لاہور (کرائم رپورٹر) لاہورپولیس نے دہشت گردی کے خدشات کے پیش نظر شہر میں آنے والے غیرملکیوں کی سکیورٹی سخت کر دی اور فارنر آفس‘ دیگر سرکاری‘ نیم سرکاری ونجی شعبوں کو ہدایت کی گئی ہے کہ مختلف منصوبہ جات پر کام کرنے کی غرض سے آنے والے غیرملکیوں کے بارے لاہور پولیس کو بروقت مطلع کیا جائے۔ غیرملکیوں کے حوالے سے مکمل سکیورٹی پلان تشکیل دیا گیا ہے۔ ڈی آئی جی آپریشن لاہور ڈاکٹر حیدراشرف کا کہنا تھا کہ بیرون ملک سے آنے والے سیاحوں اور وفود کو تحفظ مہیا کرنالاہور پولیس کی اہم ذمہ داری ہے۔ دہشت گردی کے تناظر اور موجودہ لاءاینڈ آرڈر کی صورتحال میں بیرون ملک سے آنے والے وزیٹرز اور ملک کی ترقی کیلئے مختلف سکیٹرز میں خدمات سرانجام دینے والے غیرملکی انجینئرز کے حفاظتی انتظامات یقینی اور مو¿ثر بنانا وقت کی اہم ضرورت ہے۔