اسلام آباد(ویب ڈسیک)بھارت نے پاکستان بلائنڈ کرکٹ ٹیم کو ویزے جاری کر دیئے۔پاکستانی ٹیم کو( آج) جمعرات کوپاسپورٹ مل جائیں گے۔پاکستان بلائنڈ کرکٹ کونسل (پی بی سی سی)کے چیئرمین سلطان شاہ کے مطابق بھارتی حکومت کی جانب سے گزشتہ روزکلیئرنس مل گئی تھی۔انہوں نے کہا کہ ٹیم کو وزارت داخلہ کی جانب سے کلیئرنس کا انتظار ہے،وزارت خارجہ پاکستان ٹیم کو پہلے ہی این او سی دے چکے ہیں۔پاکستان بلائنڈ ٹیم کی 28 جنوری کو بھارت روانگی شیڈول ہے ۔