فیصل آباد (ویب ڈیسک )وزیرمملکت برائے پانی و بجلی عابد شیر علی نے کہا ہے کہ ریلوکٹوں کے پاس 10سالہ پرانا ثبوت نہیں شریف فیملی نے 40سالہ پرانا ثبوت دیا ہے،عدالتی فیصلوں پر اثرانداز ہونے کی کوشش کی جارہی ہے،عمران خان سیاسی طور پر ناکام ہوچکے ہیں،ریلوکٹے سن لیں نوازشریف 2018کے بعد بھی وزیراعظم ہوں گے،عدالت فیصلہ آئین اور قانون کے مطابق دے گی،دہشتگردی کا ناسور ختم کرنے کیلئے ہر اقدام اٹھائیں گے۔ہفتہ کو فیصل آباد میں میڈیا سے گفتگو کرتے ہوئے عابد شیر علی نے کہا کہ نوازشریف بلوچوں کو قومی دھارے میں لانے کیلئے پرعزم ہیں،نوازشریف نے ہمیشہ آئین اور قانون کی پاسداری کی،عمران خان سیاسی طور پر ناکام ہوچکے ہیں۔انہوں نے کہا کہ چند لوگوں کو تکلیف ہے کہ صوبے نوازشریف کے ساتھ ہیں،عدالتی فیصلوں پر اثرانداز ہونے کی کوشش کی جارہی ہے،عدالت فیصلہ آئین اور قانون کے مطابق دے گی،فیصلے کو متنازع بنانے کی کوشش کی جارہی ہے۔عابد شیر علی نے کہا کہ سیاسی پھٹیچروں کو اپنا فیصلہ صادر کرنے کی اجازت نہیں،ریلوکٹے سن لیں نوازشریف 2018کے بعد بھی وزیراعظم ہوں گے،ریلوکٹوں کو آئین اور قانون سے کھیلنے کی اجازت نہیں دیں گے۔انہوں نے کہا کہ ریلوکٹوں کے پاس 10سالہ پرانا ثبوت نہیں شریف فیملی نے 40سالہ پرانا ثبوت دیا ہے،عدالتی فیصلے سے شریف خاندان سرخروہوگا،دہشتگردی کا ناسور ختم کرنے کیلئے ہر اقدام اٹھائیں گے۔….(خ م)

فیصل آباد(ویب ڈیسک)وفاقی وزیرمملکت برائے پانی و بجلی چوہدری عابد شیرعلی نے کہا ہے کہ سینئر سیاستدان جاوید ہاشمی نے انکشافات کرکے تحریک انصاف اور اس کے سربراہ عمران خان کی تمام سازشوں کا بانڈا پھوڑ دیا ہے، جاوید ہاشمی کا ایک مقام ہے اور ان کے کردار سے سب واقف وہ کبھی جھوٹ نہیں بولتے، لہذا اب عمران خان کے پی کے حکومت پر توجہ مرکوزکرنی چاہئے ، پاکستان کی عوام حکومت کی کارگردگی سے مطمئن ہے،جس کی وجہ سے 2013ءکے عام ،ضمنی اوربلدیاتی انتخابات میںمسلم لیگ (ن) کوکامیابیاںملی ہیںاور انشاءاللہ2018کے انتخابات میںبھی مسلم لیگ ن ہی فاتح جماعت ثابت ہوگی۔ ان خیالات کا اظہار چوہدری عابد شیرعلی نے آن لائن سے خصوصی گفتگو کرتے ہوئے کیا، چوہدری عابد شیرعلی نے کہا کہ حکومت پنجاب مقامی سطح پر لوگوں کے مسائل کے حل اور عوامی فلاح و بہبود کے منصوبوں کی تکمیل کے لئے مضبوط اور بااختیار بلدیاتی نظام حکومت کی تشکیل کی طرف گامزن ہے ۔ صوبہ بھر میں نئے بلدیاتی نظام سے معاشی استحکام اور تعمیر و ترقی کا خواب پورا ہو گا ۔ انہوں نے کہا کہ حکومت پنجاب نے مقامی حکومتوں کے لئے تعمیر و ترقی اور فلاحی منصوبوں کی مد میں اربوں روپے کی خطیر رقم مختص کی ہے ۔ صوبہ بھرمیں صحت اور تعلیم کے شعبوں میں ضلعی اتھارٹی الگے سال جنوری سے فعال ہو گی جس سے مقامی سطح پر روز گار ‘ تعلیم صحت ‘ ‘ سکولوں کی تعمیر و ترقی و تزئین و آرائش ‘ اساتذہ کے تبادلوں سمیت سرکاری ملازمین اور دیگر معاملات کے لئے صوبائی دارالحکومت کے چکر نہیں لگانے پڑیں گے ۔انہوں نے کہا کہ 2018ءتک این اے 83 کے تمام مسائل حل کر لئے جائیں گے اور اپنی کارکردگی بنا پر عوامی عدالت میں جا کر لوگوں سے دوبارہ ووٹ مانگیں گے۔2018ءکے انتخابات میں میاں نواز شریف اور میاں شہباز شریف کی قیادت میںبھاری اکثریٹ سے کامیاب ہونگے کیونکہ جس لگن اور محنت سے ہماری حکومت نے ملک کو دہشتگردی ،توانائی ،معاشی اوردیگر مسائل سے نکلنے کی جدوجہد کی ہے اور حکومت عوام کی خدمت کررہی ہے اس سے پاکستانی عوام بخوبی واقف ہے۔