خان کی مقبولیت میں اضافہ ہوجائےگا۔
ان کا مزید کہنا تھا کہ اپوزیشن کوعدم اعتماد کاحق حاصل ہے،سپیکر63اےکےتحت کسی بھی ممبرکاووٹ ڈالنےسےقبل ووٹ منسوخ کرسکتاہے۔