حیدر آباد(ویب ڈیسک)حیدر آباد میں میڈیا سے بات کرتے ہوئے مشیر اطلاعات سندھ مولا بخش چانڈیو نے کہا کہ بلاول بھٹو کے 4 مطالبات فوری طور پر مانے جائیں ورنہ حکومت کے چین کے دن ختم ہوجائیں گے اور پھر ہم نے تحریک کا آغاز کیا تو آپ کی نیندیں حرام ہوجائیں گی۔ انہوں نے کہا کہ عابد شیرعلی چاہتے ہیں کہ حکومت دباو¿ میں رہے تاکہ ان کے والد کا خواب پورا ہو کیونکہ حکومت نے رانا ثناءاللہ کو اپنے ساتھ رکھا ہوا ہے جب کہ (ن) لیگ کا کوئی بھی اچھی شہرت والا رہنما پاناما معاملے پر حکومت کا دفاع نہیں کرتا، اب پاناما کیس ان کو نہیں چھوڑے گا۔صوبائی مشیراطلاعات نے کہا کہ پنجاب کوئی جادو نگری ہے کہ اس کے مسائل کا کوئی تذکرہ نہیں کرتا، صرف لاہور کا امن وامان تو دیکھیں کتنے اغوا کی وارداتیں ہیں اور گاڑیاں اسلحہ کے زور پر لوٹ لی جاتی ہیں، لاہور کے لوگ امن امان کو رو رہے ہیں جس کی شہریوں نے ہم سے شکایات کی، پنجاب میں مچھر نے مستی مچا رکھی ہے، کوئی سد باب نہیں ہو رہا، ایک مچھر ان سے کنٹرول نہیں ہو رہا۔مولابخش چانڈیو کا عمران خان سے متعلق سیاسی اتحاد کے حوالے سے کہنا تھا کہ عمران خان انگلیوں کا آسرا چھوڑیں اور عوام پر اعتماد کریں کیوں کہ ہم نے پہلے ہی کہا تھا کہ تبدیلی انگلی کے اشارے سے نہیں بلکہ سیاسی اتحاد سے آئے گی، عمران خان آئیں اور اپوزیشن سے بات چیت کریں تو مل کر کوئی لائحہ عمل بنائیں گے۔

کراچی: (ویب ڈیسک) پریس کلب کے فورم پر اپنے خیالات کا اظہار کرتے ہوئے مشیر اطلاعات مولا بخش چانڈیو کا کہنا تھا کہ پنجاب اور وفاقی حکومت سے مطالبہ کرتا ہوں کہ بلاول بھٹو کو مکمل سیکیورٹی فراہم کریں۔ مستقبل میں یہ ہی ملک کی بھاگ دوڑ سنبھالیں گے اگر خدانخواستہ کچھ ہوا تو پنجاب اور وفاقی حکومت اس کے ذمہ دار ہوں گے۔ انہوں نے کہا جو ادارے لوگوں کی خدمت کرتے ہیں وہ ماں باپ کا درجہ رکھتے ہیں جبکہ عدلیہ کا ہماری سوسائٹی میں ایک بڑا کردار ہے۔ جب تک معاملہ عدالت میں ہو اس پر رائے دینا مناسب نہیں۔ ہمارے وزیراعظم نے عدلیہ کے فیصلوں کا احترام کیا ہم ملک میں افراتفری پیدا کرنا نہیں چاہتے ہیں۔ دہشت گردوں نے بے نظیر بھٹو کو سر عام شہید کیا گیا ہماری قیادت کو اب بھی دہشت گردوں سے خطرات لاحق ہیں۔