لندن: (ویب ڈیسک) لندن میں عابد شیرعلی سے جھگڑا کرنے والا نوجوان شایان علی مسلم لیگ ن کے قائد نواز شریف کے صاحبزادے حسن نواز کے دفتر جاپہنچا۔
نواز شریف دفتر سے نکلے تو شایان علی ان کے خلاف غلیظ زبان استعمال کرتے ہوئے ان کی طرف بڑھا، جس پر سکیورٹی گارڈ نے روکا تو شایان علی نے اس کے سرپر فون مار کر خون نکال دیا، جس کے بعد سکیورٹی گارڈ نے بھی شایان علی کو تشدد کا نشانہ بنایا۔
جس وقت یہ واقعہ پیش آیا، شایان علی کے ساتھ اس کی والدہ بھی موجود تھیں۔
خیال رہے کہ شایان علی نے گزشتہ سال عید پر عابد شیر علی سے ریسٹورنٹ میں جھگڑا کیا تھا جس کی ویڈیوز بھی سامنے آئی تھیں۔

لاہور: (ویب ڈیسک) پاکستان مسلم لیگ (ن) کی نائب صدر مریم نواز نے کہا ہے کہ آج جو کچھ بھی وزیر اعظم عمران خان کر رہا ہے وہ صرف اس کے خلاف ڈوزیئر اور چارج شیٹ میں شامل کرے گا۔
سماجی رابطے کی ویب سائٹ ٹویٹر پر انہوں نے کہا کہ فہرست لمبی سے لمبی ہوتی جا رہی ہے، وہ اپنے اور اپنے لوگوں کے لیے پریشانیوں اور مصائب کو دعوت دے رہا ہے، وہ آج کہے گئے ہر لفظ کی ناک سے قیمت ادا کرے گا۔
انہوں نے آخر میں کہا کہ ’پھر نہ کہنا بتایا نہیں‘۔

لاہور: (ویب ڈیسک) وزیراعظم عمران خان نے کہا ہے کہ ہم باطل کے خلاف حق اور حب الوطنی کی جنگ لڑ رہے ہیں۔
سماجی رابطے کی ویب سائٹ ٹویٹر پر وزیراعظم نے لکھا کہ کربلا میں حضرت امام حسین ؑ نے ایک ایسے دشمن کا سامنا کیا جو ان سے تعداد میں کہیں زیادہ تھا، اس معرکہ میں امام حسین ؑ کے اہل خانہ اور پیروکاروں نے لوگوں کو حق اور باطل کے درمیان فرق دکھانے کے لیے اپنی جانیں قربان کر دیں۔
وقت حاضر سے متعلق انہوں نے کہا کہ آج ہم جھوٹ اور غداری کے خلاف حق اور حب الوطنی کی جنگ لڑ رہے ہیں۔

اسلام آباد: (ویب ڈیسک) وزیر اطلاعات فواد چودھری نے کل ووٹنگ کے دوران تصادم سے متعلق خبروں کو بےبنیاد قرار دے دیا۔
اپنی ٹوئٹ میں انہوں نے کہا کہ تحریک انصاف مڈل کلاس کی پارٹی ہے، ایک مہم کے تحت خبر چلائی گئی کے تحریک انصاف کے کارکن خونریزی کریں گے۔
ان کا کہنا تھا کہ تشدد کی کوئی گنجائش نہیں جو کچھ ہوگا آئین کے مطابق ہو گا، تشدد سے متعلق خبر فیک نیوز کی طرح ہے۔